ମୁମ୍ବାଇ: ସ୍ତ୍ରୀ, ସ୍ତ୍ରୀ ୨ର ଧମାକା ପରେ ପ୍ରଶଂସକ ଅପେକ୍ଷା କରିଛନ୍ତି କେବେ ଏହି ଫିଲ୍ମର ତୃତୀୟ ପାର୍ଟ ରିଲିଜ୍ ହେବ। ଶେଷରେ ପ୍ରଶଂସକଙ୍କ ପାଇଁ ଆସିଛି ଖୁସିର ଖବର। କେବେ ସ୍ତ୍ରୀର ତୃତୀୟ ପାର୍ଟ ରିଲିଜ୍ ହେବ ନିର୍ମାତା ସୋମବାର ସୂଚନା ଦେଇଛନ୍ତି। କେବଳ ସ୍ତ୍ରୀ ୩ ନୁହେଁ ନିଜର ବାକି ସୁପରନ୍ୟାଚୁରାଲ ଫିଲ୍ମର ତାରିଖ ଘୋଷଣା କରିଛନ୍ତି ନିର୍ମାତା। ଏଥିରେ ଭେଡ଼ିଆ ୨, ଶକ୍ତିଶାଲିନୀ, ଥାମା ସାମିଲ।

ମ୍ୟାଡକ ସାମାଜିକ ଗଣମାଧ୍ୟମରେ ସୂଚନା ଦେଇଛି ଯେ, ଦିନେଶ ବିଜାନଙ୍କ ହରର କମେଡି ୟୁନିଭର୍ସର ୮ ଫିଲ୍ମ ଆସିବାକୁ ଯାଉଛି। ତେଣୁ ପ୍ରସ୍ତୁତ ରୁହନ୍ତୁ ଡରିବା ପାଇଁ, ଚିତ୍କାର କରିବା ପାଇଁ ଓ ହସିବା ପାଇଁ। ସ୍ତ୍ରୀ ୩ ଫିଲ୍ମ ୨୦୨୭ ଅଗଷ୍ଟ ୧୩ ତାରିଖ ବଡ଼ ପରଦାକୁ ଆସିବ। ଆୟୁଷ୍ମାନ ଖୁରାନା ଅଭିନୀତ ଥାମା ୨୦୨୫ ଦୀପାବଳିରେ ରିଲିଜ୍ ହେବ। ସେହିପରି ଶକ୍ତିଶାଲିନୀ ୨୦୨୭ ଡିସେମ୍ବର ୩୧, ପ୍ରଥମ ମହାଯୁଦ୍ଧ ୨୦୨୮ ଅଗଷ୍ଟ ୧୧ ଓ ଦ୍ଵିତୀୟ ମହାଯୁଦ୍ଧ ୨୦୨୮ ଡିସେମ୍ବର ୧୮ରେ ରିଲିଜ୍ ହେବ। 

Also read: ଜାରି ରହିଛି ‘ପୁଷ୍ପା-୨’ର କ୍ରେଜ୍, ଏବେ ହେଲା ଦେଶର ଦ୍ବିତୀୟ ସବୁଠୁ ଅଧିକ ଆୟ କରିଥିବା ଫିଲ୍ମ

୨୦୨୪ ମ୍ୟାଡକ୍ ପାଇଁ ଥିଲା ଚମତ୍କାର ବର୍ଷ

୨୦୨୪ ମ୍ୟାଡକ ପାଇଁ ବହୁତ ସଫଳତାର ବର୍ଷ ଥିଲା। ଫିଲ୍ମ ସ୍ତ୍ରୀ ୨, ମୁଞ୍ଜା ଓ ତେରି ବାତୋ ମେଁ ଏସା ଉଲଝା ଦିୟା ରିଲିଜ୍ ହୋଇଥିଲା। ଏଥିରୁ ସ୍ତ୍ରୀ ୨ ଓ ମୁଞ୍ଜା ସୁପର ଡୁପର ହିଟ୍ ରହିଥିଲା। ସ୍ତ୍ରୀ ୨ ଭାରତୀୟ ବକ୍ସ ଅଫିସରେ ଇତିହାସ ରଚିଥିଲା। 

ଏହି ଘୋଷଣାକୁ ନେଇ ଦିନେଶ କହିଛନ୍ତି, ଆମର ମିଶନ ମ୍ୟାଡକରେ କିଛି ଅଭିନବ ଓ ମନୋରଞ୍ଜନ ଫିଲ୍ମ ପ୍ରସ୍ତୁତ କରିବା। ଲୋକଙ୍କ ହୃଦୟକୁ ଛୁଇଁବା ପରି କାହାଣୀ ତିଆରି କରୁଛୁ ଯାହା ଭାବାବେଗ ସହ ଜଡ଼ିତ ଥିବ ଏବଂ ଅର୍ଥପୂର୍ଣ୍ଣ ଥିବ। ଏକ ସିନେମାଟିକ ୟୁନିଭର୍ସ ଯିଏ ଏମିତି ଏକ ଅଭଲା ଚରିତ୍ରକୁ ନେଇକି ଆସିବ ଯାହା ଦର୍ଶକ କେବେ ପୂର୍ବରୁ ଦେଖି ନ ଥିବେ।