ଭୁବନେଶ୍ଵର: ନେପାଳୀ ଛାତ୍ରୀଙ୍କ ସନ୍ଦେହଜନକ ମୃତ୍ୟୁ ଘଟଣା ଲୋକଙ୍କ ମନରୁ ନ ଲିଭିଣୁ ଏବେ ଆଉ ଜଣେ କିଟ୍ ଛାତ୍ରଙ୍କ ସନ୍ଦେହଜନକ ମୃତ୍ୟୁ ଘଟିଛି। ଏହି ଘଟଣା ନେଇ କଲେଜ୍ କର୍ତ୍ତୃପକ୍ଷଙ୍କ ଆଭିମୁଖ୍ୟ ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି। ବିଟେକ ଦ୍ୱିତୀୟ ବର୍ଷ ଛାତ୍ର ଅର୍ଣ୍ଣବ ମୁଖାର୍ଜୀଙ୍କ ସନ୍ଦେହଜନକ ମୃତ୍ୟୁ ଘଟିଛି । ଅର୍ଣ୍ଣବ କିଟ୍ରୁ ନିଖୋଜ ଥିଲେ ହେଲେ ପରିବାର ଲୋକଙ୍କୁ କାହିଁକି ଜଣାଇଲେ ନାହିଁ କିଟ୍ କର୍ତ୍ତୃପକ୍ଷ। ଏହାକୁ ନେଇ କିଟ୍ର ସୁରକ୍ଷା ଉପରେ ମଧ୍ୟ ପ୍ରଶ୍ନବାଚୀ ସୃଷ୍ଟି ହେଉଛି। ଅନ୍ୟପଟେ ପରିବାର ଲୋକଙ୍କ ଅଭିଯୋଗ କ୍ରମେ ତଦନ୍ତ କରୁଛି ପାେଲିସ। କିନ୍ତୁ ଏହା ଏକ ଆତ୍ମହତ୍ୟା ଜନିତ ମୃତ୍ୟୁ ବୋଲି ସନ୍ଦେହ କରିଛନ୍ତି ପୋଲିସ ।
ପ୍ରାରମ୍ଭିକ ତଦନ୍ତରୁ ପ୍ରକାଶ ଯେ ଅର୍ଣ୍ଣବ କିଟ୍ ଛକରୁ ମଞ୍ଚେଶ୍ଵର ଅଞ୍ଚଳକୁ ଏକୁଟିଆ ଆସିଥିଲେ । କିଟ୍ ବିଶ୍ୱବିଦ୍ୟାଳୟ ହଷ୍ଟେଲରୁ ଗାଏବ ଥିଲେ ହେଲେ କିଟ୍ ବିଶ୍ୱବିଦ୍ୟାଳୟ କର୍ତ୍ତୃପକ୍ଷ କାହିଁକି ପରିବାର ଲୋକଙ୍କୁ ଜଣାଇଲେ ନାହିଁ ସେ ନେଇ ପ୍ରଶ୍ନ କରାଯାଇଛି । ଏହି ମାମଲାରେ ଚାରିରୁ ପାଞ୍ଚ ଜଣଙ୍କୁ ପଚରାଉଚରା କରାଯାଇଛି । ପରିବାର ଲୋକଙ୍କ ଅଭିଯୋଗ ତାଙ୍କ ପୁଅଙ୍କୁ ହତ୍ୟା କରାଯାଇଛି। ଠିକ୍ ମୃତ୍ୟୁର ୧୦ ମିନିଟ ପୂର୍ବରୁ ଅର୍ଣ୍ଣବ ମୁଖାର୍ଜୀ ତାଙ୍କ ମାଆଙ୍କୁ ୨୦୦ ଟଙ୍କା ମାଗିଥିଲେ । ଅଭିଯୋଗକୁ ଭିତ୍ତି କରି ପୋଲିସ ବିଭିନ୍ନ ସ୍ଥାନରେ ଲାଗିଥିବା ସିସିଟିଭି ଫୁଟେଜ ଯାଞ୍ଚ କରିଛନ୍ତି ।
Also read: ଚାକିରି ଆଶାୟୀଙ୍କୁ ଠକିଲେ ନକଲି ପୋଲିସ ବାବୁ, ବ୍ୟାଙ୍କ୍ ଆକାଉଣ୍ଟ ଫ୍ରିଜ୍ କରି ବାନ୍ଧିଲା ପୋଲିସ
ମୃତ ଛାତ୍ର ଅର୍ଣ୍ଣବ ମୁଖାର୍ଜୀଙ୍କ ମୋବାଇଲ ଫୋନ୍ ମିଳିଛି । ମୋବାଇଲ ଫୋନରେ କାହା କାହା ସହ ସହିତ କଥା ହୋଇଛି ତାହାକୁ ନେଇ ତଦନ୍ତ ଆରମ୍ଭ ହୋଇଛି। ମୃତ୍ୟୁ ଘଟଣାକୁ ନେଇ କିଟ୍ କର୍ତ୍ତୃପକ୍ଷଙ୍କୁ ପଚରାଉଚରା କରାଯାଇପାରେ। ଗତ ଦୁଇ ଦିନ ତଳେ ମଞ୍ଚେଶ୍ୱେ ଅଞ୍ଚଳର ସାତ ମହଲା ନିର୍ମାଣଧୀନ କୋଠାରୁ ତଳେ ପଡ଼ି ମୃତ୍ୟୁ ବରଣ ଦେଖିଥିଲେ ସିକ୍ୟୁରିଟି ଗାର୍ଡ । ତେଣୁ ଏହି ଘଟଣାରେ ପୋଲିସ ତଦନ୍ତ କରୁଛନ୍ତି।
କିଟ୍ ଛାତ୍ର ଛାତ୍ରୀଙ୍କ ସୁରକ୍ଷା ଦାୟିତ୍ଵ ହେଉଛି କିଟ୍ । ହେଲେ କିଟ୍ ସମ୍ପୂର୍ଣ ଭାବେ ଛାତ୍ର ଛାତ୍ରୀଙ୍କ ମୃତ୍ୟୁ ପାଇଁ ଦାୟୀ। ତେଣୁ ଏହି ଅବସରରେ ରାଜ୍ୟ ସରକାର ଏକ ଏସଓପି ଆଣିବା ଦରକାର ଯାହାକୁ ନେଇ ଏବିଭିପି ପକ୍ଷରୁ ଦାବି କରିଛନ୍ତି। ବିଦ୍ୟାର୍ଥୀ ପରିଷଦ ପକ୍ଷରୁ ଦୃଢ଼ ପ୍ରତିବାଦ ଜାରି ରହିଛି। ଏବିଭିପି ସନ୍ଦେହ ଜନକ ମୃତକଙ୍କ ପାଇଁ ଏକ ଉଚ୍ଚ ସ୍ତରୀୟ ତଦନ୍ତ କରାଯାଉ । କିଟ୍ ବିଶ୍ୱବିଦ୍ୟାୟ ସଂପୂର୍ଣ୍ଣ ରାଜ୍ୟ ସରକାରଙ୍କ ଅଧିନରେ ଅଣାଯାଉ। ମୃତ ଛାତ୍ରଙ୍କ ନ୍ୟାୟ ପ୍ରଦାନ କରନ୍ତୁ । ଯଦି ତାଙ୍କୁ ନ୍ୟାୟ ପ୍ରଦାନ ନ କରିବେ ତେବେ ଆଗକୁ ବିଧାନସଭା ଘେରାଉ କରାଯିବ ବୋଲି ଚେତାବନୀ ଦେଇଛି ଏବିଭିପି ।
ଆସନ୍ତା ୪୮ ଘଣ୍ଟା ମଧ୍ୟରେ ତୁରନ୍ତ ପଦକ୍ଷେପ ନିଅନ୍ତୁ ସରକାର୍ ବୋଲି ଏବିଭିପି କହିଛି। ନେପାଳୀ ଛାତ୍ରୀଙ୍କ ଆତ୍ମହତ୍ୟାକୁ ଏକ ମାସରୁ ଅଧିକ ସମୟ ହେଲାଣି । ହେଲେ ଏବେ ବି କୌଣସି ପଦକ୍ଷେପ ନିଆଯାଇନାହିଁ । ସରକାର କଣ ପାଇଁ କିଛି କିଟ୍ ବିରୋଧରେ କରୁନାହାନ୍ତି ତାହାକୁ ନେଇ ପ୍ରଶ୍ନ କରିଛି ଏବିଭିପି।
