ମୁମ୍ବାଇ ୦୯।୦୮ : ଶେଷରେ ଚମକିଲେ ସୂର୍ଯ୍ୟ । ଆଉ ଗର୍ଜିଲା ସୂର୍ଯ୍ୟକୁମାର ଯାଦବଙ୍କ ବ୍ୟାଟ୍ । ଓ୍ୱେଷ୍ଟଇଣ୍ଡିଜ୍ ବିପକ୍ଷ ୩ୟ ଟି-୨୦ରେ ଖେଳିଛନ୍ତି ବିସ୍ଫୋରକ ପାରି । ୪୪ ବଲ୍ରେ ୧୮୮ ଷ୍ଟ୍ରାଇକ୍ ରେଟ୍ରେ ଖେଳିଛନ୍ତି ୮୩ ରନ୍ । ଯାହାଫଳରେ ତୃତୀୟ ଟି-୨୦ ମ୍ୟାଚ୍ରେ ଘରୋଇ ଟିମ୍କୁ ୭ ଓ୍ୱିକେଟ୍ରେ ହରାଇଛି ଭ୍ରମଣକାରୀ ଦଳ ।
ଓ୍ୱେଷ୍ଟଇଣ୍ଡିଜ୍ ବିପକ୍ଷରେ ଚାଲିଥିବା ଟି-୨୦ ସିରିଜ୍ର ପ୍ରଥମ ୨ଟି ମ୍ୟାଚ୍ରେ ପରାସ୍ତ ହୋଇଥିଲା ଟିମ୍ ଇଣ୍ଡିଆ । ଖାସ୍ କରି ଉଭୟ ମ୍ୟାଚ୍ରେ ବ୍ୟାଟରମାନେ ଠିକଣା ସମୟରେ ଫେଲ୍ ମାରିଥିଲେ । ଆଉ ସାଜିଥିଲେ ପରାଜୟର ମୁଖ୍ୟ କାରଣ । ଶେଷରେ ତୃତୀୟ ଟି-୨୦ ମ୍ୟାଚ୍ରେ ବିଜୟ ପାଇଁ ଭାରତକୁ ଦରକାର ଥିଲା ୧୬୦ ରନ୍ । ଆଉ ବ୍ୟାଟିଂର ପ୍ରଥମରୁ ଭାରତକୁ ଲାଗିଲା ପ୍ରାରମ୍ଭିକ ଝଟ୍କା । ଉଭୟ ଓପନର ସଅଳ ଫେରିଚାଲିଲେ ପ୍ୟାଭିଲିୟନ୍ । ଏହି ସମୟରେ ଟିମ୍ ଇଣ୍ଡିଆ ପାଇଁ ସଙ୍କଟମୋଚକ ସାଜିଲେ ସୂର୍ଯ୍ୟକୁମାର ଯାଦବ ଏବଂ ତିଲକ ବର୍ମା ।
wp:html/wp:html🚨 Milestone Alert 🚨
— BCCI (@BCCI) August 8, 2023
A SKY special! 👏 👏
Suryakumar Yadav completes a 𝗖𝗘𝗡𝗧𝗨𝗥𝗬 💯 of Sixes in T20Is 💪 💪
Follow the match ▶️ https://t.co/3rNZuAiOxH #TeamIndia | #WIvIND pic.twitter.com/4YnGBC5dvO
ତୃତୀୟ ଟି-୨୦ରେ ସୂର୍ଯ୍ୟକୁମାର ଯାଦବ ଅନେକ ରେକର୍ଡ କରିଛନ୍ତି । ମାତ୍ର ୨୩ଟି ବଲ୍ର ନିଜର ଅର୍ଦ୍ଧଶତକ ହାସଲ କରିଛନ୍ତି । ଏହି ପାରିରେ ସେ ୧୦ଟି ଚୌକା ଏବଂ ୪ଟି ଛକା ରହିଛି । ତେବେ ଏହି ୪ଟି ଛକାକୁ ମିଶାଇ ଅନ୍ତର୍ଜାତୀୟ ଟି-୨୦ କ୍ରିକେଟ୍ରେ ୧୦୦ଟି ଛକା ପୂରଣ କରିଛନ୍ତି । ସୂର୍ଯ୍ୟକୁମାର ଯାଦବ ଏହି କାରନାମା ମାତ୍ର ୫୦ଟି ମ୍ୟାଚ୍ରେ ହିଁ ପୂରଣ କରିଛନ୍ତି । ଯେତେବେଳେ କି ରୋହିତ ଶର୍ମା ୯୨ ଟି ମ୍ୟାଚ୍ ଏବଂ ବିରାଟ କୋହଲି ୧୦୪ଟି ମ୍ୟାଚ୍ ଖେଳି ଏହି ରେକର୍ଡ କରିଥିଲେ । ଆଉ ଏବେ ସୂର୍ଯ୍ୟକୁମାର ଯାଦବ ସମସ୍ତଙ୍କ ପଛରେ ପକାଇ ପ୍ରଥମ ଭାରତୀୟ ଭାବେ ଏହି ରେକର୍ଡ ହାସଲ କରିଛନ୍ତି ।
ସୂଚନାଯୋଗ୍ୟ ଯେ, ପ୍ରଥମ ଟେଷ୍ଟ ଆଉ ପରେ ଦିନିକିଆ ସିରିଜ୍ କବ୍ଜା କରିଥିଲା ଟିମ୍ ଇଣ୍ଡିଆ । ଟି-୨୦ ସିରିଜ୍ରେ ପ୍ରଥମ ଦୁଇଟି ମ୍ୟାଚ୍ରେ ଶୋଚନୀୟ ଭାବେ ପରାସ୍ତ ହୋଇଥିଲା ଟିମ୍ ଇଣ୍ଡିଆ । ଯାହାଫଳରେ ୫ଟିକିଆ ସିରିଜ୍ରେ ଓ୍ୱେଷ୍ଟଇଣ୍ଡିଜ୍ ୨-୦ରେ ଆଗୁଆ ରହିଥିଲା । ଆଉ ଏବେ ତୃତୀୟ ଟି-୨୦ ମ୍ୟାଚରେ ବିଜୟୀ ହୋଇ ସିରିଜ୍କୁ ଫାଇଟ୍ବ୍ୟାକ୍ କରିଛି ଟିମ୍ ଇଣ୍ଡିଆ । ଏବେ ସିରିଜ୍ରେ ୨-୧ରେ ରହିଛି ଟିମ୍ ଇଣ୍ଡିଆ ।
wp:embed {"url":"https://www.prameyanews7.com/team-india-preparation-of-world-cup-2023/","type":"wp-embed","providerNameSlug":"prameya-news-7"}
