ମୁମ୍ଵାଇ ୨୧।୦୧; ମନୋରଞ୍ଜନ ଜଗତରୁ ପୁଣି ଦୁଃଖଦ ଖବର । ହିନ୍ଦି ଟିଭି ସିରିୟଲ ଏବଂ ମରାଠୀ ସିନେମାରେ କାମ କରିଥିବା ପ୍ରସିଦ୍ଧ କଳାକାର ଯୋଗେଶ ମହାଜନଙ୍କର ଦେହାନ୍ତ ହୋଇଛି । ଅଭିନେତାଙ୍କର ହୃଦ୍ଘାତ କାରଣରୁ ମୃତ୍ୟୁ ହୋଇଥିବା ନେଇ ଜଣାପଡିଛି। ଅଭିନେତାଙ୍କ ମୃତ୍ୟୁ ଖବର ଜାଣିବା ପରେ ଟିଭି ଜଗତରେ ଶୋକର ଛାୟା ଖେଳିଯାଇଛି ।
ଖବର ଅନୁଯାୟୀ, ଅଭିନେତାଙ୍କ ମୃତ୍ୟୁ ତାଙ୍କ ଫ୍ଲାଟରେ ହୋଇଛି । ସେ ସୁଟିଂକୁ ନଆସିବାରୁ କ୍ରିଉ ମେମ୍ବର୍ସ ତାଙ୍କ ଫ୍ଲାଟକୁ ଯାଇଥିଲେ । ସେତେବେଳେ ତାଙ୍କ ଘରର କବାଟ ବନ୍ଦ ଥିଲା । ନଖୋଲିବାରୁ ତାଲା ଭାଙ୍ଗିକି ଭିତରକୁ ପ୍ରବେଶ କରିବା ପରେ ଦେଖିବାକୁ ମିଳିଥିଲା ଯେ ସେ ତଳେ ପଡିଥିଲେ । ତୁରନ୍ତୁ ତାଙ୍କୁ ହସ୍ପିଟାଲ ନିଆଯାଇଥିଲା କିନ୍ତୁ ସେଠାରେ ତାଙ୍କୁ ମୃତ ଘୋଷଣା କରାଯାଇଥିଲା । ଏବଂ ଡାକ୍ତରଙ୍କ ଅନୁଯାୟୀ ହୃଦଘାତ କାରଣରୁ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଥିଲା ।
ସୂଚନା ଅନୁଯାୟୀ ତାଙ୍କ କୋ-ଷ୍ଟାର ଆଂକାକ୍ଷା ରାଓ୍ବତ ତାଙ୍କ ମୃତ୍ୟୁକୁ ନେଇ ସୂଚନା ମିଳିଛି । ଯୋଗେଶକୁ ନେଇ ଆଂକାକ୍ଷା କହିଛନ୍ତି ସେ ଜଣେ ବହୁତ ଭଲ ଲୋକ ଥିଲେ । ତାଙ୍କ ବ୍ୟବହାର ଓ ଆଚରଣ ବହୁତ ଭଲ ଥିଲା । ଆମେ ଏକ ବର୍ଷରୁ ଉର୍ଦ୍ଧ୍ବ ସମୟ ଧରି କାମ କରୁଥିଲୁ । ତାଙ୍କର ମୃତ୍ୟୁ ଆମକୁ ଗଭୀର ଆଘାତ ଦେଇଛି ।
