ଭୁବନେଶ୍ବର ୨୯।୧: ସରିଲା ଶୀତ, କାଲିଠୁ କଲବଲ କରିବ ଖରା । ରାଜ୍ୟରୁ ଶୀତ ପ୍ରତ୍ୟାବର୍ତ୍ତନ କରିଥିବା ବେଳେ ଗୁରୁବାରଠୁ ଖରା ବଢିବ । ସପ୍ତାହେ ଯାଏ ଗରମ ସହ ଟାଇଁ ଟାଇଁ ଖରାରୁ ନିସ୍ତାର ନାହିଁ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି ।

ରାଜ୍ୟରେ ବର୍ତ୍ତମାନ ଶୀତ ଗାଏବ । ଗୁରୁବାରଠୁ  ଟାଇଁ ଟାଇଁ ଖରାରୁ ମିଳିବନି ନିସ୍ତାର । ସପ୍ତାହେ ଯାଏ ଗରମର ଅନୁଭୂତି ସହ  ଖରାରୁ ତ୍ରାହି ନାହିଁ ବୋଲି ପୂର୍ବାନୁମାନ କରିଛି ପାଣିପାଗ ବିଭାଗ । ତେବେ ରାଜ୍ୟରେ ଗୁରୁବାର ଠାରୁ  ଟାଇଁ ଟାଇଁ ଖରା ହେବାକୁ ଥିବା ବେଳେ ସବୁଠି ବଢିବ ପାରଦ ଆଉ ସବୁଠି ଗରମର ହେବ ଅନୁଭୂତି । ସ୍ବାଭାବିକ ଠାରୁ ୨ ରୁ ୪ ଡିଗ୍ରୀ ପର୍ଯ୍ୟନ୍ତ ତାପମାତ୍ରା ବୃଦ୍ଧି ପାଇଛି  ବୋଲି ପାଣିପାଗ କେନ୍ଦ୍ର ସୂଚନା ଦେଇଛି । 

ସେପଟେ ବିଶେଷଜ୍ଞ କହିଛନ୍ତି, ଆସନ୍ତା ୧ ତାରିଖରେ ଓଡ଼ିଶା ଆନ୍ଧ୍ର ପ୍ରଦେଶ ଉପରେ ସୃଷ୍ଟି ହେବ ଗୁରୁଚାପ । ଦକ୍ଷିଣ ପଶ୍ଚିମ  ଦିଗରୁ  ରାଜ୍ୟ ମଧ୍ୟକୁ ପବନର ପ୍ରବାହ ରହିବ । ପ୍ରଭାବରେ ଆଭ୍ୟନ୍ତରୀଣ ଓଡ଼ିଶାରେ ବର୍ଷା ସମ୍ଭାବନା ରହିଛି ।

You Can Read:

ସୁଭଦ୍ରା ଯୋଜନାରେ ୩ ପଦକ୍ଷେପ : ଶୁଣ ସୁଭଦ୍ରା, କୁହ ସୁଭଦ୍ରା ଓ ସୁଭଦ୍ରା ସେତୁ