ଭୁବନେଶ୍ବର ୨।୪: ଚାଉଳ ସହ ଦିଆଯିବ ଗହମ । ଗୃହରେ ଏଭଳି ସୂଚନା ଦେଇଛନ୍ତି ଖାଦ୍ୟ ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର । ମନ୍ତ୍ରୀ କହିଛନ୍ତି, ସରକାର କହିଥିଲେ ରାସନରେ ଚାଉଳ ସହ ଗହମ ଦେବେ । ଏବେ ବି ଏହା ଦେବାକୁ ସରକାର ପ୍ରତିଶ୍ରୁତିବଦ୍ଧ । ଗତ ସରକାର ସମୟରେ ରାଜ୍ୟ ସରକାର କେନ୍ଦ୍ର ସରକାରଙ୍କୁ ଚିଠି ଲେଖି କହିଥିଲେ ଯେ, ଓଡ଼ିଶା ଚାଉଳ ଖିଆ ରାଜ୍ୟ । ତେଣୁ ଗହମ ବଦଳରେ ଚାଉଳ ଦିଆଯାଉ । ବର୍ତ୍ତମାନର ସରକାର ଗହମ ଦେବାକୁ କେନ୍ଦ୍ରକୁ ଯେଉଁ ଚିଠି ଲେଖିଥିଲେ, ତାକୁ ମଞ୍ଜୁରୀ ମିଳିଛି । ହେଲେ ପରିବହନ ସୁବିଧା ଓ ଗୋଦାମ ଘର ନଥିବାରୁ, ତାହା ଏଯାଏଁ ଆସିପାରିନି । 

ଅନ୍ୟପକ୍ଷରେ ଚଳିତ ବର୍ଷ ଅଧିକ ଧାନ ଉତ୍ପାଦନ ହୋଇଛି । ଏଫସିଆଇକୁ ସରକାରଙ୍କ ଅନୁରୋଧ ପରେ ଅଧିକ ୨୦ ଲକ୍ଷ ମେଟ୍ରିକ୍ ଟନ୍ ନେବାକୁ ଏଫସିଆଇ ରାଜି ହୋଇଛି । କେନ୍ଦ୍ର ସମୁଦାୟ ୪୬ ଲକ୍ଷ ମେଟ୍ରିକ୍ ଟନ୍ ଚାଉଳ କିଣିବ ହେଲେ ସେଥିରେ ବି ୧୫ ଲକ୍ଷ ମେଟ୍ରିକ୍ ଟନ୍ ଚାଉଳ ରାଜ୍ୟ ପାଖରେ ବଳକା ରହିବ । ମୁଖ୍ୟମନ୍ତ୍ରୀ ମୋହନ ମାଝୀ ଘୋଷଣା କରିଛନ୍ତି ଯେ, ୧୦ ଲକ୍ଷ ମେଟ୍ରିକ୍ ଟନ୍ ଗୋଦାମ ଘର ତିଆରି କରିବାକୁ । ଯାହାଦ୍ୱାରା ଚାଉଳ ସଂରକ୍ଷଣ ହୋଇପାରିବ, ଗୃହକୁ ଅବଗତ କଲେ ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର  ପାତ୍ର ।

କେବେ ସୁଦ୍ଧା ଚାଉଳ ସହ ଗହମ ଦିଆଯିବ ? ଏଯାଏଁ ମିଳି ନଥିବାରୁ ଗୃହରେ ଆପତ୍ତି ଉଠାଇଲେ ବିଜେଡି ବିଧାୟକ ଗୌତମ ବୁଦ୍ଧ ଦାସ ।

You Can Read:

ପ୍ରତି ପଞ୍ଚାୟତରେ ହେବ ପୋଷଣ କେନ୍ଦ୍ର, ମାସେ କି ଦୁଇ ମାସରେ ବ୍ୟବସ୍ଥା କରାଯିବ : ଯୋଗାଣ ମନ୍ତ୍ରୀ