ନୂଆଦିଲ୍ଲୀ: ଭାରତ ବିରୋଧରେ ବିଷ ଓଗାଳୁଛି ତୁର୍କୀ । ପାକିସ୍ତାନକୁ ସମର୍ଥନ କରି ପଛରୁ ଛୁରି ମାରିଥିବା ଦେଶ ଏବେ ଭାରତ ବିରୋଧରେ ଷଡ଼ଯନ୍ତ୍ର ରଚୁଛି । ତୁର୍କୀ ସମର୍ଥିତ ଏକ ଏନଜିଓ ସଂସ୍ଥା ନିରନ୍ତର ଭାବେ ଇସଲାମିକ୍ ଚିନ୍ତାଧାରା ପ୍ରଚାର କରୁଛି । ସଲତନତ-ଏ-ବାଂଲା ନାମକ ଏକ ବ୍ୟାନର ବାଂଲାଦେଶର ଐତିହ୍ୟ ପ୍ରଚାର କରୁଛି । ଏଥିରେ ଏକ ମାନଚିତ୍ର ପ୍ରକାଶିତ କରିଛି, ଯେଉଁଥିରେ ବିହାର, ଝାଡ଼ଖଣ୍ଡ, ଓଡ଼ିଶା ଓ ଭାରତର ସମଗ୍ର ଉତ୍ତର-ପୂର୍ବ ରାଜ୍ୟକୁ ଗ୍ରେଟର ବାଂଲାଦେଶ ଅଂଶ ଭାବରେ ଦର୍ଶାଯାଇଛି ।
ଦି ଇକୋନୋମିକ୍ସ ଟାଇମ୍ସ ଅନୁଯାୟୀ, ତୁର୍କୀ ଭାରତ ଶତ୍ରୁ ଦେଶ ସହିତ ହାତ ମିଳାଇଛି । ବାଂଲାଦେଶକୁ ସମର୍ଥନ କରି ଭାରତ ବିରୁଦ୍ଧରେ ଷଡ଼ଯନ୍ତ୍ର କରୁଛି । ଏହାର ଏକ ଏନଜିଓ ସଂସ୍ଥା ଢାକାରେ ସଲତନତ-ଏ-ବାଂଲା ନାମକ ବ୍ୟାନର ତଳେ ବାଂଲାଦେଶର ଗୁଣଗାନ କରୁଛି । ଖାଲି ଏତିକି ନୁହେଁ, ଏକ ମାନଚିତ୍ର ପ୍ରକାଶିତ କରିଛି, ଯେଉଁଥିରେ ବିହାର, ଝାଡ଼ଖଣ୍ଡ, ଓଡ଼ିଶା ଓ ଭାରତର ସମଗ୍ର ଉତ୍ତର-ପୂର୍ବ ରାଜ୍ୟ ଓ ମିଆଁମାରର ଅରକାନ ଷ୍ଟେଟକୁ ଗ୍ରେଟର ବାଂଲାଦେଶ ଅଂଶ ଭାବରେ ଦର୍ଶାଯାଇଛି ।
ଗୁଇନ୍ଦା ସୂତ୍ରକୁ ମିଳିଥିବା ସୂଚନା ଅନୁଯାୟୀ, ତୁର୍କୀ ସମର୍ଥିତ ଏସଇଏମ୍ କେବଳ ଇସଲାମିକ୍ ଚିନ୍ତାଧାରାକୁ ପୁନର୍ଜୀବିତ କରୁନାହିଁ ବରଂ ବାଂଲାଦେଶର ଯୁବପିଢ଼ି, ବିଶେଷକରି ଛାତ୍ରମାନଙ୍କୁ, "ଗ୍ରେଟର ବାଂଲାଦେଶ"ର ଦୃଷ୍ଟିକୋଣକୁ ସମର୍ଥନ କରିବା ପାଇଁ ସକ୍ରିୟ ଭାବରେ ସଂଗଠିତ ତିଆରି କରୁଛି ।...
