ଭଞ୍ଜନଗର ୧୬।୪: ସେତୁ ନିର୍ମାଣ କାମ ଚାଲିଥିବା ବେଳେ ଅଘଟଣ । ପଥର ବିସ୍ଫୋରଣରେ ଜଣେ ଶ୍ରମିକଙ୍କ ମୃତ୍ୟୁ ଘଟିଛି । ଘଟଣାସ୍ଥଳରୁ ବିସ୍ଫୋରକ ସାମଗ୍ରୀ ଜବତ ହୋଇଛି । ଅଭିଯୋଗରେ ଜଣଙ୍କୁ ଗିରଫ କରାଯାଇଛି ।

ସୂଚନାଯୋଗ୍ୟ ଯେ, ଗଞ୍ଜାମ ଜିଲ୍ଲା ଗାଙ୍ଗପୁର ଥାନା ଜାଲଖାଇ ନିକଟ ବଡ଼ ନଦୀ ଉପରେ ଚାଲିଥିବା ସେତୁ ନିର୍ମାଣ ସ୍ଥଳରେ ପଥର ବିସ୍ଫୋରଣ ଘଟି ମଙ୍ଗଳବାର ଜଣେ ଶ୍ରମିକଙ୍କ ମୃତ୍ୟୁ ଘଟିଛି । ମୃତକ ଜଣକ ଆନ୍ଧ୍ରପ୍ରଦେଶ ରାଜ୍ୟ ଆମ୍ବେଦକର କନସିମା ଜିଲ୍ଲା ଅଧିନ ଚଲାବେରୁ ଡି.ଚିନ୍ନା ନାରାୟଣ ମୂର୍ତ୍ତି ବୋଲି ଜଣାପଡିଛି । ପୋଲିସ ମୃତଦେହ ଜବତ କରିବା ସହ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି । ଚିନ୍ନା ନାରାୟଣ କିଛିଦିନ ଧରି ଶ୍ରମିକ ଭାବରେ ଏଠାରେ କାମ କରୁଥିଲେ । ଏହି ଘଟଣାରେ ପୋଲିସ ଜଣେ ଅଭିଯୁକ୍ତକୁ ଗିରଫ କରିବା ସହ ବିପୁଳ ବିସ୍ଫୋରକ ସାମଗ୍ରୀ ଜବତ କରିଛି । ସେତୁର କଲମ ଖୋଳା ବେଳେ ଏହି ବିସ୍ଫୋରକ ବ୍ୟବହାର ହେଉଥିଲା l

You Can Read:

ତେଜିଲା ମେଣ୍ଡାକୁ ନୂତନ ବ୍ଲକ ଘୋଷଣା ଦାବି, ଜିଲ୍ଲାପାଳଙ୍କ ଅଫିସ୍ ଘେରାଉ