ନୂଆଦିଲ୍ଲୀ: ପୂର୍ବ ତୁଳନାରେ ମାର୍ଚ୍ଚ ମାସରେ ଭାରତର ଉତ୍ପାଦନ କ୍ଷେତ୍ର ଭଲ ପ୍ରଦର୍ଶନ କରିଛି। ୨ ଏପ୍ରିଲରେ ଜାରି ହୋଇଥିବା ଘରୋଇ କ୍ଷେତ୍ରର ଡାଟା ଅନୁସାରେ ୨୦୨୫ ଆର୍ଥିକ ବର୍ଷ ଶେଷରେ PMI(ପର୍ଚେଜିଂ ମ୍ୟାନେଜର ଇଣ୍ଡେକ୍ସ) ୫୮.୧ ହୋଇ ୮ ମାସର ସର୍ବୋଚ୍ଚ ସ୍ତରରେ ପହଞ୍ଚିଛି। ସରଳ ଭାଷାରେ, କହିବାକୁ ଗଲେ ମାର୍ଚ୍ଚ ମାସରେ ଭାରତର ଉତ୍ପାଦନ ପିଏମ୍ଆଇ ୫୮୧ ହୋଇଛି। ଯାହା ଫେବୃଆରୀ ମାସରେ ୫୬.୪ ଥିଲା।
ନୂଆ ଅର୍ଡରରେ ବୃଦ୍ଧି ଯୋଗୁ ପିଏମ୍ଆଇ ବଢିଛି। କାରଣ ନୂଆ ଅର୍ଡର ସୂଚକାଙ୍କ ଆଠ ମାସ ମଧ୍ୟରେ ସର୍ବୋଚ୍ଚ ସ୍ତରରେ ପହଞ୍ଚିଛି। ତା ସହିତ ଗ୍ରାହକଙ୍କ ଆଗ୍ରହ ବୃଦ୍ଧି, ଅନୁକୂଳ ଚାହିଦା ପରିସ୍ଥିତି ଏବଂ ପ୍ରଭାବଶାଳୀ ମାର୍କେଟିଂ ପ୍ରୟାସ ମଧ୍ୟ ଏହି ସଫଳତାର ଅନ୍ୟ ଏକ କାରଣ ହୋଇପାରେ।
HSBCର ମୁଖ୍ୟ ଭାରତୀୟ ଅର୍ଥନୀତିଜ୍ଞ ପ୍ରାଞ୍ଜୁଲ ଭଣ୍ଡାରୀ କହିଛନ୍ତି ଯେ ଭାରତ ପାଇଁ ଅନ୍ତର୍ଜାତୀୟ ଅର୍ଡରରେ ସାମାନ୍ୟ ହ୍ରାସ ଦେଖା ଦେଇଥିଲା। ତେବେ ସାମଗ୍ରିକ ଚାହିଦାର ଗତି ମଜଭୁତ ରହିଛି। ନୂଆ ଅର୍ଡର ଇଣ୍ଡେକ୍ସ ୮ ମାସର ସର୍ବୋଚ୍ଚ ସ୍ତରରେ ୬୧.୫ ରେ ପହଞ୍ଚିଛି। ଯାହା ଫଳରେ ଫାର୍ମଗୁଡ଼ିକ ତିନି ବର୍ଷ ମଧ୍ୟରେ ସବୁଠାରୁ ଦ୍ରୁତ ଗତିରେ ସେମାନଙ୍କର ସାମଗ୍ରୀ ବ୍ୟବହାର କରିବାକୁ ପ୍ରେରଣା ଦେଇଛି।
ଏଠାରେ ଜାଣିବା ଗୁରୁତ୍ୱପୂର୍ଣ୍ଣ ଯେ ୫୦ ରୁ ଅଧିକ ସଂଖ୍ୟା ଉତ୍ପାଦନ କ୍ଷେତ୍ରରେ ଉନ୍ନତିକୁ ସୂଚିତ କରେ ଏବଂ ୫୦ ରୁ କମ୍ ସଂଖ୍ୟା ଉତ୍ପାଦନ କ୍ଷେତ୍ରରେ ହ୍ରାସକୁ ସୂଚିତ କରେ। ତେଣୁ ସଦ୍ୟ ଡାଟା ଅନୁସାରେ ମାର୍ଚ୍ଚ ମାସରେ ଭାରତ ଉତ୍ପାଦନ କ୍ଷେତ୍ର ଭଲ ପ୍ରଦର୍ଶନ କରିଛି।
ପୂର୍ବରୁ ଫେବୃଆରୀରେ ପ୍ରଡକ୍ସନ, ସେଲ୍ସ ଏବଂ ଇନପୁଟ୍ ସେଲ୍ସ କ୍ଷେତ୍ରରେ ଦୁର୍ବଳ ଅଭିବୃଦ୍ଧି ଯୋଗୁ ଉତ୍ପାଦନ PMI ୧୪ ମାସର ସର୍ବନିମ୍ନ ୫୬.୩କୁ ହ୍ରାସ ପାଇଥିଲା।
ପଢନ୍ତୁ- ମହଙ୍ଗା ହେଲା ଟୋଲ ଟ୍ୟାକ୍ସ: ଦେବାକୁ ପଡ଼ିବ ୫% ଅଧିକ
ଅନ୍ୟପକ୍ଷରେ, ସାର୍ବଜନୀନ କ୍ଷେତ୍ର କୋଲ୍ ଇଣ୍ଡିଆ ଲିମିଟେଡ୍ (CIL) ଗତ ୨୦୨୪-୨୫ ଆର୍ଥିକ ବର୍ଷରେ ୭୮୧.୧ ନିୟୁତ ଟନ୍ କୋଇଲା ଉତ୍ପାଦନ କରିଥିଲା। ଏହା ଆର୍ଥିକ ବର୍ଷ ପାଇଁ କମ୍ପାନୀ ଦ୍ୱାରା ଧାର୍ଯ୍ୟ ଲକ୍ଷ୍ୟ ଅପେକ୍ଷା ପ୍ରାୟ ସାତ ପ୍ରତିଶତ କମ୍ ଥିଲା। ୨୦୨୪-୨୫ ଆର୍ଥିକ ବର୍ଷ ପାଇଁ ସିଆଇଏଲ୍ର କୋଇଲା ଉତ୍ପାଦନ ଲକ୍ଷ୍ୟ ୮୩.୮ ନିୟୁତ ଟନ୍ ଥିଲା।
ମ୍ୟାନୁଫେକ୍ଚରିଂ ପିଏମଆଇ ହେଉଛି ଏକ ଅର୍ଥନୈତିକ ସୂଚକ ଯାହା ମ୍ୟାନୁଫକ୍ଚରିଂ କ୍ଷେତ୍ରର କାମର ହିସାବ ରଖିଥାଏ। ବିଭିନ୍ନ ଶିଳ୍ପରେ ପର୍ଚେଡିଂ ମ୍ୟାନେଜରଙ୍କ ସର୍ଭେ ଉପରେ ଆଧାର କରି, ଏହାବ୍ୟବସାୟିକ ପରିସ୍ଥିତି ବିଷୟରେ ଅନ୍ତର୍ଦୃଷ୍ଟି ପ୍ରଦାନ କରେ। ଏଥିରେ ଉତ୍ପାଦନ ସ୍ତର, ନୂଆ ଅର୍ଡର, ନିଯୁକ୍ତି, ସପ୍ଲାୟର ଡେଲଭରି ଟାଇମ୍ସ ଏବଂ ଇନଭେଣ୍ଟରୀ ଧାରା ଆଦିର ସୂଚନା ଦେଇଥାଏ।
