ନୂଆଦିଲ୍ଲୀ ୧୨/୦୪: ପ୍ରେମ ମାନେନି ବନ୍ଧ ବାଡ । ଏମିତି ଜିନିଷ, ପଙ୍ଗୁ ବି ଗିରି ଲଙ୍ଘିଯାଏ । କେହି କେହି ସୀମା ସରହଦ ପାର୍ କରିବାକୁ ପଛାଏ ନାହିଁ । କିଛି ଚନ୍ଦ୍ର, ତାରା ଆଣିବା କଥା କୁହନ୍ତି, ଆଉ କେତେକ ନିଜ ଜୀବନକୁ ବିପଦରେ ପକାଇବାକୁ ପଛାଇ ନଥାନ୍ତି । ଜଣେ ଯୁବକ ବି ଏମିତି କାମ କରିବାକୁ ପଛାଇ ନାହାଁନ୍ତି । ହରିୟାଣା ସୋନିପତରୁ ନଜର ଆସିଛି ଏମିତି ଘଟଣା । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଦାବି କରାଯାଉଛି ଯେ ଏହା ସୋନିପତର ଓପି ଜିନ୍ଦଲ ବିଶ୍ୱବିଦ୍ୟାଳୟ କଲେଜ ହଷ୍ଟେଲର ।
କହିବାକୁ ଗଲେ ସମସ୍ତଙ୍କୁ ଜଣା, ପୁଅମାନଙ୍କ ହଷ୍ଟେଲରେ ଝିଅମାନଙ୍କୁ ପ୍ରବେଶ କରିବା କଡ଼ାକଡ଼ି ବାରଣ । କିନ୍ତୁ ଏଠାରେ ରହୁଥିବା ଜଣେ ପୁଅ ପ୍ରେମରେ ଏମିତି ଅନ୍ଧ ହୋଇଗଲେ କି ତା ପ୍ରେମିକାକୁ ଏକ ସୁଟକେଶ୍ରେ ଲୁଚାଇ ହଷ୍ଟେଲ ଭିତରକୁ ନେଇ ଆସିଲେ ।
ସୂଚନାଥାଉକି, ପୁଅଟି ମିକାକୁ ଏକ ସୁଟକେସରେ ଲୁଚାଇ ଆଣୁଥିଲା । ଯିବା ସମୟରେ ହଠାତ୍ ଶୁଭିଥିଲା ଝିଅ ପିଲାର ଚିକ୍ତାର ଶବ୍ଧ । ଆଉ ଏହା ଶୁଣିବା ପରେ ସୁରକ୍ଷାକର୍ମୀଙ୍କ ସନ୍ଦେହ ପ୍ରକଟ କରିଥିଲେ । ସଂଗେ ସଂଗେ ସେମାନେ ତୁରନ୍ତ ସୁଟକେଶ ଯାଞ୍ଚ କରିଥିଲେ । ଯାଞ୍ଚ କରିବାକୁ ସବୁ ଗୁମର ଫିଟିଥିଲା । କାରଣ ସୁଟକେଶ୍ ଖୋଲିବା ବେଳେ ଲଗେଜ୍ରୁ ପ୍ୟାଣ୍ଟ ସାର୍ଟ ବଦଳରେ ଗୋଟିଏ ଝିଅ ଥିଲା । ଏହା ଦେଖି ସେଠାରେ ଉପସ୍ଥିତ ସମସ୍ତେ ସ୍ତବ୍ଧ ହୋଇଗଲେ । ସେ ତୁରନ୍ତ ଝିଅଟିକୁ ସୁଟକେଶ୍ରୁ ବାହାର କରିଥିଲେ।
A boy tried sneaking his girlfriend into a boy's hostel in a suitcase.
— Squint Neon (@TheSquind) April 12, 2025
Gets caught.
Location: OP Jindal University pic.twitter.com/Iyo6UPopfg
ଭାଇରାଲ ଭିଡିଓରେ ଦେଖାଯାଉଛି ଯେ କିଛି ମହିଳା ସୁରକ୍ଷା କର୍ମୀ ସୁଟକେସ୍ ଖୋଲୁଛନ୍ତି । ସେତିକିବେଳେ ସୁଟକେସ୍ ଭିତରେ ଝିଅଟିଏ ଅଛି । ଏହା ଦେଖି ସେ ଆଶ୍ଚର୍ଯ୍ୟ ହୋଇଯାଆନ୍ତି । କାରଣ କେବଳ ଗୋଟିଏ ଝିଅ ବ୍ୟତୀତ ଆଉ କୌଣସି ଜିନିଷ ନଥିଲେ ସେହି ସୁଟ୍କେଶ୍ରେ । ଏଠାରେ କହିରଖୁ ଯେ, ଝିଅଟି ସମାନ କଲେଜରେ ପଢ଼େ ନା ବାହାରର ତାହା ସ୍ପଷ୍ଟ ନୁହେଁ। ମିଡିଆ ରିପୋର୍ଟ ଅନୁସାରେ, ଏହି ଭାଇରାଲ ଭିଡିଓଟି ସୋନିପତର ଓପି ଜିନ୍ଦଲ ବିଶ୍ୱବିଦ୍ୟାଳୟ ବାଳକ ହଷ୍ଟେଲର।
