ଭୁବନେଶ୍ୱର ୦୩/୦୧: ବର୍ଷ ଆରମ୍ଭରୁ ଷ୍ଟିଲସିଟି ରାଉରକେଲାରେ ବଡ ଧରଣରେ ରେଡ୍ । ପୋଲିସ ପକ୍ଷରୁ ବଡ଼ ଧରଣର ରେଡ୍ କରାଯାଇଛି । ତେବେ ଏହି ରେଡ୍ ବେଳେ ସହରର ମୀନାପଡ଼ାରୁ ୩୦୦ ଗ୍ରାମ୍ର ଡ୍ରଗ୍ସ ଜବତ ହୋଇଛି । ପୋଲିସ ୪ ଜଣଙ୍କୁ ଅଟକ ରଖିଛି । ଅଟକଙ୍କ ମଧ୍ୟରେ ୩ ମହିଳା ଓ ଜଣେ ପୁରୁଷ ରହିଛନ୍ତି।
ସୂଚନାଥାଉକି, ରାଉରକେଲା ଟାଉନ୍ ମୀନା ପଡ଼ାରେ ନିଶା କାରବାର ଚାଲିଥିବା ନେଇ ପୋଲିସକୁ ବିଶେଷ ସୂତ୍ରରୁ ସୂଚନା ମିଳିଥିଲା। ଶୁକ୍ରବାର ଭୋର୍ ସମୟରେ ୬ ପ୍ଲାଟୁନ୍ ଫୋର୍ସ, ୧୦ ପୋଲିସ ଇନ୍ସପେକ୍ଟର, ଏବଂ ୨ ଜଣ ଆଡିସନାଲ ଏସପି ମିଳିତ ଭାବେ ଚଢାଉ କରିଥିଲେ। ଚଢାଉ ବେଳେ ୩୦୦ ଗ୍ରାମର ଡ୍ରଗ୍ସ ଜବତ ହୋଇଛି। ନିଶା କାରବାର ଅଭିଯୋଗରେ ପୋଲିସ ୪ ଜଣଙ୍କୁ ଅଟକ ରଖି ପଚରାଉଚରା କରୁଛି।
