ନୂଆଦିଲ୍ଲୀ: ଦୁନିଆରେ ବିଲେନିୟର୍ସଙ୍କ ମୋଟ ସମ୍ପତ୍ତି ଗତ ୧୦ ବର୍ଷରେ ୧୨୧ ପ୍ରତିଶତ ବଢି ୧୪ ଟ୍ରିଲିୟନ ଡଲାର ହୋଇଛି । ଏଥିରେ ଟେକ୍ ଅରବପତିଙ୍କ ସମ୍ପତ୍ତି ସବୁଠୁ ଅଧିକ ବଢିଛି । ସ୍ୱିଜରଲାଣ୍ଡ ବ୍ୟାଙ୍କ ୟୁବିଏସ୍ ନିଜ ସଦ୍ୟତମ ରିପୋର୍ଟରେ ଏହି ସୂଚନା ଦେଇଛି । ସ୍ୱିଜରଲାଣ୍ଡର ସବୁଠୁ ବଡ଼ ବ୍ୟାଙ୍କ ୟୁବିସି କହିଛି ଯେ ୧୦ ବର୍ଷରେ ବିଲେନିୟର୍ସଙ୍କ ସଂଖ୍ୟା ୧୭୫୭ରୁ ବଢି ୨୬୮୨ ହୋଇଛି । ୟୁବିଏସର ବାର୍ଷିକ ବିଲିୟନେୟର ଆମ୍ୱିସନ ରିପୋର୍ଟରେ କୁହାଯାଇଛି ଯେ ଗତ ଏକ ଦଶନ୍ଧିରେ ବୈଶ୍ୱିକ ଇକ୍ୱିଟି ବଜାର ତୁଳନାରେ ଅରବପତି ଭଲ ପ୍ରଦର୍ଶନ କରିଛନ୍ତି ।

ରିପୋର୍ଟ ଅନୁସାରେ, ୨୦୧୫ରୁ ୨୦୨୪ ମଧ୍ୟରେ ମୋଟ ବିଲେନିୟର୍ସଙ୍କ ସମ୍ପତ୍ତି ୧୨୧ ପ୍ରତିଶତ ବଢି ୬.୩ ଟ୍ରିଲିୟନ ଡଲାରରୁ ୧୪ ଟ୍ରିଲିୟନ ଡଲାର ହୋଇଛି । ଅନ୍ୟପଟେ ବୈଶ୍ୱିକ ଇକ୍ୱିଟିର MSCI AC ୱାର୍ଲଡ ଇଣ୍ଡେକ୍ସରେ ୭୩ ପ୍ରତିଶତ ବୃଦ୍ଧି ଘଟିଛି । ଟେକ୍ ବିଲେନିୟର୍ସଙ୍କ ସମ୍ପତ୍ତି ୨୦୧୫ରେ ୭୮୮.୯ ବିଲିୟନ ଡଲାରରୁ ବଢି ୨୦୨୪ରେ ୨.୪ ଟ୍ରିଲିୟନ ଡଲାର ହୋଇଛି । ରିପୋର୍ଟରେ କୁହାଯାଇଛି ଯେ ୨୦୨୦ରୁ ଚୀନର ବିଲେନିୟରଙ୍କ ସଂଖ୍ୟା ହ୍ରାସ ଯୋଗୁଁ ବୈଶ୍ୱିକ ବିକାଶ ସାମାନ୍ୟ ଧିମେଇଛି ।

ଭାରତୀୟ ବିଲେୟନିର୍ସଙ୍କ ସମ୍ପତ୍ତି ୪୨.୧ ପ୍ରତିଶତ ବଢି ୯୦୫.୬ ବିଲିୟନ ଡଲାର ହୋଇଛି । ଏହାସହ ଏମାନଙ୍କ ସଂଖ୍ୟା ମଧ୍ୟ ୧୫୩ରୁ ବଢି ୧୮୫ ହୋଇଛି । ରିପୋର୍ଟ ଅନୁସାରେ ବିଲେନିୟର୍ସ ଅଧିକ ଶିଫ୍ଟ ହେଉଛନ୍ତି । ୨୦୨୦ରେ ୧୭୬ ଜଣ ଦେଶ ବଦଳାଇଛନ୍ତି । ସ୍ୱିଜରଲାଣ୍ଡ, ୟୁଏଇ, ସିଙ୍ଗାପୁର ଏବଂ ଆମେରିକା ସେମାନଙ୍କ ସବୁଠୁ ମନ ପସନ୍ଦର ସ୍ଥାନ । ୨୦୨୪ରେ ପ୍ରଥମ ଥର ପାଇଁ ପ୍ରାୟ ୨୬୮ ଜଣ ପ୍ରଥମ ଥର ପାଇଁ ବିଲେୟନିର୍ସ ହୋଇଛନ୍ତି । ଏଥିରୁ ୬୦ ପ୍ରତିଶତ ଉଦ୍ୟମୀ ।