ଭୁବନେଶ୍ବର ୦୩/୪: ବିଧାନସଭା ଇତିହାସରେ ପୁଣି ସୃଷ୍ଟି ହୋଇଛି ରେକର୍ଡ । ପ୍ରାୟ ୨ ଦଶନ୍ଧି ପରେ ରାତିତମାମ ଚାଲିଛି ବିଧାନସଭା । ଗୁରୁବାର ଭୋର୍ ସମୟରେ ପାରିତ ହୋଇଛି ବିଶ୍ବବିଦ୍ୟାଳୟ ସଂଶୋଧିତ ବିଲ୍ ୨୦୨୪ । ବିରୋଧୀ ଓ ଶାସକ ଦଳ ମଧ୍ୟରେ ହୋଇଥିଲା ଢେର ଘଣ୍ଟା ଧରି ଆଲୋଚନା । ଆଲୋଚନାରେ ସାରା ରାତି ଉପସ୍ଥିତ ଥିଲେ ମୁଖ୍ୟମନ୍ତ୍ରୀ ମୋହନ ମାଝୀ ।
ତେବେ ବିଲ୍ ପାରିତ ହେଉ ହେଉ ଆରମ୍ଭ ହୋଇଯାଇଛି ବୟାନ ବାଜି । ବିଜେଡି ବିଧାୟକ ଅରୁଣ ସାହୁ କହିଛନ୍ତି ଚଞ୍ଚକତା ପୂର୍ଣ୍ଣ ବିଲ୍ ଆଣିଛନ୍ତି ବିଜେପି ସରକାର । ୨୦୨୪ରେ ଯେଉଁ ବିଲ୍ ଅଣାଯାଇଛି ୧୯୮୯ମସିହାର ବିଲ୍କୁ ସଂଶୋଧନ କରାଯାଇଛି ବୋଲି କୁହାଯାଇଛି । ବିଲ୍ର ବୈଧତା କଣ ରହିଛି ପରବର୍ତ୍ତୀ ସମୟରେ ସୁପ୍ରିମକୋର୍ଟରେ ଆଲୋଚନା ହେବ । ବିଲ୍ରେ ଗଭର୍ଣ୍ଣରଙ୍କ ପାୱାରକୁ କାଟି ଦିଆଯାଇଛି । ୟୁଜିସିର ଡ୍ରାଫ୍ଟ ଗାଇଡଲାଇନ,NEPର ଗାଇଡଲାଇନ ଓ ନୂଆ ବିଲ୍ ମଧ୍ୟରେ କୌଣସି ତାଳମେଳ ରହୁନି
। ଯେହେତୁ ୪ ବର୍ଷ ତଳେ ବିଜେପି ବିରୋଧରେ ଥିଲେ,ୟୁଜିସିକୁ ଲଗାଇ ମାମଲା କରିଥିଲେ ଏବେ ନିଜ ଜିଦ୍ ରକ୍ଷା ପାଇଁ ବିଲ୍ ଆଣି ତରବରିଆ ଭାବରେ ସଂଖ୍ୟା ବଳରେ ପାସ୍ କରିଛନ୍ତି । ବିଲ୍ ଉପରେ ସାଢେ ୧୨ ଘଣ୍ଟା ଆଲୋଚନା ହେଲା, ଆହୁରି ଅଧିକ ସମୟ ହୋଇପାରିଥାନ୍ତା । ହେଲେ ସେତିକି ସୁଯୋଗ ଦିଆଯାଉନି । ମୁଁ କେବଳ ୩ଘଣ୍ଟା ୧୦ ମିନିଟ୍ ଆଲୋଚନାରେ ଭାଗ ନେଇପାରିଥିବା କହିଛନ୍ତି ବିଜେଡି ବିଧାୟକ ଅରୁଣ ସାହୁ ।
