ଭୁବନେଶ୍ବର ୨।୪: ନିର୍ବାଚନରେ ଅନିୟମିତତା ନେଇ ବିଜେଡି ନିର୍ବାଚନ କମିଶନଙ୍କ ନିକଟରେ କରିଥିବା ଅଭିଯୋଗ ଉପରେ କମିଶନ ଯେଉଁ ଉତ୍ତର ରଖିଛନ୍ତି ତାହା ଗ୍ରହଣୀୟ ନୁହେଁ ବୋଲି ବରିଷ୍ଠ ବିଜେଡି ନେତା ଅମର ପଟ୍ଟନାୟକ କହିଛନ୍ତି । ମେକାନିକାଲ ଉତ୍ତର ଦେଇଛନ୍ତି କମିଶନ । ନିର୍ବାଚନ କମିଶନଙ୍କୁ ବିଜେଡି ତରଫରୁ ଏ ନେଇ ଦାବିପତ୍ର ୨୩ ଡିସେମ୍ବରରେ ଦିଆଯାଇଥିଲା । ତିନୋଟି ପ୍ରସଙ୍ଗରେ ସ୍ପଷ୍ଟୀକରଣ ମଗାଯାଇଥିଲା । ବୁଥ୍ ଲେବଲ ଡାଟା, ୪୦ଟି ବୁଥ୍ରେ ଭୋଟରେ ହୋଇଥିବା ଡିଫରେନ୍ସ । ଇଭିଏମର ଭୋଟ୍ ଓ କାଉଣ୍ଟିଂ ବେଳେ ଅଲଗା ଫିଗର ଦୃଷ୍ଟାନ୍ତ ଦିଆଯାଇଥିଲା ।
ସଂସଦୀୟ କ୍ଷେତ୍ରରେ ଯେତିକି ଭୋଟ୍ ପଡିଛି ବିଧାନସଭା କ୍ଷେତ୍ରରେ ଭୋଟର ସଂଖ୍ୟା ଅଲଗା ରହିଛି । ରାତି ୧୧ଟା ୪୫ମିନିଟ୍ ଯାଏ ବି ଭୋଟିଂ ହୋଇଛି । ୫ଟା ଭୋଟର ଟର୍ନଆଉଟ ଓ ଫାଇନାଲ ଭୋଟର ଟର୍ନଆଉଟ ମଧ୍ୟରେ ବହୁ ପାର୍ଥକ୍ୟ ଥିଲା । ପ୍ରାୟ ବିଭିନ୍ନ ସ୍ଥାନରେ ଏହି ଡିଫରେନ୍ସ ୧୦ ପ୍ରତିଶତରୁ ଅଧିକ, କେନ୍ଦୁଝରରେ ୩୦ ପ୍ରତିଶତରୁ ଅଧିକ ଥିଲା । ନିର୍ବାଚନ ପ୍ରକ୍ରିୟାରେ ଭୁଲଭଟକା, ଇଭିଏମ୍ ପ୍ରକ୍ରିୟାରେ ଭୁଲ୍ ରହିଛି । ତେଣୁ କମିଶନ ଲୋକଙ୍କ ମନରେ ବିଶ୍ୱାସକୁ ବଜାୟ ରଖିବା ପାଇଁ କାମ କରିବା ଉଚିତ । ବିଜେଡି କହିଥିଲା ପ୍ରକ୍ରିୟାରେ ପରିବର୍ତ୍ତନ ପାଇଁ । ମହାରାଷ୍ଟ୍ର, ହରିୟାଣା ଓ ପଶ୍ଚିମବଙ୍ଗରେ ଇଲେକ୍ଟୋରାଲ ରୋଲକୁ ନେଇ ପ୍ରଶ୍ନ ଉଠିଲା । ଦିଲ୍ଲୀରେ ବି ପ୍ରଶ୍ନ ଉଠିଲା । ଯାହାକୁ ନେଇ ବିଜେଡି ଦାବି ଦୃଢ଼ ହେଲା । ୧୧ ଫେବୃଆରୀରେ ବିଜେଡି ନିର୍ବାଚନ କମିଶନଙ୍କୁ କିଛି ପ୍ରସ୍ତାବ ଦେଇଥିଲା । ନିର୍ବାଚନ କମିଶନ ଉପରେ ଯଦି ଆସ୍ଥା ତୁଟିଯିବ ତାହେଲେ ଗଣତନ୍ତ୍ର ପ୍ରତି ବିପଦ । ବିଜେଡି ପକ୍ଷରୁ ୫ଟି ପ୍ରସ୍ତାବ କମିଶନଙ୍କୁ ଦିଆଯାଇଥିଲା ।
ନିର୍ବାଚନ ପ୍ରକ୍ରିୟାର ସମ୍ପୂର୍ଣ୍ଣ ଅଡିଟ୍ ପାଇଁ ଦାବି ହୋଇଛି । ଏହାକୁ ସ୍ୱାଧୀନ ସଂସ୍ଥା ଅଡିଟ୍ କରିବକୁ ଦାବି । କେବଳ ସରକାରୀ କଳ ଭିତରେ ସୀମିତ ନ ରଖି ସାଧାରଣ ଲୋକଙ୍କୁ ସାମିଲ କରିବାକୁ ଦାବି । ସବୁ ଭିଭିପାଟ ସହିତ ଇଭିଏମର ଭୋଟକୁ ମେଳକ ପରେ ଫଳ ପ୍ରକାଶ ହେଉ । ବିଜେଡି ପକ୍ଷରୁ ଫର୍ମ ୧୭ସି ମଗାଯାଇଥିଲା କିନ୍ତୁ ଏଯାଏ ମିଳିଲାନି । କମିଶନଙ୍କ ପକ୍ଷରୁ ଉତ୍ତର ମିଳିଛି ଯେଉଁ ଡିଫରେନ୍ସ ରହିଛି ମକ ପୋଲ ଭୋଟ ଡିଲିଟ ହୋଇ ନ ଥିବାରୁ ଏଭଳି ଅସଙ୍ଗତି ଦେଖାଯାଇଥିବା କମିଶନ କହିଛନ୍ତି । ଭୋଟ୍ ଓ କାଉଣ୍ଟିଂ ମଧ୍ୟରେ
ଇଭିଏମର ମାଲ ଫଙ୍କସନିଂ ହୋଇଛି ବୋଲି କମିଶନ କହିଛନ୍ତି ।
ଲୋକସଭାରେ ଭୋଟ୍ ଦେଲେ ଲୋକେ ବିଧାନସଭାରେ ଦେଇନାହାନ୍ତି କିମ୍ବା ଗୋଟିଏ ସ୍ଥାନରେ ଭୋଟ୍ ଦେଲେ ଆଉ ଗୋଟିଏ ସ୍ଥାନରେ ଭୋଟ୍ ଦେଇ ନାହାନ୍ତି ବୋଲି କମିଶନ କହିଛନ୍ତି ।
ସେଥିପାଇଁ ଫର୍ମ ୧୭ସି ଡାଟା ସେଥିରେ ମଗାଯାଇଛି । ଯେଉଁଥିରେ ସବୁ ସ୍ପଷ୍ଟ ହେବ । କିନ୍ତୁ କମିଶନ ଏହାକୁ ଆଜି ଯାଏ ଦେଲେ ନାହିଁ । ନିୟମ ଅଛି ଫର୍ମ ୧୭ସି ଦେବା ପାଇଁ । କିଛି ଅର୍ଥ ଜମା କରି ଏହାକୁ ପାଇହେବ । କେବଳ କୋର୍ଟରେ ମାମଲା ଥିଲେ ଦେଇ ହେବ ନାହିଁ । ୨୮ଟି ବିଧାନସଭା କ୍ଷେତ୍ରରେ କେସ୍ ଅଛି ଓ ଲୋକସଭାର ଦୁଇ ତିନୋଟି କେସ୍ ଅଛି । ବାକି ସ୍ଥାନର ଫର୍ମ ୧୭ସି ଦେଇ ହୋଇଥାନ୍ତା । କିନ୍ତୁ ଏହା ମନା ବି କରାଯାଉନି କି ଦିଆ ବି ଯାଉନି ।
ବିଜେଡି ଓ ଓଡ଼ିଶାବାସୀ ଏହାକୁ ଗ୍ରହଣ କରୁନାହାନ୍ତି । ରୁଲ୍ସରେ ପ୍ରିଭିଜନ ଥାଇ ମଧ୍ୟ ଦିଆଗଲାନି । ତେଣୁ ଏହା ମେକାନିକାଲ ଉତ୍ତର, କମିଶନ ଅତି ହାଲ୍କା ଭାବେ ନେଉଛନ୍ତି । ଇଲେକ୍ଟୋରାଲ ରୋଲ ଯେବେଠୁ ତିଆରି ହେବ ସେବେଠୁ ଏସବୁ ଭେରିଫାଏ ହେବା ଦରକାର । ଭୋଟର ସବୁଠୁ ବଡ଼ ଷ୍ଟେକ ହୋଲ୍ଡର । ପ୍ରାର୍ଥୀମାନେ ମଧ୍ୟ ଜାଣିବାର ଅଧିକାର ଅଛି । ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି ଏସଂପର୍କରେ ବିଚାର କରିବାକୁ । ଫର୍ମ ୧୭ସି ଦେଲେ ନିର୍ବାଚନ ସ୍ବଚ୍ଛତା ଜଣାପଡ଼ନ୍ତା ବୋଲି ବିଜେଡି କହିଛି ।
You Can Read:
ସରକାର କହିଥିଲେ ରାସନରେ ଚାଉଳ ସହ ଗହମ ଦେବେ, ଏବେ ବି ପ୍ରତିଶ୍ରୁତିବଦ୍ଧ : ଯୋଗାଣ ମନ୍ତ୍ରୀ
