ନୂଆଦିଲ୍ଲୀ ୧୯।୦୧; ବିହାରର କଟିହାର ବଡ଼ ଦୁର୍ଘଟଣା ଘଟିଛି। ଅମଦାବାଦର କଟିହାରରେ ଗଙ୍ଗା ନଦୀରେ ଡଙ୍ଗା ବୁଡ଼ିଯାଇଛି । ଯାହା ଫଳରେ ଅନେକ ଲୋକ ବୁଡ଼ି ମୃତ୍ୟୁବରଣ କରିଛନ୍ତି। ଡଙ୍ଗାରେ ମୋଟ ୧୭ ଜଣ ଥିଲେ। ଯେଉଁଥିରୁ ତିନି ଜଣଙ୍କ ମୃତଦେହ ଉଦ୍ଧାର କରାଯାଇଛି। ଏବେ ବି ଅନେକ ଲୋକ ନିଖୋଜ ଥିବା ଜଣାପଡ଼ିଛି।

ଚାରି ଜଣ ଲୋକ ପହଁରି ନିଜ ଜୀବନ ବଞ୍ଚାଇଥିଲେ। ସମସ୍ତ ଲୋକ ଦକ୍ଷିଣ କରିମୁଲ୍ଲାପୁରର ମେଘୁ ଘାଟରୁ ଡଙ୍ଗାରେ ଚଢ଼ି ଗଦ୍ଦାଇ ଦିଆରା ଯାଉଥିଲେ। ଡଙ୍ଗା ଦୁର୍ଘଟଣା ସମ୍ପର୍କରେ ସୂଚନା ପାଇବା ପରେ SDRF ଏବଂ ପୋଲିସ ମଧ୍ୟ ଘଟଣାସ୍ଥଳରେ ପହଞ୍ଚିଥିଲେ । ଏହା ସହ ନିଖୋଜ ଲୋକଙ୍କୁ ଖୋଜା ଚାଲିଛି।  ଯେଉଁ ତିନି ଜଣଙ୍କ ମୃତଦେହ ଉଦ୍ଧାର କରାଯାଇଛି ।ସେମାନଙ୍କ ମଧ୍ୟରେ ୬୦ ବର୍ଷୀୟ ପବନ କୁମାର, ୭୦ ବର୍ଷୀୟ ସୁଧୀର ମଣ୍ଡଳ ଏବଂ ଏକ ବର୍ଷର ଶିଶୁ ଅନ୍ତର୍ଭୁକ୍ତ। ବାକି ନିଖୋଜ ଲୋକଙ୍କୁ ଖୋଜିବା ପାଇଁ SDRF ଏକ ଉଦ୍ଧାର କାର୍ଯ୍ୟ ଆରମ୍ଭ କରିଛି।

ପୋଲିସ ଅଧିକାରୀ ଓ ସ୍ଥାନୀୟ ଗ୍ରାମବାସୀଙ୍କ ସହିତ ରିଲିଫ ଏବଂ ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି। ପ୍ରବଳ ସ୍ରୋତ ଏବଂ ଗଭୀରତା ଯୋଗୁଁ, ନିଖୋଜ ଲୋକଙ୍କୁ ଖୋଜିବାରେ ଅସୁବିଧା ହେଉଛି। କୁହାଯାଉଛି ଯେ ଡଙ୍ଗାରେ ଥିବା ଲୋକମାନେ ଦିଆରା ଅଞ୍ଚଳକୁ କ୍ଷେତକୁ ଚାଷ କାମ କରିବାକୁ ଯାଉଥିଲେ। ଡଙ୍ଗା ଦୁର୍ଘଟଣାରେ ଉଦ୍ଧାର ହୋଇଥିବା ଲୋକଙ୍କୁ ଅହମଦାବାଦ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି।