ଉଦଳା ୧।୧୧: ରାସ୍ତାରୁ ଖସିଲା ଯାତ୍ରୀବାହୀ ବସ୍ । ଅଳ୍ପକେ ବର୍ତ୍ତିଗଲେ ୨୫ରୁ ଅଧିକ ଯାତ୍ରୀ । ଯାତ୍ରୀ ନେଇ ଗନ୍ତବ୍ୟସ୍ଥଳକୁ ଯାଉଥିବା ବେଳେ ବସ୍ଟି ଭାରସାମ୍ୟ ହରାଇ ରାସ୍ତାପାର୍ଶ୍ଵକୁ ଖସିଗଲା ବସ୍ । ମୟୁରଭଞ୍ଜ ଜିଲ୍ଲା କପ୍ତିପଦା ଥାନା ଜଡିଦା ଛକ ନିକଟରେ ଏଭଳି ଘଟଣା ।
ସୂଚନାଯୋଗ୍ୟ ଯେ, ମୟୁରଭଞ୍ଜ ଜିଲ୍ଲା ଉଦଳାରୁ ଠାକୁରମୁଣ୍ଡା ଯାଉଥିବା ନୀଳମାଧବ ନାମକ ବସ୍ ଉଦଳା-କେଉଁଝର ରାସ୍ତା ଜଡିଦା ଛକ ନିକଟରେ ରାସ୍ତା ପାର୍ଶ୍ଵକୁ ଖସିପଡିଥିଲା । ଭାରସାମ୍ୟ ହରାଇ ବସ୍ଟି ରାସ୍ତା ପାର୍ଶ୍ଵକୁ ଢଳି ପଡ଼ିଥିଲା । ଗଛ ଉପରେ ବସ୍ଟି ଆଉଜି ହୋଇ ରହିଥିବା ବେଳେ ବସ୍ ଓଲଟିବାରୁ ଗଛଟି ବଞ୍ଚାଇ ଦେଇଥିଲା । ଯାହା ଫଳରେ ବସ୍ ଭିତରେ ଥିବା ୨୫ରୁ ଅଧିକ ଯାତ୍ରୀ ଅଳ୍ପକେ ବଡ଼ ଦୁର୍ଘଟଣାରୁ ବଞ୍ଚି ଯାଇଛନ୍ତି । ତେବେ କେହି ଆହତ ହୋଇ ନଥିବା ବେଳେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
You Can Read:
ଆମ୍ବ ଟାକୁଆ ଖାଇ ୨ ଜଣଙ୍କ ମୃତ୍ୟୁ ଅଭିଯୋଗ, ୬ ଗୁରୁତର ମେଡ଼ିକାଲରେ ଭର୍ତ୍ତି
