ଭୁବନେଶ୍ୱର ୦୫।୧୧ : ସମାଜସେବୀଙ୍କୁ ଗୋଡ଼ାଇ ହାଣିଲେ ଦୁର୍ବୃତ୍ତ । ସଙ୍କଟାପନ୍ନ ଅବସ୍ଥାରେ ତାଙ୍କୁ ଏମ୍ସରେ ଭର୍ତ୍ତି କରାଯାଇଛି। ଭୁବନେଶ୍ବର ଏୟାରପୋର୍ଟ ଥାନା ପଳାଶପଲ୍ଲୀ ଲେନ୍- ୭ରେ ଏମିତି ଏକ ଘଟଣା ଘଟିଛି ।
ପୂର୍ବ ବିବାଦକୁ କେନ୍ଦ୍ର କରି ଜଣେ ସମାଜସେବୀଙ୍କୁ ଗୋଡ଼ାଇ ଗୋଡ଼ାଇ ହାଣିଛନ୍ତି ଦୁର୍ବତ୍ତମାନେ। ଆକ୍ରମଣର ଶିକାର ହୋଇଛନ୍ତି ସମାଜସେବୀ ଶିବ ପ୍ରସାଦ ଶ୍ରୀଚନ୍ଦନ। ତାଙ୍କୁ ପ୍ରଥମେ କ୍ୟାପିଟାଲ ହସ୍ପିଟାଲ୍ ଏବଂ ପରେ ଏମସକୁ ସ୍ଥାନାନ୍ତର କରାଯାଇଛି। ୨ଟି ବାଇକରେ ୫ରୁ ୬ ଜଣ ଯୁବକ ଆସି ତାଙ୍କୁ ହାଣିଥିବା ସ୍ଥାନୀୟ ଲୋକେ ପୋଲିସକୁ କହିଛନ୍ତି। ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଛି। ପୋଲିସ୍ ଏହି ଅଞ୍ଚଳରେ ଲାଗିଥିବା ସିସିଟିଭି ଫୁଟେଜକୁ ଯାଞ୍ଚ କରୁଛି। ଏୟାରଫିଲଡ ଥାନା ପୋଲିସ ଘଟଣାର ତଦନ୍ତ କରୁଛି।
