ମାହାଙ୍ଗା ୧।୮: ଛୁଟି ବାତିଲ ପରେ ବି କାର୍ଯ୍ୟାଳୟକୁ ଆସିନଥିଲେ କର୍ମଚାରୀ । ସବୁ କର୍ମଚାରୀଙ୍କ ଦରମା ବନ୍ଦ ପାଇଁ ନିର୍ଦ୍ଦେଶ । କଟକ ଜିଲ୍ଲା ମାହାଙ୍ଗା ବ୍ଲକ୍ର ସବୁ କର୍ମଚାରୀଙ୍କ ଦରମା ବନ୍ଦ ପାଇଁ ନିର୍ଦ୍ଦେଶ ଦିଆଯାଇଛି । ଏ ନେଇ ଜିଲ୍ଲା ପ୍ରକଳ୍ପ ନିର୍ଦ୍ଦେଶକ ନିର୍ଦ୍ଦେଶ ଦେଇଛନ୍ତି ।
ସୂଚନାଯୋଗ୍ୟ ଯେ, ଗତ ଜୁଲାଇ ୨୬ ତାରିଖ ଶନିବାର ଦିନ ବଡ଼ ବର୍ଷା ପାଇଁ ଛୁଟିକୁ ବାତିଲ କରାଯାଇଥିଲା । କିନ୍ତୁ ବ୍ଲକ୍କୁ କୌଣସି କର୍ମଚାରୀ ଆସିନଥିବା ଦର୍ଶାଇ ଜୁଲାଇ ମାସର ଦରମା ବନ୍ଦ ପାଇଁ ବିଡ଼ିଓଙ୍କୁ ଜିଲ୍ଲା ପ୍ରକଳ୍ପ ନିର୍ଦ୍ଦେଶକ ଚିଠି କରିଛନ୍ତି l ମାହାଙ୍ଗା ବ୍ଲକ୍ରେ ହେଉଥିବା ଜିଲ୍ଲାପାଳଙ୍କ ଅଭିଯୋଗ ଶିବିରରେ ବାୟୋମେଟ୍ରିକ୍ ମେସିନ ଖରାପ ଥିବା ନେଇ ଜିଲ୍ଲାପାଳଙ୍କୁ ଅଭିଯୋଗ ହୋଇଥିଲା l ଜିଲ୍ଲାପାଳ ଏକ ଚିଠି କରିଥିଲେ ବ୍ଲକ ଅଧିକାରୀଙ୍କୁ, ତୁରନ୍ତ ଉକ୍ତ ମେସିନକୁ ଠିକ୍ କରିବା ପାଇଁ । କିନ୍ତୁ ବ୍ଲକ୍ କର୍ମଚାରୀ ମାନେ ଚିଠିଟିକୁ କାର୍ଯ୍ୟକାରୀ କରିନଥିବା ନେଇ ମଧ୍ୟ ଦରମା ବନ୍ଦ ହୋଇଛି ବୋଲି ଚିଠିରେ ଉଲ୍ଲେଖ କରାଯାଇଛି l ଜିଲ୍ଲାପାଳଙ୍କ ଚିଠିକୁ କାହିଁକି ବ୍ଲକ କର୍ତ୍ତୃପକ୍ଷ ମାନିନଥିଲେ ତାହା ଏବେ ସାଧାରଣରେ ଚର୍ଚ୍ଚା ଜୋର ଧରିଛି l ଏହି ଚିଠି ଗତ ୩୦ ତାରିଖରେ ବିଡ଼ିଓ ମାହାଙ୍ଗାକୁ କରାଯାଇଛି l
