ଈଶା ଦେଓଲଙ୍କ ପୂର୍ବତନ ସ୍ବାମୀଙ୍କ ଜୀବନରେ ଖାସ୍‌ ମହିଳାଙ୍କ ଏଣ୍ଟ୍ରି, ଫଟୋ ସେୟାର କରି କଲେ ଓ୍ବେଲକମ୍

Published By : Prameya-News7 Bureau | August 30, 2025 IST

Livehindustan

ମୁମ୍ବାଇ: ବଲିଉଡ ଅଭିନେତ୍ରୀ ଈଶା ଦେଓଲଙ୍କ ପୂର୍ବତନ ସ୍ବାମୀ ତଥା ବ୍ୟବସାୟୀ ଭରତ ତଖତାନୀଙ୍କ ଲାଇଫରେ ଏଣ୍ଟ୍ରି କରିଛନ୍ତି ଜଣେ ଖାସ୍‌ ବ୍ୟକ୍ତି। ସେ ହେଉଛନ୍ତି ଉଦ୍ୟୋଗୀ ମେଘନା ଲଖାନୀ। ଉଭୟ ନିଜ ରିଲେସନସିପ୍‌କୁ କରିଛନ୍ତି ସାର୍ବଜନୀନ। ସୂଚନାଥାଉକି, ଗତ ବର୍ଷ ଈଶା ଓ ଭରତଙ୍କ ବିବାହ ବିଚ୍ଛେଦ ହୋଇଥିଲା। 

ଭରତ ସୋସିଆଲ ମିଡିଆ ପୋଷ୍ଟରେ ଦୁହିଁଙ୍କ ରିଲେସନସିପ୍ ବିଷୟରେ ସୂଚନା ଦେଇଛନ୍ତି। ଭରତ ନିକଟରେ କରିଥିବା ୟୁରୋପ ଗସ୍ତ ସମୟର କିଛି ଫଟୋ ସେୟାର କରିଛନ୍ତି। ଯେଉଁଥିରେ ସେ ମେଘନା ଲଖାନୀଙ୍କ ସହ ଅଛନ୍ତି। ଏହି ଫଟୋକୁ ସେୟାର କରି ଭରତ ଲେଖିଛନ୍ତି ‘ମୋ ପରିବାରରେ ଆପଣଙ୍କୁ ସ୍ବାଗତ।’ ସେହିଭଳି ମେଘନା ମଧ୍ୟ ଏକ ଫଟୋ ସେୟାର କରି ଲେଖିଛନ୍ତି, ‘ଯାତ୍ରା ଏଇଠୁ ଆରମ୍ଭ ହେଉଛି।’ ଏହି ଫଟୋରେ ଭରତ ଏବଂ ମେଘନା ଖୁବ୍ ଖୁସି ନଜର ଆସୁଛନ୍ତି। ଆଉ ଏହି ଫଟୋ ପରେ ସୋସିଆଲ ମିଡିଆରେ ତାଙ୍କ ସମ୍ପର୍କର ଖବରକୁ ସ୍ପଷ୍ଟ କରିଛି।

କିଛି ଦିନରୁ ଭରତ ଏବଂ ଈଶା ଏକାଠି ନଜର ଆସୁଥିଲେ। କୁହାଯାଉଥିଲା ଉଭୟ ନିଜ ସମ୍ପର୍କ ବିଷୟରେ ପ୍ରକାଶ କରିପାରନ୍ତି। ଆଉ ଏବେ ଭରତ ସେୟାର କରିଥିବା ଫଟୋରୁ ସ୍ପଷ୍ଟ ହେଉଛି ଯେ, ସେମାନଙ୍କ ଜୀବନରେ ଖାସ୍‌ ବ୍ୟକ୍ତିଙ୍କ ଏଣ୍ଟ୍ରି ହୋଇସାରିଛି।

ସୂଚନାଥାଉକି, ଈଶା ଏବଂ ଭରତ ୨୦୧୨ରେ ପରିବାରର ଉପସ୍ଥିତିରେ ବିବାହ କରିଥିଲେ। ହେଲେ ବିବାହ ୨୦୨୪ରେ ଏମାନଙ୍କର ଅଲଗା ହେବାର ଖବର ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା। ଈଶା ଏବଂ ଭରତଙ୍କ ଦୁଇ ଝିଅ ମଧ୍ୟ ଅଛନ୍ତି। ତେବେ ବିବାହ ବିଚ୍ଛେଦ ପରେ ଦୁଇ ଝିଅଙ୍କ ଦାୟିତ୍ବ ଈଶା କରୁଛନ୍ତି। ଈଶା ହେଉଛନ୍ତି ବରିଷ୍ଠ ଅଭିନେତା ଧର୍ମେନ୍ଦ୍ର ଏବଂ ହେମା ମାଳିନୀଙ୍କ ଝିଅ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.