ଯାଜପୁର ୩୦।୮: ନାତୁଣୀର ମୃତ୍ୟୁ ଖବର ଶୁଣି ଜେଜେଙ୍କର ମୃତ୍ୟୁ । ଏଭଳି ଏକ ଅଭାବନୀୟ ଘଟଣା ଘଟିଛି ଯାଜପୁର ଜିଲ୍ଲା ବାଲିଚନ୍ଦ୍ରପୁର ଥାନା ଅନ୍ତର୍ଗତ ଗୋବଣ୍ଡିଆ ଗ୍ରାମରେ । ନାତୁଣୀର ମୃତ୍ୟୁ ଖବର ପାଇ ଜେଜଙ୍କର ହୃଦଘାତରେ ମୃତ୍ୟୁ ଘଟିଛି । ଗୋଟିଏ ଜୁଇରେ ଦୁଇ ଜଣଙ୍କ ଶବ ଦାହ କରିଛନ୍ତି ପରିବାର ଓ ଗ୍ରାମବାସୀ । 

ସୂଚନାଯୋଗ୍ୟ ଯେ, ଗୋବଣ୍ଡିଆ ଗ୍ରାମର ଦେବେନ୍ଦ୍ର କୁମାର ପରମାଣିକଙ୍କ ଝିଅଙ୍କୁ ଘରେ ଶୋଇଥିବା ଅବସ୍ଥାରେ ଗୁରୁବାର ରାତିରେ ଏକ ବିଷଧର ସାପ କାମୁଡି ଦେଇଥିଲା । ବିଳମ୍ବିତ ରାତିରେ କାମୁଡିବା ଯୋଗୁ କେହି ସାପ କାମୁଡିବା ସମ୍ପର୍କରେ ଜାଣିପାରି ନଥିଲେ । ଶୁକ୍ରବାର ଭୋର ସମୟରେ ତାଙ୍କ ପାଟିରୁ ଗରଳ ବାହାରିବା ପରେ ତାଙ୍କୁ ସଙ୍ଗେ ସଙ୍ଗେ ମାହାଙ୍ଗା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ପରେ କଟକ ବଡ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା । ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଥିଲେ । ଏହି ଖବର ଶୁଣିବା ପରେ ନିଜ ଘର ପିଣ୍ଢାରେ ବସିଥିବା ଜେଜେ ବାବାଜୀ ପରମାଣିକଙ୍କର ହୃଦଘାତ ର ଶିକାର ହୋଇଥିଲେ । ତାଙ୍କୁ ଗ୍ରାମବାସୀ ମାନେ ବଡ଼ଚଣା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ନେଇଯାଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।

You Can Read:

୬ ବକ୍ସ ପାଇଁ ଆଣିଥିଲେ ଅନୁମତି, ୨୧ ବକ୍ସ ଲଗାଇ କରୁଥିଲେ ପ୍ରସେସନ : ଅଟକାଇଲା ପୋଲିସ