ସମ୍ବଲପୁର ୦୪/୦୩: ସମ୍ୱଲପୁର ଅଇଁଠାପାଲି ଥାନା ଅଂଚଳରେ ଏନକାଉଣ୍ଟର । ଏୟାରଷ୍ଟ୍ରିପ ରାସ୍ତାରେ ଏନକାଉଣ୍ଟର କରିଛି ପୋଲିସ । ଦୁର୍ଦ୍ଦାନ୍ତ ଅପରାଧି ମହେଶ କୁମାରକୁ ଏନକାଉଣ୍ଟର କଲା ଅଇଁଠାପାଲି ପୋଲିସ । ଏନକାଉଣ୍ଟରରେ ପାଦରେ ଗୁଳି ବାଜିଛି । ଆହତ ମହେଶ କୁମାରଙ୍କୁ ବୁର୍ଲା ମେଡିକାଲରେ ଭର୍ତ୍ତି କରାଯାଇଛି । ଅପରାଧୀ ପାଖରୁ ବନ୍ଧୁକ ଓ ଗୁଳି ଜବତ କରିଛି ପୋଲିସ୍ ।
ସୂଚନା ଥାଉକି, ବନ୍ଧୁକ ଦେଖାଇ ୪୦ ହଜାର ଟଙ୍କା ଛଡାଇ ନେଇଥିଲା ମହେଶ । ମଙ୍ଗଳବାର ସକାଳୁ ତାକୁ ଧରିବା ପାଇଁ ପୋଲିସ ପିଛା କରିବା ସମୟରେ ପୋଲିସ ଉପରକୁ ଗୁଳି ଚଳାଇଥିଲା ମହେଶ । ଏହାର ପାଲଟା ଜବାବରେ ଏନକାଉଣ୍ଟର କରିଥିଲା ପୋଲିସ । ଫଳରେ ତାର ପାଦରେ ବାଜିଥିଲା ଗୁଳି । ସଂଗେ ସଂଗେ ତାକୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି । ପୋଲିସ ଘଟଣାର ଅଧିକ ଛାନ୍ ଭିନ୍ କରୁଛି ।
