ନୂଆପଡା ୨୨।୬: ମଦ୍ୟପ ପୁଅର ଉନ୍ମତ୍ତ କାଣ୍ଡ । ଠେଙ୍ଗାରେ ପିଟି ପିଟି ବାପାଙ୍କୁ ହତ୍ୟା । ନୂଆପଡା ଜିଲ୍ଲା ବେଲଟୁକୁରି ଥାନା କୁରୁମୁଣ୍ଡା ଗ୍ରାମରେ ଘଟିଛି ଏଭଳି ଅଭାବନୀୟ ଘଟଣା । ହତ୍ୟାକାରୀ ପୁଅ ଥାନାରେ ଅଟକ । ତଦନ୍ତ ଜାରି ରଖିଛି ପୋଲିସ ।
ସୂଚନାଯୋଗ୍ୟ ଯେ, ନୂଆପଡା ଜିଲ୍ଲା ବେଲଟୁକୁରି ଥାନା କୁରୁମୁଣ୍ଡା ଗ୍ରାମରେ ବାପାଙ୍କୁ ହତ୍ୟା କରିଛି ପୁଅ । ମଦ ନିଶାରେ ଆସି ପୁଅ ଘରେ ପାଟିତୁଣ୍ଡ କରିଥିଲେ । ଉଭୟ ବାପା-ପୁଅଙ୍କ ମଧ୍ୟରେ ଗଣ୍ଡୋଗୋଳ ହୋଇଥିଲା । ଫଳରେ ପୁଅ ଉତକ୍ଷିପ୍ତ ହୋଇ ଏକ ଠେଙ୍ଗାରେ ବାପାଙ୍କୁ ପିଟିଥିଲା । ପୁଅର ଠେଙ୍ଗା ଆକ୍ରମଣରେ ବାପାଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା । ମୃତକ ହେଉଛନ୍ତି କୁରୁମୁଣ୍ଡାର ୬୦ ବର୍ଷ ବୟସ୍କ ପବନ ସିଂ ବରିହା । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରି ଶବ ବ୍ୟବଚ୍ଛେଦ ପାଇଁ ମେଡିକାଲକୁ ପଠାଇଛି । ଅଭିଯୁକ୍ତ ପୁଅ ତୁଲାରାମ ବରିହା ବେଲଟୁକୁରି ଥାନାରେ ଅଟକ ରଖାଯାଇଛି ।
ତେବେ ହତ୍ୟାକାଣ୍ଡର ପ୍ରକୃତ କାରଣ ଅସ୍ପଷ୍ଟ ରହିଥିବା ବେଳେ ଘଟଣାସ୍ଥଳରେ ନୂଆପଡା ଏସ୍ପି ଗୁନ୍ଦାଲା ରାଘବେନ୍ଦ୍ର ରେଡ୍ଡୀ ପହଞ୍ଚି ତଦନ୍ତ କରିଥିବା ସୂଚନା ରହିଛି ।
You Can Read:
ଗଞ୍ଜାମର ୨୮ ଅପରାଧୀଙ୍କ ଘରେ ଲାଗିଲା ଲଟ୍କା, ହାଜର ନହେଲେ ବାଜ୍ୟାପ୍ତ ହେବ ସମ୍ପତ୍ତି
