ଭୁବନେଶ୍ବର ୨୯।୧୦: ବିଜେଡ଼ି ଆଜି ବି ଏକ ନମ୍ବର । ଆଜି ବି ଯଦି ନିର୍ବାଚନ ହୁଏ ତେବେ ବିଜେଡ଼ି ୧୪୦ ସିଟ୍ ଜିତିବ ବୋଲି ବିରୋଧୀ ଦଳ ମୁଖ୍ୟ ସଚେତକ ପ୍ରମିଳା ମଲ୍ଲିକ କହିଛନ୍ତି । ସେ କହିଛନ୍ତି, ଆମ ଦଳର କେହି ନେତା ବିଷୋଦଗାର କରୁନାହାନ୍ତି । ପ୍ରସନ୍ନ ପାଟ୍ଟଶାଣୀ କେବେଠୁ ବିଜେପି ପଳାଇଲେଣି । ଆମ ଦଳର ନେତା ନୁହଁ ମିଡିଆ ବିଷୋଦଗାର କରୁଛି । ବିଜେପିର ଅବସ୍ଥା କ’ଣ ହଉଛି ସେ ତାଙ୍କ ଅବସ୍ଥା ସମ୍ଭାଳନ୍ତୁ । ସେ ଆମ କଥା କ’ଣ କହୁଛନ୍ତି । ସେ ଆଗ ନିଜ ଘର ସମ୍ଭାଳିକି ରଖନ୍ତୁ । ନବୀନଙ୍କ ଜିଲ୍ଲା ଗସ୍ତ ନେଇ କାର୍ଯ୍ୟକ୍ରମ ପ୍ରସ୍ତୁତ କରାଯାଉଛି । ସଂଗଠନ ପାଇଁ କର୍ମୀ ମାନଙ୍କ ଠାରୁ ମତାମତ ନିଆଯାଉଛି ।  

ସେପଟେ ପ୍ରମିଳାଙ୍କୁ କଡ଼ା ଜବାବ ଦେଲେ ବିଜେପି ବିଧାୟକ ଜୟନାରାୟଣ ମିଶ୍ର । ଗୋଟିଏ ସିଟିରେ ଭାଙ୍ଗିଯିବ ବିଜେଡ଼ି । ଅମିତ ଶାହଙ୍କ ଗୋଟିଏ ସିଟିରେ ବିଜେଡ଼ି ଭାଙ୍ଗିଯିବ । ୧୪୦ କ’ଣ ଆଗ ୪୦ ଜିତିକି ଦେଖାନ୍ତୁ । ଆମ ଦଳ ଭାଙ୍ଗୁନି । ବିଜେଡ଼ି ଭାଙ୍ଗୁଛି । ଦୁଇ ସାଂସଦଙ୍କ ସହ ନେତା ବିଜେଡ଼ି ଛାଡୁଛନ୍ତି ବୋଲି ଜୟନାରାୟଣ କହିଛନ୍ତି ।

You Can Read:

ନୀଳଗିରିରେ ବିଧାୟକ ସନ୍ତୋଷ ଖଟୁଆଙ୍କ ନେତୃତ୍ୱରେ ଗଣଦୌଡ଼