ଭୁବନେଶ୍ବର ୨୦।୪: ରାଜ୍ୟରେ ଟାଇଁ ଟାଇଁ ଖରା ସାଙ୍ଗକୁ ଅସହ୍ୟ ଗୁଳୁଗୁଳି ହେଉଥିବା ବେଳେ ଅସ୍ତବ୍ୟସ୍ତ ହେଉଛି ଜନଜୀବନ । ଅସମ୍ଭାଳ ତାତିରେ ଲୋକମାନେ ସନ୍ତୁଳି ହେଉଥିବା କାଳବୈଶାଖୀ ତାତିରୁ ଦେଇଛି ଆଶ୍ବସ୍ତି । ରାଜ୍ୟରେ ଆହୁରି  ୩ ଦିନ ଯାଏଁ  କାଳବୈଶାଖୀ ବର୍ଷା ଜାରି ରହିବ ବୋଲି ପୂର୍ବାନୁମାନ କରିଛି ପାଣିପାଗ ବିଭାଗ । ଆସନ୍ତା   ୨୪ ଘଣ୍ଟାରେ ମୟୁରଭଞ୍ଜ, କେନ୍ଦୁଝରଗଡ, ବାଲେଶ୍ବର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, ଜଗତସିଂହପୁର, କଟକ, ଗଞ୍ଜାମ, ଗଜପତି, ନୂଆପଡା, କଳାହାଣ୍ଡି, କନ୍ଧମାଳ, ରାୟଗଡା, ନବରଙ୍ଗପୁର, ମାଲକାନଗିରି ଓ କୋରାପୁଟ ଜିଲ୍ଲାରେ ବିଜୁଳି ଘଡଘଡି ସହ ୩୦ରୁ ୪୦ କି.ମି. ଝଡ ପବନର ସମ୍ଭାବନାକୁ ନେଇ ୟେଲୋ ୱାର୍ଣ୍ଣିଙ୍ଗ ଜାରି  କରିଛି ବିଭାଗ ।  

ସେହିପରି ସୋମବାର ରାୟଗଡା, ନବରଙ୍ଗପୁର, ମାଲକାନଗିରି ଓ କୋରାପୁଟ ଜିଲ୍ଲାର ଗୋଟିଏ କିମ୍ବା ଦୁଇଟି ସ୍ଥାନରେ  ବିଜୁଳି ଘଡଘଡି ବର୍ଷା ସହ ୩୦ ରୁ ୪୦ କି.ମି.  ଝଡ ପବନର ସମ୍ଭାବନାକୁ ନେଇ ୟେଲୋ ୱାର୍ଣ୍ଣିଙ୍ଗ ନେଇ ଜାରି କରିଛି ବିଭାଗ । ତେବେ ୨୩ ତାରିଖରୁ କାଳବୈଶାଖୀର ପ୍ରକୋପ କମିବା ସହ ୩ ଦିନ ପରେ ପୁଣି ବଢିବ ତାତି ।  ସେପଟେ  ଗତ  ୨୪ ଘଣ୍ଟାରେ  ଅନେକ ସ୍ଥାନରେ କାଳବୈଶାଖୀ ବର୍ଷା  ହୋଇଥିବା ବେଳେ ନୂଆପଡାରେ ୪୪.୦ ମି.ମି.   ସର୍ବାଧିକ ବର୍ଷା ରେକର୍ଡ  କରାଯାଇଛି । ସେହିପରି ଝାରସୁଗୁଡ଼ାରେ ୪୨ ଡିଗ୍ରୀ ସର୍ବାଧିକ ତାପମାତ୍ରା ରେକର୍ଡ କରାଯାଇଛି ।

You Can Read: 

ବଲାଙ୍ଗିରରେ କାଳବୈଶାଖୀ ତାଣ୍ଡବ : ବଜ୍ରପାତରେ ୨ ଜଣଙ୍କ ମୃତ୍ୟୁ, ଜଣେ ଗୁରୁତର