କଟକ: କଟକ ଝାଞ୍ଜିର ମଙ୍ଗଳା ସ୍ଥିତ ବ୍ରହ୍ମା କୁମାରୀ ଆଶ୍ରମରେ ସ୍ବର୍ଗତ ଦାଦି ରତନ ମୋହିନୀଙ୍କୁ ଶ୍ରଦ୍ଧାଞ୍ଜଳି ଦିଆଯାଇଛି। ଅହମଦାବାଦର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ଘଟିଥିଲା। ତେବେ ତାଙ୍କର ପରଲୋକରେ ରବିବାର କଟକ ବ୍ରହ୍ମା କୁମାରୀ ଶାଖା ପକ୍ଷରୁ ଶ୍ରଦ୍ଧାଞ୍ଜଳି ଦିଆଯାଇଛି। ଏହି ଅବସରରେ ସକାଳୁ ସମୂହ ଯୋଗ, ମୁରଲୀ କ୍ଲାସ, ଭୋଗ ଶ୍ରଦ୍ଧାଞ୍ଜଳି ଓ ପରେ ବ୍ରହ୍ମା ଭୋଜନ ଆୟୋଜନ କରାଯାଇଥିଲା। ଆଶ୍ରମ ଅନ୍ତେବାସୀଙ୍କ ସମେତ ନିମନ୍ତ୍ରିତ ଅତିଥିମାନେ ମଧ୍ୟ ଏହି ଶ୍ରଦ୍ଧାଞ୍ଜଳି କାର୍ଯ୍ୟକ୍ରମରେ ଉପସ୍ଥିତ ଥିଲେ।