ମୁମ୍ଵାଇ ୨୧।୧୧; ହଲିଉଡ୍ର ଲୋକପ୍ରିୟ ଆନିମେଟେଡ୍ ଫିଲ୍ମ ‘ମୁଫାସା: ଦ ଲାୟନ କିଙ୍ଗ୍’ର ଟ୍ରେଲର ରିଲିଜ୍ ହୋଇଛି । ଫିଲ୍ମର ହିନ୍ଦୀ ସଂସ୍କରଣରେ ଶାହରୁଖ ଖାନ୍ ଏବଂ ତାଙ୍କ ଦୁଇ ପୁଅ ଆର୍ୟନ ଓ ଅବରାମ ସ୍ୱର ଦେଇଛନ୍ତି । ସିମ୍ବାର ସ୍ୱର ଦେଇଛନ୍ତି ଆର୍ୟନ । ଶାବକ ମୁଫାସାର ସ୍ୱର ଦେଇଛନ୍ତି ଅବରାମ । ଆସନ୍ତା ଡିସେମ୍ବର ୨୦ ତାରିଖରେ ଇଂରାଜୀ, ହିନ୍ଦୀ, ତାମିଲ ଓ ତେଲୁଗୁ ଭାଷାରେ ଫିଲ୍ମଟି ମୁକ୍ତିଲାଭ କରିବ । ତେଲୁଗୁରେ ମହେଶ ବାବୁ ମୁଫାସାର ସ୍ୱର ହେବେ ।
ନିକଟରେ ଘୋଷଣା ହୋଇଛି, ତାମିଲ ଅଭିନେତା ଅର୍ଜୁନ ଦାସ ତାମିଲରେ ମୁଫାସାର ସ୍ୱର ହେବେ । ଅନ୍ୟ ଷ୍ଟାର୍ମାନେ ମଧ୍ୟ ଫିଲ୍ମରେ ଡବିଂ କରିଛନ୍ତି । ଫିଲ୍ମରେ ରଫିକୀକୁ ପ୍ରାଇଡ୍ ଲ୍ୟାଣ୍ଡ୍ସର ରାଜାଙ୍କ କାହାଣୀ ବର୍ଣ୍ଣନା ପାଇଁ ଯୋଡ଼ାଯାଇଛି । ଏଥିରେ ଏକ ଅନାଥ ଶାବକ ମୁଫାସା ଓ ଏକ ଦୟାଳୁ ସିଂହ ଟାକାର କାହାଣୀ ରହିଛି । କିଛି ଖାସ୍ ସାଙ୍ଗଙ୍କ ସହ ଯାତ୍ରାରେ ଉଭୟ ନୂଆ ନୂଆ ଆହ୍ୱାନର ସମ୍ମୁଖୀନ ହୋଇଛନ୍ତି ।
