ମୁମ୍ବାଇ ୧୯।୦୯ : ଅମ୍ବାନୀ କିଣିଲେ ‘ହାଓ୍ୱା’ ମହଲ । ‘ବୋଇଂ 737 MAX 9’ ବିମାନ କିଣିଛନ୍ତି ଦେଶର ସବୁଠାରୁ ଧନୀ ବ୍ୟକ୍ତି ମୁକେଶ ଅମ୍ବାନୀ । ଏହି ଦାମୀ ବିମାନରେ ଅନେକ ପରିବର୍ତ୍ତନ ଏବଂ ଉଡାଣ ପରୀକ୍ଷଣ ପରେ ଭାରତରେ ମୁକେଶ ଅମ୍ବାନୀଙ୍କୁ ହସ୍ତାନ୍ତର କରିଛି କମ୍ପାନୀ । ସ୍ୱିଜରଲାଣ୍ଡରୁ ବିମାନଟି ଉଡାଣ ଭରିଥିଲା । ଆଉ ଏବେ ଭାରତରେ ମୁକେଶ ଅମ୍ବାନୀଙ୍କୁ ହୋଇଛି ହସ୍ତାନ୍ତର ।
ଖବର ଅନୁଯାୟୀ, ୨୦୨୩ ଏପ୍ରିଲ୍ ୧୩ରୁ ଏହି ଜେଟ ସ୍ୱିସ୍ ସୁବିଧାରେ ଥିଲା । ଭାରତକୁ ଡେଲିଭର ହେବା ପୂର୍ବରୁ ଏହା ବେସେଲ, ଜିନେଭା ଏବଂ ଲଣ୍ଡନ ଲ୍ୟୁଟନ୍ ବିମାନବନ୍ଦର ମଧ୍ୟରେ ୬ଟି ପରୀକ୍ଷଣ ଉଡ଼ାଣ ଭରିଥିଲା । ଶେଷରେ ୨୦୨୪ ଅଗଷ୍ଟ ୨୭ରେ ବେସେଲରୁ ଦିଲ୍ଲୀକୁ ଅନ୍ତିମ ଉଡ଼ାଣ ଭରିଥିଲା । ମୋଟ ୯ ଘଣ୍ଟାରୁ ଅଧିକ ସମୟର ଏହି ଯାତ୍ରା ଥିଲା ଏବଂ ଦୂରତା ଥିଲା ୬,୨୩୪ କିମି । ବୋଇଂ 737 MAX 9 ଅଗଷ୍ଟ ୨୮ରେ ଦିଲ୍ଲୀରେ ପହଞ୍ଚିଥିଲା । ବର୍ତ୍ତମାନ ଏହି ଜେଟ୍ ଦିଲ୍ଲୀ ବିମାନବନ୍ଦରର କାର୍ଗୋ ଟର୍ମିନାଲ ନିକଟସ୍ଥ ଏକ ରକ୍ଷଣାବେକ୍ଷଣ ଆପ୍ରୋନରେ ରଖାଯାଇଛି ।
ଏକ ରିପୋର୍ଟ ଅନୁସାରେ, ଖୁବଶୀଘ୍ର ଜେଟ୍ ମୁମ୍ବାଇରେ ଥିବା ଲାଏନ୍ସର ମୁଖ୍ୟାଳୟ ଅଭିମୁଖେ ଯିବ। ଦୁନିଆର ସବୁଠାରୁ ମହଙ୍ଗା ଜେଟ୍ ମଧ୍ୟରୁ ବୋଇଂ 737 MAX 9 ଅନ୍ୟତମ । ଏହା ଦୁଇଟି CFMI LEAP-1B ଇଞ୍ଜିନ୍ ଦ୍ୱାରା ସଞ୍ଚାଳିତ। ଏହି ଜେଟ୍ ଗୋଟିଏ ଯାତ୍ରାରେ ୬,୩୫୫ ସାମୁଦ୍ରିକ ଦୂରତା ଅତିକ୍ରମ କରିପାରିବ । ଜେଟ୍ର ବେସ୍ ଦାମ୍ ରହିଛି ୧୧୮.୫ ମିଲିୟନ ଡଲାର । ହସ୍ତାନ୍ତର ପୂର୍ବରୁ ସ୍ୱିଜରଲାଣ୍ଡର ୟୁରୋ ଏୟାରପୋର୍ଟ ବେସେଲ-ମୁଲହାଉସ-ଫ୍ରିବର୍ଗ (ବିଏସଏଲ)ରେ କ୍ୟାବିନ ପରିବର୍ତ୍ତନ ସହ ଇଣ୍ଟେରିୟର ଅପଗ୍ରେଡ କରାଯାଇଥିଲା। ଏହା ବ୍ୟତୀତ ରିଲାଏନ୍ସ ଇଣ୍ଡଷ୍ଟ୍ରିଜ୍ ପାଖରେ ରହିଛି ଆହୁରି ୯ଟି ପ୍ରାଇଭେଟ୍ ଜେଟ୍ ରହିଛି।
