ଭୁବନେଶ୍ଵର: ଓଡ଼ିଆ ସିନେମା ଜଗତରେ ସିନେମା ନିର୍ମାଣକୁ ନେଇ ପ୍ରଶ୍ନ । କାହିଁକି କମୁଛି ସିନେମା । ପ୍ରତିବର୍ଷ ସିନେମା ନିର୍ମାଣର ସଂଖାରେ ହ୍ରାସ ପାଇଁ ଦାୟୀ କିଏ । କିଏ କହୁଛି ସିନେମା ନିର୍ମାଣ ହେଉଛି ହଲ୍ ନାହିଁ । ବାସ୍ତବରେ ଓଡ଼ିଆ ସିନେମା ଲୋକଙ୍କୁ ପାଖରେ କାହିଁକି ପହଞ୍ଚୁନି। 

ଓଡ଼ିଆ ସିନେମା ନିର୍ମାଣ କମୁଛି । ଯେତିକି ତିଆରି ହେଉଛି ଅଧା ସିନେମା ହଲକୁ ଆସୁନି । ଏଭଳି ଚିନ୍ତା ଏବେ ଫିଲ୍ମ ନିର୍ମାତାଙ୍କ ଠାରୁ ଆରମ୍ଭ କରି କଳକାରଙ୍କୁ ଘାରିଛି । ବାସ୍ତବରେ କେଉଁ କାରଣ ପାଇଁ ଓଡ଼ିଆ ଲୋକଙ୍କ ପାଖରେ ଓଡ଼ିଆ ଚଳଚ୍ଚିତ୍ର ପହଞ୍ଚୁନି ! ଏବେ ନଜର ପକାନ୍ତୁ  ୨୦୨୦ ରୁ ୨୦୨୫ କେତେ ଓଡ଼ିଆ ସିନେମା ନିର୍ମାଣ ହୋଇଛି ?  ୨୦୨୦ ରେ ନିର୍ମାଣ ହେଲା ୧୯ ଟି ସିନେମା । ସେଥିରୁ ମୁଁ ପରଦେଶୀ ଚଢ଼େଇ, ବାବୁ ଭାଇଜାନ୍, କୁଇନ୍, ସଲା ବୁଢ଼ାର ବଦଲା, ଅଦୃଶ୍ୟମ ଚଳଚ୍ଚିତ୍ର ରିଲିଜ ହେଲା । ବଳକା ୧୩ଟି ଚଳଚ୍ଚିତ୍ର ଟିଭି ପ୍ରିମିୟରରେ ବାଜିଲା । 

Also read: ଓ୍ଵାକଫ ବିଧେୟକ ଉପରେ ବିଜେଡିର ୟୁଟର୍ଣ୍ଣ, ପ୍ରଥମେ ବିରୋଧ, ଏବେ ସାଂସଦଙ୍କ ଉପରେ ଛାଡ଼ିଲା ନିଷ୍ପତ୍ତି

୨୦୨୧ ରେ ନିର୍ମାଣ ହେଲା ୫୧ ଟି ଚଳଚ୍ଚିତ୍ର। ସେଥିରୁ ରୋମିଓ ରାଜା, ସୁପରବଏ, ତାଣ୍ଡବ, ତୁମେ ମୋ ଶଙ୍ଖା ତୁମେ ମୋ ସିନ୍ଦୂର,ଜଙ୍ଗଲ, ଗିଟାର , ସିନ୍ଥିରୁ ସିନ୍ଦୁର ଅଳପ ଦୂର, ଚକ୍ଷୁ ବନ୍ଧନ, ମନ ମୋ ନେଇଗଲୁରେ, ହିରୋଗିରି, ଭୋକ,ଚାଲ ଟିକେ ପ୍ରେମ କରିବା ଭଳି ସିନେମା ହଲକୁ ଆସି ପାରିଥିବା ବେଳେ ବାକି ଚଳଚ୍ଚିତ୍ର ରିଲିଜ୍ ହୋଇପାରି ନଥିଲା। ୨୦୨୨ ରେ ନିର୍ମାଣ ହେଲା ୭୪ ଟି ଚଳଚ୍ଚିତ୍ର। ଯେଉଁଥିରେ ଦମନ, ମିଷ୍ଟର କହ୍ନେଇୟା ,ଆଉ ଗୋଟେ ଲଭ ଷ୍ଟୋରି ଭଳି କିଛି ସିନେମା ହଲ ପର୍ଯ୍ୟନ୍ତ ପହଞ୍ଚିଥିଲା । ବାକି ସିନେମା ହଲ ଯାଏଁ ପହଞ୍ଚି ପାରି ନଥିଲା । 

ଯାହାକୁ ନେଇ ସିନେ ସମୀକ୍ଷକଙ୍କ ଠାରୁ ଆରମ୍ଭ କରି ନିର୍ଦ୍ଦେଶକ ଏବଂ ଅଭିନେତା ସଭିଏଁ ଅନେକ ଅଭିମାନର ମତ ରଖିଛନ୍ତି । ଓଡ଼ିଆ  ସିନେମାର ଉନ୍ନତି ପାଇଁ ସାମୁହିକ ସହଯୋଗର ଆବଶ୍ୟକତା ଥିବା କହିଛନ୍ତି । ପ୍ରଯୋଜକ ଓଡ଼ିଆ ସିନେମା ନିର୍ମାଣ କରିବା ପୂର୍ବରୁ ଓଡ଼ିଆ ଜାଣିବା ଦରକାର । ବିଜନେସ ମାଇଣ୍ଡ ନେଇକି ସିନେମା ତିଆରି କଲେ ଚାଲିବନି ବୋଲି ପ୍ରଯୋଜକ କହିଛନ୍ତି । ସମୀକ୍ଷକ କହିଛନ୍ତି ହାତ ଗଣତି ହିରୋକୁ ଛାଡି ଦେଲେ ଲିଡ କ୍ୟାରେକ୍ଟର ନାହାଁନ୍ତି । ଯେଉଁଥି ପାଇଁ ସିନେମା ଚାଲୁନି। ଅନ୍ୟପଟେ ଅଭିନେତା ଅଭିନେତ୍ରୀଙ୍କ ମତ ସୁଯୋଗ ମିଳୁଛି କାମ କରୁଛୁ ।

Also read: ବକ୍ସ ଅଫିସ୍‌ର କୁଇନ୍; ଫିଲ୍ମର ଆୟ କୋଟିକୋଟି, କିନ୍ତୁ ହିରୋ ନେଇଗଲେ କ୍ରେଡିଟ୍

ସେହିପରି ୨୦୨୩ ରେ ୩୦ ରୁ ଅଧିକ ସେନିମା ରିଲିଜ୍ ହୋଇଥିଲା । କିନ୍ତୁ ସେହି ବର୍ଷ ତୋର ମୋର କଟି ,ମାମ ୱେଡ଼ସ ପାପା, ବିଭ୍ରାନ୍ତ, ବାପା ସୁପରମ୍ୟାନ, ବାଜିବଲୋ ସାହାନାଇ, ଦେଲିଭରିବୟ, ମନ ମୌସମ ଭଳି କିଛି ସିନେମା ହଲକୁ ଆସିଥିଲା । ୨୦୨୪ ରେ ୫୦ ରୁ ଅଧିକ ସିନେମା ମଧ୍ୟ ହେଲା । ହେଲେ ହଲ ଯାଏଁ କିଛି କାହାଣୀ ପହଞ୍ଚିଥିଲା । ଯେଉଁଥିରେ ଥିଲା ଡିୟର ପୁରୁଷ, ଦଶମ, ଆସିକ୍ ସରିଣ୍ଡର ହେଲା ଭଳି କାହାଣୀ ଥିଲା । ୨୦୨୫ ରେ ଓ୍ଵାଇଫ, ବଇଦ, ରଙ୍ଗସୁର, ଘମାଘୋଟ, ପାଦେ ଆକାଶ, ଆଞ୍ଜେଲ, ଅଦୃଶ୍ୟ, ଭାଇ ଭଳି କାହାଣୀ ଆସିଛି ।  

ଆଶା ଅନୁସାରେ କାହାଣୀର ମାତ୍ରା କମୁଥିବା ବେଳେ କିଛି ନିର୍ଦେଶକ କହିଛନ୍ତି ସିନେମା ହଲକୁ ନ ଆସିବାର ମୁଖ୍ୟ କାରଣ ଟିଭି ପ୍ରିମିୟର। ଟିଭି ସିରିଏଲ୍ ପରେ ଏବେ ଦର୍ଶକଙ୍କୁ ବାନ୍ଧି ରଖିବା ପାଇଁ ଟିଭି ପ୍ରିମିୟର ମୁଭି ସେମାନଙ୍କୁ ସିନେମା ହଲକୁ ବିମୁଖ କରୁଛି । ସେହିପରି  ୨୦୨୫ରେ ଆଗାମୀ ଦିନରେ ଡଷ୍ଟବିନ୍, ପ୍ରେମିକାଟିଏ,ତୋ ନୀଳ ଆଖି, ପ୍ରେମୀ ଦିୱାନା ଭଳି ଚଳଚ୍ଚିତ୍ର ଆସିବାର ଯୋଜନା ରହିଛି ।   ତେଣେ ଓଡ଼ିଆ ସିନେମା ଅଧିକରୁ ଅଧିକ ନିର୍ମାଣ କରିବା ପାଇଁ ପ୍ରଯୋଜକଙ୍କ ଚେଷ୍ଟା ସମେତ ସିନେ ସଂଗଠନ ମୌଳିକ କାହାଣୀ ପ୍ରତି ଧ୍ୟାନ ଦେବାର ଆବଶ୍ୟକ ଥିବା ସମୀକ୍ଷକ କହିଛନ୍ତି।