ବିଜେଡି ବିଧାୟକ ବଦ୍ରି ପାତ୍ରଙ୍କ ବଡ଼ ବୟାନ : କହିଲେ- ସପକ୍ଷରେ ଭୋଟ୍ ଏଥିରେ କିଛି ଖେଳ ହୋଇଛି

Published By : Prameya-News7 Bureau | April 04, 2025 IST

ଭୁବନେଶ୍ବର ୪।୪: ୱାକଫ୍ ବିଲ୍‌କୁ ବିଜେଡି ସାଂସଦଙ୍କ ସମର୍ଥନ ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି ବିଜେଡି ବଦ୍ରି ନାରାୟଣ ପାତ୍ର । ସେ କହିଛନ୍ତି, ଓ୍ବାକଫ୍ ବିଲ୍‌କୁ ବିରୋଧ କରିବାକୁ ବିଜେଡି ସଭାପତି ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ ମୁନା ଖାଁଙ୍କୁ ଦୁଇ ଥର କହିଥିଲେ । ନିଷ୍ଠାପର ଭାବେ ବିରୋଧ କରିବା ପାଇଁ କହିଥିଲେ । ଏଭଳି କେମିତି ହେଲା ତାହା ଚିନ୍ତାଜନକ । ଓ୍ବାକଫ୍ ବିଲ୍ ସପକ୍ଷରେ ଭୋଟ୍ ଯିବା ଏଥିରେ କିଛି ଖେଳ ହୋଇଛି । ସଭାପତି ନିଜେ ମଧ୍ୟ ଆଶ୍ଚର୍ଯ୍ୟ ହୋଇଛନ୍ତି । ସେ କଥା ଖୋଜା ଚାଲିଛି । ହ୍ବିପ୍ କାହିଁକି ଜାରି କରାଗଲାନି ତାହା ବର୍ତ୍ତମାନ ସନ୍ଦେହ ଘେରରେ ବୋଲି ବଦ୍ରି କହିଛନ୍ତି ।

ସୂଚନାଯୋଗ୍ୟ ଯେ, ଉଭୟ ଲୋକସଭା ଏବଂ ରାଜ୍ୟସଭାରେ ପାରିତ ହୋଇଛି ବିବାଦୀୟ ଓ୍ବାକଫ୍ ସଂଶୋଧିତ ବିଲ୍ ୨୦୨୫ । ରାଷ୍ଟ୍ରପତିଙ୍କ ମୋହର ୨୦୧୪ର ଏହି ସଂଶୋଧିତ ବିଲ୍‌କୁ ଆଇନରେ ପରିଣତ କରିବ । ଶାସକ ଦଳର ସଂଖ୍ୟା ଗରିଷ୍ଠତା ଯୋଗୁଁ ଉଭୟ ଗୃହରେ ପାରିତ ହୋଇଛି ଓ୍ବାକଫ୍ ବିଲ୍ । ରାଜ୍ୟସଭାରେ ସଂଶୋଧିତ ୱାକଫ୍ ବିଲ୍ ସପକ୍ଷରେ ଭୋଟ୍ ଦେଇଛନ୍ତି ବିଜେଡି ସାଂସଦ ସସ୍ମିତ ପାତ୍ର । ବିଲ୍‌କୁ ସମର୍ଥନ କରିଥିବା ନେଇ ନିଜେ ସସ୍ମିତ ସୂଚନା ଦେଇଛନ୍ତି । ଏହା ପୂର୍ବରୁ ବିଜେଡି ସାଂସଦ ମୁନ୍ନା ଖାଁ ୱାକଫ୍ ବିଲ୍‌କୁ ଶତ ପ୍ରତିଶତ ବିରୋଧ କରାଯିବ ବୋଲି ସ୍ପଷ୍ଟ କରିଥିଲେ ।

You Can Read:

ନେତୃତ୍ୱ ବିହୀନ ହେଲେ ନେତାଙ୍କ ଭିତରେ ସହମତି ରହେ ନାହିଁ, ଦଳ ବିଭାଜନ ଆଡକୁ ଯାଏ : ବାବୁ ସିଂ

  • odisha
  • OdishaNews
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.