ଭୁବନେଶ୍ବର ୪।୪: ଓ୍ବାକଫ୍ ବିଲ୍ ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି ପୂର୍ବତନ ପିସିସି ସଭାପତି ପ୍ରସାଦ ହରିଚନ୍ଦନ । ସେ କହିଛନ୍ତି, ବିରୋଧୀଦଳ ନେତା ଯେତେବେଳେ ସଂଖ୍ୟା ଲଘୁ ସଂପ୍ରଦାୟଙ୍କୁ ଭେଟିଥିଲେ ଏବଂ ପ୍ରତିଶ୍ରୁତି ଦେଇଥିଲେ ଯେ ଏହି ବିଧେୟକ ବିରୋଧରେ ଆମେ ସଂସଦରେ ମତ ଦେବୁ । ଏହା ଗଣମାଧ୍ୟମରେ ପ୍ରକାଶିତ ହୋଇଥିଲା । କିନ୍ତୁ ଏବେ ବିଜେଡି ଦଳ କ’ଣ କଲା ତାହା ସମସ୍ତେ ଦେଖିଲେ । ପୂର୍ବରୁ ନବୀନ ବାବୁ ଦିଲ୍ଲୀ ଗସ୍ତ କରିଥିଲେ । ସେତେବେଳେ କୁହାଗଲା ଏହା ହେଉଛି ନବୀନ ବାବୁଙ୍କ ଘରୋଇ ଗସ୍ତ । ସେତେବେଳେ ସିଏ କାହାକୁ ଭେଟିଲେ ଆମେ ଜାଣିନାହୁଁ । ପୁନର୍ବାର ପୁଣି ଦିଲ୍ଲୀ ଗସ୍ତ କରିଥିଲେ ନବୀନ ବାବୁ, କିନ୍ତୁ ସେଠାରୁ ଫେରିବା ପରେ ପଟ ପରିବର୍ତ୍ତନ ହୋଇଥିଲା ।
ଏବେ ପୁଣି ଓ୍ବାକଫ୍ ବିଲ୍କୁ ସମର୍ଥନ ଦେଇଛନ୍ତି । କୁହାଯାଉଛି ବିବେକକୁ ଦେଖି ସମର୍ଥନ ଦେଇଛି ବିଜେଡି । କିନ୍ତୁ ଆମ ପ୍ରଶ୍ନ ହେଉଛି ଆଶ୍ୱାସନା ଦେବା ବେଳେ କ’ଣ ବିବେକ ନଥିଲା । ଏ ବିବେକ ହେଉଛି ଭୟ ଓ ଭୀରୁତାର ବିବେକ । ଭୟରେ ବିଜେପିକୁ ସମର୍ଥନ ଦେଉଛି ବିଜେଡି । ଏଥିରୁ ଜଣାପଡୁଛି ବିଜେଡି ଏବଂ ବିଜେପି ଏକାଠି ଅଛନ୍ତି ।
ଆମେ ଅନୁମାନ କରୁଛୁ ଉଭୟଙ୍କ ମଧ୍ୟରେ ଷ୍ଟ୍ରଙ୍ଗ୍ ଡିଲ୍ ହୋଇଛି । ଏମିତି ହୋଇନଥିଲେ ଆଇଏଏସ୍ ସୁଜାତା ରାଉତ କାର୍ତ୍ତିକେୟନଙ୍କ ସ୍ବେଚ୍ଛାକୃତ ଅବସରକୁ ତୁରନ୍ତ ମଞ୍ଜୁରୀ ମିଳିନଥାନ୍ତା । ନିର୍ବାଚନ ପୂର୍ବରୁ ଆଇପିଏସ୍ ଡି.ଏସ୍. କୁଟ୍ଟେ ଏବଂ ଆଶିଷ ସିଂଙ୍କ ବିରୋଧରେ ସଙ୍ଗୀନ ଅଭିଯୋଗ ଆଣିଥିଲା ବିଜେପି । କିନ୍ତୁ ତାଙ୍କୁ ଡେପୁଟେସନରେ ପଠାଗଲା, କାହା ବିରୋଧରେ କୌଣସି କାର୍ଯ୍ୟାନୁଷ୍ଠାନ ନିଆଗଲାନାହିଁ ।
You Can Read:
ହାତୀ ଭୟରେ ଭୟଭୀତ ଗ୍ରାମବାସୀ, ଛାତ ଉପରେ ଶୋଇ ବଞ୍ଚାଉଛନ୍ତି ଜୀବନ
