ହାତୀ ଭୟରେ ଭୟଭୀତ ଗ୍ରାମବାସୀ, ଛାତ ଉପରେ ଶୋଇ ବଞ୍ଚାଉଛନ୍ତି ଜୀବନ

Published By : Prameya-News7 Bureau | April 04, 2025 IST

ବିନିକା ୪।୪: ଜଙ୍ଗଲୀ ହାତୀ ଜଙ୍ଗଲ ଛାଡି ଗାଁମୁହାଁ । ଘର ଭାଙ୍ଗିବା ସହ ଆସବାବପତ୍ର ନଷ୍ଟ କରୁଛି ହାତୀ l ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ରେଞ୍ଜ ଅଞ୍ଚଳରେ ଗତ କିଛି ଦିନ ଦନ୍ତା ହାତୀ ଉପଦ୍ରବ କରୁଛି ।

ସୂଚନାଯୋଗ୍ୟ ଯେ, ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ରେଞ୍ଜ ଅଞ୍ଚଳରେ ଗତ କିଛି ଦିନ ହେବ ଏକ ଦନ୍ତା ହାତୀ ବୁଲୁଛି । ଫଳରେ ସ୍ଥାନୀୟ ଲୋକେ ସନ୍ଧ୍ୟା ହେଲେ ଯିବାଆସିବା କରିବା ପାଇଁ ଭୟ କରୁଛନ୍ତି l ଗୁରୁବାର ଦନ୍ତା ହାତୀଟି ଉଲୁଣ୍ଡା ରେଞ୍ଜ ବଘାରମୁଣ୍ଡା ଗାଁରେ ଏକ ଆବାସ ଘର ଭାଙ୍ଗିବା ସହିତ ଘରେ ଥିବା ଚାଉଳ ବୋହି ନେଇଯାଇଥିବା ଦେଖିବାକୁ ମିଳିଛି l ହାତୀ ଭୟରେ ଗ୍ରାମବାସୀ ମାନେ ଘର ଭିତରେ ନଶୋଇ ଛାତ ଉପରେ ଶୋଇ ରହୁଛନ୍ତି । ଫଳରେ ହାତୀ ଆସି ଘର ଭାଙ୍ଗିବାରୁ ଅଳ୍ପକେ ବର୍ତ୍ତିଯାଇଛନ୍ତି ପରିବାର ଲୋକେ l ବନ ବିଭାଗ କର୍ମଚାରୀ ମାନେ ରାସ୍ତା ଉପରେ ରହି ହାତୀର ଗତିପଥ ଉପରେ ନଜର ରଖିଛନ୍ତି । ଜଙ୍ଗଲ ଭିତରେ ଦନ୍ତା ହାତୀଟି କୁଆଡେ଼ ଯାଉଛି ତାହା ଜାଣିପାରୁନାହାନ୍ତି ବୋଲି ଅଭିଯୋଗ କରିଛନ୍ତି l 


You Can Read:

ବିଜେଡି ବିଧାୟକ ବଦ୍ରି ପାତ୍ରଙ୍କ ବଡ଼ ବୟାନ : କହିଲେ- ସପକ୍ଷରେ ଭୋଟ୍ ଏଥିରେ କିଛି ଖେଳ ହୋଇଛି

 

 

  • odisha
  • OdishaNews
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.