ବିନିକା ୧୯/୧: ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଥାନା ସୁନାପାଲି ଛକରେ ଜଳଛତ୍ର ପ୍ରକଳ୍ପ କର୍ମଚାରୀଙ୍କ ଠାରୁ ଲୁଟ୍ । ଛୁରା ମାଡ କରି ଲୁଟିନେଲେ ପର୍ସ ସହ ଅଫିସ କାଗଜପତ୍ର ବ୍ୟାଗ । ଥାନାରେ ଅଭିଯୋଗ ପରେ ପୋଲିସର ଛାନ୍ଭିନ୍ । ରବିବାର ଜଳଛାୟା ଓ ମୃତ୍ତିକା ସଂରକ୍ଷଣ ବିଭାଗର କର୍ମଚାରୀ କୁବେର କର୍ମୀ ଉଲୁଣ୍ଡା ବ୍ଲକର ବିଭିନ୍ନ ଗାଁକୁ ତଦାରଖ ପାଇଁ ଯାଇଥିଲେ।
ସେ କୋଟସମଲାଇରୁ ସୁନାପାଲିକୁ ଗଲାବେଳେ ସୁନାପାଲି ଛକରେ କିଛି ଦୁର୍ବୃତ୍ତ କୁବେରଙ୍କ ଗାଡି ଅଟକାଇ ଅତର୍କିତ ଆକ୍ରମଣ କରିଥିଲେ । ଛୁରି ଦେଖାଇ ଯାହା ରଖିଛୁ ଦେ କହିବାରୁ ଭୟରେ ମନିପର୍ସକୁ ବଢାଇ ଦେଇଥିଲେ କୁବେର । ତା ସହ ସେ ଧରିଥିବା ବ୍ୟାଗକୁ ସହ ବାଇକକୁ ଧରି ଫେରାର ହୋଇଯାଇଥିଲେ ଲୁଟେରା ।
ପର୍ସରେ ପ୍ରାୟ ୨୦ ହଜାର ଟଙ୍କା ଥିବାବେଶେ ଅଫିସ କାଗଜପତ୍ର ମଧ୍ୟ ଥିଲା । କୁବେରଙ୍କୁ ସେମାନେ ବାରମ୍ବାର ଆକ୍ରମଣ କରିଥିଲେ ମଧ୍ୟ ହେଲମେଟ ଓ ଜ୍ୟାକେଟ ଯୋଗୁ ସେ ବର୍ତ୍ତି ଯାଇଥିବା କହିଛନ୍ତି । ଏନେଇ ବୀରମହାରାଜପୁର ଥାନାରେ ଲିଖିତ ଅଭିଯୋଗ ପରେ ଲୁଟେରାଙ୍କୁ ଧରିବାକୁ ଛାନ୍ଭିନ୍ କରିଛି ପୋଲିସ ।
