ଭୁବନେଶ୍ବର ୫।୪: ଓ୍ବାକଫ୍ ବିଲ୍କୁ ନେଇ ବିଜେଡି ଦୁଇ ଭାଗ ହେବା ପରେ ସାଂସଦ ସସ୍ମିତ ପାତ୍ରଙ୍କ ଉପରେ ବର୍ଷିଲେ ବିଜେଡି ବିଧାୟକ ଗଣେଶ୍ୱର ବେହେରା । ସଂସଦରେ ଯାହା ଘଟିଲା ଏଥିପାଇଁ ସସ୍ମିତ ଦାୟୀ ବୋଲି ଗଣେଶ୍ବର କହିଛନ୍ତି । ବିଜେଡି ସ୍ୱାର୍ଥ ବିରୋଧରେ ବିନା ଅଧିକାରରେ ଏକ ତରଫା ଭାବେ କାମ କରିଛନ୍ତି ସସ୍ମିତ । ସସ୍ମିତଙ୍କ କ୍ଷମା ପ୍ରାର୍ଥନା ଦାବି କଲେ ଗଣେଶ୍ୱର । ଶୁକ୍ରବାରର ଘଟଣା ବିଜେଡି ପାଇଁ ଅପ୍ରୀତିକର ପରିସ୍ଥିତି ସୃଷ୍ଟି କରିଛି । ନିଜେ ସସ୍ମିତ ପାତ୍ର କହିଥିଲେ ଆମେ ଓ୍ବାକଫ୍ ବିଲ୍କୁ ବିରୋଧ କରିବୁ । ୪୮ ଘଣ୍ଟା ନ ପୁରୁଣୁ ବିବେକ ଆଧାର କେମିତି ହୋଇଗଲା । ଆମର ସନ୍ଦେହ ଏହା ତାଙ୍କର ବ୍ୟକ୍ତିଗତ ନିଷ୍ପତ୍ତି । ନବୀନ ବାବୁ ଓ୍ବାକଫ୍ ବିଲ୍ ବିରୋଧରେ ବୋଲି ସସ୍ମିତ ନିଜେ କହିଥିଲେ । ପରେ କେଉଁଠି ବି ନବୀନ ବାବୁ ବିବେକ ଆଧାରରେ ଭୋଟ୍ ଦେବା ପାଇଁ କହି ନାହାନ୍ତି । ସସ୍ମିତଙ୍କ ନିଷ୍ପତ୍ତି ଦଳୀୟ ଶୃଙ୍ଖଳାର ଅବମାନନା । ସସ୍ମିତ ଏବେ ଉତ୍ତରଦାୟୀ । ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଦଳ ବରିଷ୍ଠ ନେତା ଯେଉଁ ଦାବି କରିଛନ୍ତି ତାହାର ଯଥାର୍ଥତା ଅଛି । ବିଜେଡି ସଂସଦୀୟ ଦଳର ନେତା ନିଜେ ନବୀନ । ସସ୍ମିତ କେବଳ ରାଜ୍ୟସଭା ସଂସଦୀୟ ନେତା । ସସ୍ମିତ ଅଧିକାର ବହିର୍ଭୂତ କାମ କରିଛନ୍ତି । ଭୁଲ୍ କରିଛନ୍ତି । ତାଙ୍କ ଯୋଗୁଁ କର୍ମୀ ଭାଙ୍ଗି ପଡିଛନ୍ତି । ସଭାପତିଙ୍କୁ ଅବଗତ କରାଯାଇଛି । ମୋର ବିଶ୍ୱାସ ସେ ଆବଶ୍ୟକ ପଦକ୍ଷେପ ନେବେ ବୋଲି ଗଣେଶ୍ୱର କହିଛନ୍ତି ।
You Can Read:
ଦ୍ଵନ୍ଦ୍ବ ଦୂର କଲେ ଗଣଶିକ୍ଷା ମନ୍ତ୍ରୀ, କହିଲେ- ଏବେ ଉଭୟ ଅଙ୍ଗନବାଡ଼ି ଓ ଶିଶୁ ବାଟିକ ଚାଲିବ
