ଭୁବନେଶ୍ବର ୫।୪: ମହାକାଳପଡ଼ା ଅନାସ୍ଥା ପ୍ରସ୍ତାବ ଉପରେ ମୁହଁ ଖୋଲିଲେ ବିଜେଡି ନେତା ଅତନୁ ସବ୍ୟସାଚୀ । ଅତନୁଙ୍କ ଅଭିଯୋଗ ଏ ହେଉଛି ପ୍ରଶାସନର ପ୍ରାୟୋଜିତ ଅନାସ୍ଥା ପ୍ରସ୍ତାବ । ହାରିବା ଜାଣି ଆଜି ତାରିଖକୁ ବାତିଲ କରାଯାଇଛି । ମହାକାଳପଡା ବ୍ଲକ ଅଧ୍ୟକ୍ଷଙ୍କ ବିରୋଧରେ ଅନାସ୍ଥା ପ୍ରସ୍ତାବ ପ୍ରସଙ୍ଗରେ ଏମିତି ଅଭିଯୋଗ ଆଣିଛନ୍ତି ବରିଷ୍ଠ ବିଜେଡି ନେତା ଅତନୁ ସବ୍ୟସାଚୀ ନାୟକ । ସ୍ଥାନୀୟ ବିଧାୟକଙ୍କ ଅନୁସାରେ କାମ କରୁନଥିବାରୁ ବ୍ଲକ ଅଧ୍ୟକ୍ଷଙ୍କ ବିରୋଧରେ ଅନାସ୍ଥା ପ୍ରସ୍ତାବ ଅଣାଯାଇଥିଲା । ନିଶ୍ଚିତ ପରାଜୟ ଜାଣି ପାରିଲେ । ସେଥିପାଇଁ ହଠାତ୍ ୯ ଜଣ ସଦସ୍ୟଙ୍କ ଦେହ ଖରାପ କଥା କହି ଆଜିର ଅନାସ୍ଥା ତାରିଖକୁ ବାତିଲ କରି ଦିଆଯାଇଛି । ପଞ୍ଚାୟତିରାଜ ବ୍ୟବସ୍ଥା ସବୁ ବିଧି ବ୍ୟବସ୍ଥାକୁ ଜଳାଞ୍ଜଳି ଦିଆଯାଇଛି । ଆଗାମୀ ଦିନରେ ଏହାର ଜୋରଦାର୍ ପ୍ରତିବାଦ କରିବ ବିଜେଡି ।
You Can Read:
