ମୁମ୍ବାଇ ୦୫ /୦୪ : ସାଉଥ୍ ସୁନ୍ଦରୀ ରଶ୍ମିକା ମନ୍ଦାନା। ବଲିଉଡ୍ ଠୁ ନେଇ ଟଲିଉଡ୍ ପର୍ଯ୍ୟନ୍ତ ସବୁଠି ଶ୍ରୀବଲ୍ଲୀଙ୍କ ଦବଦବା। ଦେଇଛନ୍ତି ଅନେକ ହିଟ୍ ଫିଲ୍ମ। ତାଙ୍କ ଫ୍ୟାନ୍ ଫଲୋଇଙ୍ଗ୍ ବି ବଢ଼ିବାରେ ଲାଗିଛି। ଏପ୍ରିଲ ୫ ଅର୍ଥାତ୍ ଆଜି ତାଙ୍କର ଜନ୍ମଦିନ। ସେ ୨୯ ବର୍ଷରେ ପାଦ ଥାପିଛନ୍ତି। ଜନ୍ମ ଦିନରେ ତାଙ୍କୁ ଫ୍ୟାନ୍ସ ଜଣାଇଛନ୍ତି ଶୁଭେଚ୍ଛା। 

ନିକଟରେ ରିଲିଜ୍ ହୋଇଥିବା ସଲମାନ ଖାନଙ୍କ ଫିଲ୍ମ 'ସିକନ୍ଦର'ରେ ସେ ନଜର ଆସିଛନ୍ତି। ଏହାପୂର୍ବରୁ ତାଙ୍କୁ ବିକି କୌଶଲଙ୍କ ସହ 'ଛଭା'ରେ, ଆଲୁ ଅର୍ଜୁନଙ୍କ ସହ' ପୁଷ୍ପା-୨ 'ଏବଂ ରଣବୀର କପୁରଙ୍କ ସହ ଫିଲ୍ମ ‘ଆନିମଲ୍’ରେ ଦେଖିବାକୁ ମିଳିଥିଲା। ରଶ୍ମିକା  ଅନେକ ବଡ଼ ବଡ଼ ଫିଲ୍ମରେ କାମ କରିବାର ସୁଯୋଗ ପାଇଛନ୍ତି। ସେଥିପାଇଁ ସେ ସବୁବେଳେ ଲାଇମଲାଇଟରେ ରୁହନ୍ତି। ତେବେ ତାଙ୍କର ଲୋକପ୍ରିୟତା ଦିନକୁ ଦିନ ବଢ଼ିବା ସହ ତାଙ୍କର ସମ୍ପତ୍ତି ତାଲିକା ବି ବଢ଼ୁଛି। ରଶ୍ମିକା ମନ୍ଦାନା କମ୍ ବୟସରେ କୋଟି କୋଟି ଟଙ୍କା ସମ୍ପତ୍ତିର ମାଲିକାଣୀ। ଜନ୍ମଦିନରେ, ଚାଲନ୍ତୁ ଜାଣିବା ତାଙ୍କ ସମ୍ପତ୍ତି ବିଷୟରେ। 

ଫୋର୍ବସ୍ ରିପୋର୍ଟ ଅନୁଯାୟୀ, ରଶ୍ମିକା ମନ୍ଦାନା ୬୬ କୋଟି ମୂଲ୍ୟ ସମ୍ପତ୍ତିର ମାଲିକ । ବେଙ୍ଗାଲୁରରେ 8କୋଟି ଟଙ୍କା ମୂଲ୍ୟର ବିଳାସପୂର୍ଣ୍ଣ ବଙ୍ଗଳା।  ମୁମ୍ବାଇ, ଗୋଆ, ଗର୍ଗ ଏବଂ ହାଇଦ୍ରାବାଦରେ ବି ସମ୍ପତ୍ତି ରହିଛି। ଏହା ସହ ତାଙ୍କ ପାଖରେ ରହିଛି ଜବରଦସ୍ତ କାର୍ କଲେକ୍ସନ। ଅଡିQ3, ରେଞ୍ଜ୍ ରୋଭର ସ୍ପୋର୍ଟ୍, ମର୍ସିଡିଜ୍ ବେଞ୍ଜ୍ ସି କ୍ଲାସ୍, ଟୋୟୋଟା ଇନୋବା, ହ୍ୟୁଣ୍ଡାଇ କ୍ରେଟା। 

ତାଙ୍କ ସଫଳତାରେ ଅଲୁ ଅର୍ଜୁନଙ୍କ ଅଭିନୀତ 'ପୁଷ୍ପା-୨' ଏକ ପ୍ରମୁଖ ଭୂମିକା ଗ୍ରହଣ କରିଛି। ରିପୋର୍ଟ ଅନୁଯାୟୀ, ରଶ୍ମିକା ଏହି ଚଳଚ୍ଚିତ୍ର ପାଇଁ ୧୦ କୋଟି ନେଇଥିଲେ। ଏହା ବ୍ୟତୀତ ରଶ୍ମିକା ସାଧାରଣତଃ ଗୋଟିଏ ଚଳଚ୍ଚିତ୍ର ପାଇଁ ୪ କୋଟି ଟଙ୍କା ନିଅନ୍ତି।  ଚଳଚ୍ଚିତ୍ର ବ୍ୟତୀତ ରଶ୍ମିକା ବ୍ରାଣ୍ଡ୍ ଏଣ୍ଡୋର୍ସମେଣ୍ଟ ଏବଂ ବିଜ୍ଞାପନରୁ ଭଲ ଆୟ କରନ୍ତି। ସେ ବୋଟ୍, କଲ୍ୟାଣ ଜୁଏଲର୍ସ, 7UP ଏବଂ Meesho ଭଳି ବ୍ରାଣ୍ଡ ସହିତ ଜଡିତ। ସେ ପ୍ଲମ୍ ଭଳି ବ୍ରାଣ୍ଡରେ ବିନିଯୋଗ ମଧ୍ୟ କରିଛନ୍ତି ।

ରଶ୍ମିକା ନିଜ ଅଭିନୟ କରିୟର  କର୍ଣ୍ଣାଟକ ବିୟୁଟି ପିଜାଣ୍ଟରୁ ଆରମ୍ଭ କରିଥିଲେ। ୨୦୧୬ରେ 'କିରିକ୍ 'ପାର୍ଟି ଜରିଆରେ ସେ ଫିଲ୍ମ ଦୁନିଆରେ ଏଣ୍ଟ୍ରି କରିଥିଲେ। ତାଙ୍କ ଡେବ୍ୟୁ ଫିଲ୍ମ ବ୍ଲକ୍ ବ୍ଲଷ୍ଟର ସାବ୍ୟସ୍ତ ହୋଇଥିଲା। କନ୍ନଡ ଫିଲ୍ମ ସହ ସେ ତେଲୁଗୁ ଓ ତାମିଲ୍ ଫିଲ୍ମ ଇଣ୍ଡଷ୍ଟ୍ରିକୁ ଦେଇଛନ୍ତି ଅନେକ ହିଟ୍ସ। ଏବେ ପର୍ଯ୍ୟନ୍ତ ତାଙ୍କ କରିୟରରେ ଫିଲ୍ମ 'ପୁଷ୍ପା'  ଏକ ମାଇଲଖୁଣ୍ଟ କହିଲେ ଭୁଲ ହେବନିି।