ରାଷ୍ଟ୍ରୀୟ ମର୍ଯ୍ୟାଦା ସହକାରେ ମନୋଜ କୁମାରଙ୍କ ଶେଷକୃତ, ଶ୍ରଦ୍ଧାଞ୍ଜଳୀ ଦେଲେ ବନ୍ଧୁ ଓ ପରିଜନ

Published By : Prameya-News7 Bureau | April 05, 2025 IST

ମୁମ୍ୱାଇ ୦୫/୦୪: ବଲିଉଡର ଭେଟେରାନ ଅଭିନେତା ମନୋଜ କୁମାରଙ୍କ ଶେଷକୃତ୍ୟ ସରିଛି । ମୁମ୍ବାଇରେ ପଓ୍ୱନ ହଂସ ଭିଲେ ପାର୍ଲେରେ ତାଙ୍କର ଅନ୍ତ୍ୟେଷ୍ଟି ହୋଇଛି । ମନୋଜ କୁମାରଙ୍କ ପୁଅ ତାଙ୍କୁ ମୁଖାଗ୍ନୀ ଦେଇଛନ୍ତି । ଏହାର ଠିକ୍ ପୂର୍ବରୁ ତାଙ୍କ ମରଶରୀର ଉପରେ ଜାତୀୟ ପତାକା ଘୋଡାଯିବା ସହ ୨୧ ତୋପ ସଲାମୀ ଦିଆଯାଇଥିଲା । 

ଏହି ଅବସରରେ ତାଙ୍କ ପରିବାର ସଦସ୍ୟ ସେଠାରେ ଉପସ୍ଥିତ ଥିଲେ । କିଛି ପରିବାର ସଦସ୍ୟ ବିଦେଶରେ ରହୁଥିବାରୁ ଆଜି ସେମାନେ ପହଞ୍ଚି ତାଙ୍କର ଶେଷ ଦର୍ଶନ କରିଥିଲେ । ଖାଲି ପରିବାର ନୁହେଁ ବଲିଉଡ୍‌ର କିଛି ବନ୍ଧୁ ସେଠାରେ ଉପସ୍ଥିତ ହୋଇଥିଲେ ସେଠାରେ । ଶନିବାର ସକାଳେ ମନୋଜ କୁମାରଙ୍କ ମୃତଦେହକୁ କୋକିଲାବେନ୍ ହସ୍ପିଟାଲରୁ ତାଙ୍କ ଜୁହୁସ୍ଥିତ ଘରକୁ ନିଆଯାଇଥିଲା। 

ସୂଚନା ଥାଉକି, ଶୁକ୍ରବାର ୪ ଏପ୍ରିଲରେ  ମନୋଜ କୁମାରଙ୍କର ଦେହାନ୍ତ ହୋଇଥିଲା। ସେ ୮୭ ବର୍ଷ ବୟସରେ ମୁମ୍ବାଇର କୋକିଲାବେନ ଧୀରୁବାଇ ଅମ୍ବାନୀ ହସ୍ପିଟାଲରେ ଶେଷ ନିଶ୍ୱାସ ତ୍ୟାଗ କରିଥିଲେ। ମନୋଜ କୁମାର ଦୀର୍ଘ ଦିନ ଧରି ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟାରେ ପୀଡିତ ଥିଲେ। ଅଭିନେତାଙ୍କ ମୃତ୍ୟୁରେ ପ୍ରଶଂସକ ଏବଂ ସେଲିବ୍ରିଟିମାନେ ଶୋକ ପ୍ରକାଶ କରୁଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କଠାରୁ ଆରମ୍ଭ କରି ଶାହରୁଖ ଖାନଙ୍କ ପର୍ଯ୍ୟନ୍ତ ସମସ୍ତେ ମନୋଜ କୁମାରଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି।

ଦେଶପ୍ରେମପୂର୍ଣ୍ଣ ଚଳଚ୍ଚିତ୍ର ନିର୍ମାଣ ପାଇଁ ଜଣାଶୁଣା ଥିଲେ । ସେଥିପାଇଁ ତାଙ୍କୁ ଭାରତ କୁମାର ମଧ୍ୟ କୁହାଯାଉଥିଲା। ମନୋଜ କୁମାରଙ୍କର କ୍ୟାରିଅର ଏତେ ଉଜ୍ଜ୍ୱଳ ଥିଲା କି, ତାଙ୍କୁ ଅନେକ ପ୍ରତିଷ୍ଠିତ ପୁରସ୍କାରରେ ସମ୍ମାନୀତ କରାଯାଇଥିଲା । 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.