'ସିକନ୍ଦର'ଙ୍କ ଭାଗ୍ୟରେ କ’ଣ ଲେଖାଅଛି? ସଲମାନଙ୍କ ଷ୍ଟାରଡମ୍ ବି ଦେଲା ଧୋକା, ଷଷ୍ଠ ଦିନରେ ରୋଜଗାର ଧିମା

Published By : Prameya-News7 Bureau | April 05, 2025 IST

ମୁମ୍ବାଇ 04/05 : ଗୋଟେ ସମୟ ଥିଲା ଯେତେବେଳେ ସଲମାନ୍ ଖାନଙ୍କ ଚଳଚ୍ଚିତ୍ର ତାଙ୍କ ଷ୍ଟାରଡମ ଆଧାରରେ ଚାଲୁଥିଲା। ଫିଲ୍ମ ଭଲ  ହେଉକି ଖରାପ ସଲାମାନଙ୍କ ଫିଲ୍ମ ମାନେ ଦେଖିବା ଥୟ। କିନ୍ତୁ ବର୍ତ୍ତମାନ ସମୟ ବଦଳିଛି ଏବଂ ଲୋକଙ୍କ ଚିନ୍ତାଧାରା ମଧ୍ୟ ବଦଳିଛି । ଆଉ ଷ୍ଟାରଡମ୍ ଚଳୁନି।  ବର୍ତ୍ତମାନ ଦର୍ଶକ ଚାହୁଁଛନ୍ତି ଫିଲ୍ମର କାହାଣୀଠୁ ନେଇ ଆକ୍ସନ୍ ଦୃଶ୍ୟ ଏବଂ ଗୀତ ସବୁ କିଛି ଭଲ ହେଉ।  କିନ୍ତୁ ସଲମାନ ଖାନଙ୍କ 'ସିକନ୍ଦର'ରେ ଦର୍ଶକ ତାହା ଦେଖିବାକୁ ପାଇ ନଥିଲେ। ସେଥିପାଇଁ ରୋଜଗାର ଧିମା।

ବଲିଉଡ୍ ଭାଇଜାନଙ୍କର ଏପର୍ଯ୍ୟନ୍ତ 19ଟି ଚଳଚ୍ଚିତ୍ର ରିଲିଜ୍ ହୋଇଛି। ଯାହା 100କୋଟି କ୍ଲବରେ ସାମିଲ୍ ହୋଇଛି। କିନ୍ତୁ ଏବେ କଥା 100 କୋଟିର ନୁହେଁ 1000  କୋଟିରେ ପହଞ୍ଚିଲାଣି। ଶାହାରୁଖ ଖାନ ଏବଂ ଆମୀର ଖାନ୍ 1000 କୋଟି କ୍ଲବରେ ସାମିଲ୍ ହେବା ପରେ ସଲମାନଙ୍କ ଏଣ୍ଟ୍ରିକୁ ଥିଲା ଅପେକ୍ଷା।  ଫିଲ୍ମ 'ସିକନ୍ଦର'ରୁ ଆଶା କରାଯାଉଥିଲା ଯେ ଏହି ଚଳଚ୍ଚିତ୍ର ତାଙ୍କ ସ୍ୱପ୍ନକୁ ପୂରଣ କରିବ। କିନ୍ତୁ ଏହା ଘଟିଲା ନଥିଲା। ।  'ସିକନ୍ଦର'ର ଷଷ୍ଠ ଦିନର ରୋଜଗାରରୁ ଯାହା ଜଣା ପଡ଼ିଛି ଏହା ଦର୍ଶକଙ୍କୁ ସମ୍ପୂର୍ଣ୍ଣ ନିରାଶ କରିଛି। ଏକ ରିପୋର୍ଟ ଅନୁଯାୟୀ ସଲମାନ ଏବଂ ରଶ୍ମିକା ମନ୍ଦାନାଙ୍କ ଫିଲ୍ମ 'ସିକନ୍ଦର' ରିଲିଜ ହେବାର ଷଷ୍ଠ ଦିନରେ ମାତ୍ର 3.75 କୋଟି ଟଙ୍କା କଲେକ୍ସନ କରିଛି। ଆଜି ପର୍ଯ୍ୟନ୍ତ 'ସିକନ୍ଦର'ର ଏହା ସବୁଠୁ ସର୍ବନିମ୍ନ ରୋଜଗାର।  ଏହି ଚଳଚ୍ଚିତ୍ର ଭାରତରେ ଏପର୍ଯ୍ୟନ୍ତ ମୋଟ 94 କୋଟି ଟଙ୍କା ଆୟ କରିଛି।

ଏଆର୍ ମୁରୁଗାଦାସ୍ ନିର୍ଦ୍ଦେଶିତ 'ସିକନ୍ଦରର୍' ସାରା ବିଶ୍ୱରେ 150 କୋଟି ଟଙ୍କା ଅତିକ୍ରମ କରିଛି। ଚଳଚ୍ଚିତ୍ରର ରୋଜଗାର ଦିନକୁ ଦିନ କମିବାରେ ଲାଗିଛି।  ଯାହାକୁ ଦେଖି ଏହା କହିବା ଭୁଲ୍ ହବନି ଯେ,ଏହି ଫିଲ୍ମ 1000 କୋଟି ତ କଣ 500 କୋଟି ପର୍ଯ୍ୟନ୍ତ ବି ପହଞ୍ଚିବା ମୁସ୍କିଲ୍।ସଲମାନଙ୍କ ପ୍ରଶଂସକମାନେ ତାଙ୍କୁ ଅନୁରୋଧ କରିଛନ୍ତି ଯେ, ଫିଲ୍ମ ସାଇନ୍ କରିବା ପୂର୍ବରୁ ଭଲ ଭାବରେ ଚିନ୍ତା କରିବାର ଆବଶ୍ୟକ । ଆଉ ସଲମାନ୍ ତାଙ୍କ ଅଭିନୟ କ୍ୟାରିୟର କୁ ନେଇ ଟିକିଏ ସିରିଅସ୍  ହୁଅନ୍ତୁ ।  ବର୍ତ୍ତମାନ ସଲମାନ ବଜରଙ୍ଗୀ ଭାଇଜାନ୍ ଏବଂ ସୁଲତାନ ପରି ଅଧିକ ଚଳଚ୍ଚିତ୍ର କରିବା ଉଚିତ୍। ଏସବୁ ଦେଖିଲେ ଲାଗେ ପ୍ରଶଂସକମାନେ ଭାଇଜାନଙ୍କ କ୍ୟାରିୟର ପାଇଁ ବହୁତ ଚିନ୍ତିତ ।  ବର୍ତ୍ତମାନ ସଲମାନ ତାଙ୍କର ପରବର୍ତ୍ତୀ ଚଳଚ୍ଚିତ୍ର ସାଇନ୍ କରିବା ପୂର୍ବରୁ ଭଲ ଭାବରେ ଚିନ୍ତା କରିବା ଉଚିତ୍ । ତାଙ୍କ ପ୍ରଶଂସକଙ୍କ ପରାମର୍ଶକୁ ମଧ୍ୟ ବିଚାର କରିବା ଉଚିତ୍।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.