ନୂଆଦିଲ୍ଲୀ ୩୦/୦୪: ପହଲଗାମ ହମଲା ଭାରତ ଓ ପାକିସ୍ତାନ ମଧ୍ୟରେ ଉତ୍ତେଜନା ଥମିବାର ନା ନେଉନି । ପ୍ରଧାନମନ୍ତ୍ରୀ ମୋଦୀ ମଙ୍ଗଳବାର ତିନି ସେନାର ମୁଖ୍ୟଙ୍କ ସହ ଏକ ବୈଠକ କରିଥିଲେ । ତେବେ ବୈଠକର ସିଧାସଳଖ ପ୍ରଭାବ ଦେଖିବାକୁ ମିଳିଛି ପାକିସ୍ତାନରେ । ଭୟରେ ରାତିସାରା ଅନିଦ୍ରା ପାକିସ୍ତାନ ।
ବିଳମ୍ୱିତ ରାତି ଅର୍ଥାତ୍ ୧.୩୦ରେ ବସିଥିଲା ଗୁରୁତ୍ୱପୂର୍ଣ୍ଣ ବୈଠକ । ଏହି ବୈଠକରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି । ତେବେ ବୈଠକ ପରେ ପାକ୍ର ସୂଚନା ମନ୍ତ୍ରୀ ଆତାଉଲ୍ଲାହ ତାରାର ବୁଧବାର ଦିନ X ରେ ଏକ ବିବୃତ୍ତି ଜାରି କରିଛନ୍ତି । ସେ କହିଛନ୍ତି ଦାବି କରିଛନ୍ତି ଯେ ଆମ ପାଖରେ ବିଶ୍ୱସ୍ତ ଗୁଇନ୍ଦା ସୂଚନା ଅଛି ଯେ ଭାରତ ଆଗାମୀ ୨୪-୩୬ ଘଣ୍ଟା ମଧ୍ୟରେ ପାକିସ୍ତାନ ବିରୋଧରେ ସାମରିକ କାର୍ଯ୍ୟାନୁଷ୍ଠାନ ନେଇପାରେ।
Pakistan has credible intelligence that India intends carrying out military action against Pakistan in the next 24-36 hours on the pretext of baseless and concocted allegations of involvement in the Pahalgam incident.
— Attaullah Tarar (@TararAttaullah) April 29, 2025
Indian self assumed hubristic role of Judge, Jury and… pic.twitter.com/WVW6yhxTJ0
ସୂଚନା ମନ୍ତ୍ରୀ ତାରାର ଭାରତ ଉପରେ ଦୋଷ ଲଦିଛନ୍ତି । ସେ କହିଛନ୍ତି ଯେ କୌଣସି ନିରପେକ୍ଷ ତଦନ୍ତ ପରିବର୍ତ୍ତେ, ଭାରତ ସିଧାସଳଖ ସାମରିକ ପଥ ଗ୍ରହଣ କରିବାକୁ ପ୍ରସ୍ତୁତ ହୋଇଛି । ଯାହା ଆଞ୍ଚଳିକ ଶାନ୍ତି ପାଇଁ ଘାତକ ସାବ୍ୟସ୍ତ ହୋଇପାରେ। ତାରାରଙ୍କ ଅନୁଯାୟୀ, ପାକିସ୍ତାନ ସରକାର ଅନ୍ତର୍ଜାତୀୟ ବିଶେଷଜ୍ଞଙ୍କ ସହାୟତାରେ ଏହି ମାମଲାରେ ଏକ ନିରପେକ୍ଷ, ସ୍ୱାଧୀନ ତଦନ୍ତ ପ୍ରସ୍ତାବ ଦେଇଛନ୍ତି । ତଥାପି, ଭାରତ ଏହାକୁ ଗ୍ରହଣ କରିନାହିଁ । ମୁକାବିଲାର ରାସ୍ତା ବାଛିଛି।
ପାକିସ୍ତାନର ପ୍ରତିରକ୍ଷା ମନ୍ତ୍ରୀ ଖ୍ୱାଜା ମହମ୍ମଦ ଆସିଫ ମଧ୍ୟ ରଏଟର୍ସକୁ କହିଛନ୍ତି ଯେ ଆମେ ହାଇ ଆଲର୍ଟରେ ଅଛୁ । ଯଦି ଭାରତ ଆକ୍ରମଣ କରେ, ତେବେ ଆମେ ଜବାବ ଦେବୁ। ସେ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ଦେଶର ଅସ୍ତିତ୍ୱ ପ୍ରତି ସିଧାସଳଖ ବିପଦ ଥିଲେ ହିଁ ପରମାଣୁ ଅସ୍ତ୍ର ବ୍ୟବହାର କରାଯିବ।
