କଲମ୍ୱୋ ୦୫/୦୪: ଶ୍ରୀଲଙ୍କା ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଏହି ଅବସରରେ ତାଙ୍କୁ ଶ୍ରୀଲଙ୍କାର ସର୍ବୋଚ୍ଚ ନାଗରିକ ସମ୍ମାନ ଅର୍ଥାତ୍ ମିତ୍ର ବିଭୂଷଣ ସମ୍ମାନରେ ସମ୍ମାନୀତ କରାଯାଇଛି । ଶ୍ରୀଲଙ୍କା ରାଷ୍ଟ୍ରପତି ଅନୁରା କୁମାର ଦିସାନାୟକେ ମୋଦୀଙ୍କୁ ଏହି ସମ୍ମାନ ପ୍ରଦାନ କରିଥିଲେ ।
ଏହି ଅବସରରେ ପ୍ରଧାନମନ୍ତ୍ରୀ ମୋଦୀ ତାଙ୍କ ଭାଷଣରେ ଶ୍ରୀଲଙ୍କା ଏବଂ ଭାରତ ମଧ୍ୟରେ ସମ୍ପର୍କର ଗଭୀରତା ବିଷୟରେ କହିଥିଲେ । ସେ କହିଥିଲେ ଯେ ଶ୍ରୀଲଙ୍କା କେବଳ ଏକ ପଡ଼ୋଶୀ ଦେଶ ନୁହେଁ ବରଂ ଭାରତର ବିଶ୍ୱସ୍ତ ବନ୍ଧୁ ମଧ୍ୟ। ସେ କହିଥିଲେ ଯେ ଭାରତ ପ୍ରତ୍ୟେକ କଷ୍ଟକର ସମୟରେ ଶ୍ରୀଲଙ୍କା ସହିତ ଛିଡା ହୋଇଛି । ଭବିଷ୍ୟତରେ ମଧ୍ୟ ଜାରି ରଖିବ।
ଦ୍ୱିପାକ୍ଷିକ ସମ୍ପର୍କକୁ ସୁଦୃଢ଼ କରିବା ଓ ଦୁଇ ଦେଶର ସହଭାଗୀ ସାଂସ୍କୃତିକ ଆଧ୍ୟାତ୍ମିକ ଐତିହ୍ୟର ପ୍ରଚାର ପାଇଁ ପ୍ରଧାନମନ୍ତ୍ରୀଙ୍କ ଅସାଧାରଣ ପ୍ରୟାସକୁ ସ୍ୱୀକୃତି ସ୍ୱରୂପ ଶ୍ରୀଲଙ୍କା ସରକାର ତାଙ୍କୁ ମିତ୍ର ବିଭୂଷଣ ପଦକ ପ୍ରଦାନ କରିଛନ୍ତି । ଏହା ପ୍ରଧାନମନ୍ତ୍ରୀ ମୋଦିଙ୍କୁ କୌଣସି ବିଦେଶୀ ରାଷ୍ଟ୍ର ଦ୍ୱାରା ଦିଆଯାଇଥିବା ୨୨ ତମ ଆନ୍ତର୍ଜାତୀୟ ପୁରସ୍କାର।
ପ୍ରଧାନମନ୍ତ୍ରୀ ମୋଦି ତାଙ୍କ ଭାଷଣରେ କହିଥିଲେ ଯେ ୨୦୧୯ ଆତଙ୍କବାଦୀ ଆକ୍ରମଣ, କୋଭିଡ୍ ମହାମାରୀ ଏବଂ ସାମ୍ପ୍ରତିକ ଆର୍ଥିକ ସଙ୍କଟ ସମୟରେ ଭାରତ ଶ୍ରୀଲଙ୍କାକୁ ସମସ୍ତ ପ୍ରକାରର ସହାୟତା ଯୋଗାଇ ଦେଇଥିଲା। ସେ କହିଥିଲେ ଯେ ଭାରତର ପଡ଼ୋଶୀ ପ୍ରଥମ ନୀତି ଏବଂ ଭିଜନ ଓସେନରେ ଶ୍ରୀଲଙ୍କାର ଏକ ସ୍ୱତନ୍ତ୍ର ସ୍ଥାନ ରହିଛି। ସେ କହିଛନ୍ତି ଯେ ଭାରତ ଗତ ଛଅ ମାସ ମଧ୍ୟରେ ଶ୍ରୀଲଙ୍କାକୁ ଦିଆଯାଇଥିବା ୧୦୦ ନିୟୁତ ଡଲାରର ଋଣକୁ ଅନୁଦାନରେ ପରିଣତ କରିଛି । ଦ୍ୱିପାକ୍ଷିକ ଚୁକ୍ତିନାମା ଶ୍ରୀଲଙ୍କାବାସୀଙ୍କୁ ତୁରନ୍ତ ଆଶ୍ୱସ୍ତି ପ୍ରଦାନ କରିବ।
#WATCH | Colombo | Prime Minister Narendra Modi receives Mithra Vibhushana award from Sri Lankan President Anura Kumara Dissanayake
— ANI (@ANI) April 5, 2025
(Source - ANI/DD) pic.twitter.com/9xvngn9q00
ପ୍ରଧାନମନ୍ତ୍ରୀ ମୋଦୀ ଏହା ମଧ୍ୟ ଘୋଷଣା କରିଛନ୍ତି ଯେ ଶ୍ରୀଲଙ୍କାର ପୂର୍ବ ପ୍ରଦେଶଗୁଡ଼ିକର ବିକାଶ ପାଇଁ ଭାରତ ପ୍ରାୟ ୨୪୦ କୋଟି ଶ୍ରୀଲଙ୍କା ଟଙ୍କା ସହାୟତା ପ୍ରଦାନ କରିବ। ଏହା ବ୍ୟତୀତ, ସୁଧ ହାର ହ୍ରାସ କରିବା ପାଇଁ ନିଷ୍ପତ୍ତି ନିଆଯାଇଛି । ଯାହା ସ୍ପଷ୍ଟ କରେ ଯେ ଭାରତ ଏବେ ବି ଶ୍ରୀଲଙ୍କା ସହିତ ଦୃଢ଼ ଭାବରେ ଛିଡ଼ା ହୋଇଛି। ସେ କହିଥିଲେ ଯେ ଭାରତର 'ସବକା ସାଥ, ସବକା ବିକାଶ' ଦୃଷ୍ଟିକୋଣ କେବଳ ଦେଶ ପର୍ଯ୍ୟନ୍ତ ସୀମିତ ନୁହେଁ, ବରଂ ଏହା ସହଭାଗୀ ଦେଶଗୁଡ଼ିକର ପ୍ରାଥମିକତାକୁ ମଧ୍ୟ ସମାନ ଗୁରୁତ୍ୱ ଦିଏ।
#WATCH | Colombo | Prime Minister Narendra Modi says, "...Today, to be honoured with the Sri Lanka Mitra Vibhushan award by President Anura Kumara Dissanayake—it's not an honour to me but to 140 crore Indians. It shows the historical relation and deep friendship between the… https://t.co/YQzcwp16n0 pic.twitter.com/wCzYZUin8b
— ANI (@ANI) April 5, 2025
ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ 'ଶ୍ରୀଲଙ୍କା ମିତ୍ର ବିଭୂଷଣ'ର ଏହି ସମ୍ମାନ ୧୪୦ କୋଟି ଭାରତୀୟଙ୍କ ପାଇଁ ମଧ୍ୟ ଏକ ସମ୍ମାନ। ଏହି ସମ୍ମାନ ପାଇଁ ସେ ଶ୍ରୀଲଙ୍କାର ରାଷ୍ଟ୍ରପତି, ସରକାର ଏବଂ ଜନସାଧାରଣଙ୍କୁ ଧନ୍ୟବାଦ ଜଣାଇଥିଲେ। ସେ ଏହା ମଧ୍ୟ ଆଶ୍ୱାସନା ଦେଇଛନ୍ତି ଯେ ଭାରତ ପ୍ରତ୍ୟେକ ଆବଶ୍ୟକତାରେ ଶ୍ରୀଲଙ୍କାକୁ ସମର୍ଥନ ଜାରି ରଖିବ ଏବଂ ଦୁଇ ଦେଶ ମଧ୍ୟରେ ସମ୍ପର୍କ ଆହୁରି ମଜବୁତ ହେବ।
ଏହି ସମୟରେ ଶ୍ରୀଲଙ୍କା ରାଷ୍ଟ୍ରପତି ଅନୁରା କୁମାର ଦିସାନାୟକେ ପ୍ରଧାନମନ୍ତ୍ରୀ ମୋଦିଙ୍କୁ ସମ୍ମାନିତ କରିଥିଲେ । କହିଥିଲେ କି, ଏହି ସମ୍ମାନ କୌଣସି ନେତାଙ୍କୁ ନୁହେଁ ବରଂ ଭାରତ ଏବଂ ଶ୍ରୀଲଙ୍କା ମଧ୍ୟରେ ଥିବା ଗଭୀର ଐତିହାସିକ, ସାଂସ୍କୃତିକ ଏବଂ ଧାର୍ମିକ ସମ୍ପର୍କକୁ ଉତ୍ସର୍ଗୀକୃତ। ସେ କହିଥିଲେ ଯେ ପ୍ରଧାନମନ୍ତ୍ରୀ ମୋଦି ଏହି ସମ୍ମାନର ସମ୍ପୂର୍ଣ୍ଣ ଯୋଗ୍ୟ। ଶ୍ରୀଲଙ୍କା ଏବଂ ଭାରତ ମଧ୍ୟରେ ବନ୍ଧୁତା ସାଧାରଣ ମୂଲ୍ୟବୋଧ, ପାରସ୍ପରିକ ସମ୍ମାନ ଏବଂ ସମାନ ସ୍ୱାର୍ଥ ଉପରେ ଆଧାରିତ।
