ଭୁବନେଶ୍ୱର ୧୦।୧୨ : ବିଧାନସଭା ଶୀତ ଅଧିବେଶନ । ମଙ୍ଗଳବାର ବି ସରଗରମ ରହିପାରେ ଗୃହ । ବିଭିନ୍ନ ପ୍ରସଙ୍ଗ ନେଇ ସରକାରଙ୍କୁ ଘେରିବାକୁ ଯୋଜନା କରୁଛି ବିରୋଧୀ ଦଳ । ସେପଟେ ମଧ୍ୟ ସରକାର ବିରୋଧୀଙ୍କ କଡ଼ା ଟକ୍କର ଦେବାକୁ ମଧ୍ୟ ରଣନୀତି ପ୍ରସ୍ତୁତ କରୁଛି ।
ତେବେ ଆଜି ଗୃହରେ ପଞ୍ଚାୟତରାଜ, ପାନୀୟ ଜଳ, ଗୃହ ନିର୍ମାଣ ଓ ପୌର ଉନ୍ନୟନ, ଜଙ୍ଗଲ ପରିବେଶ ଓ ଜଳବାୟୁ ପରିବର୍ତ୍ତନ, ଗ୍ରାମ୍ୟ ଉନ୍ନୟନ, ସରକାରୀ ଉଦ୍ୟୋଗ, ଶ୍ରମ ଓ କର୍ମଚାରୀ ରାଜ୍ୟ ବୀମା ବିଭାଗର ପ୍ରଶ୍ନକାଳ ରହିଛି । ଶୂନ୍ୟ କାଳରେ ବହୁ ଗୁରୁତ୍ବପୂର୍ଣ୍ଣ ପ୍ରସଙ୍ଗ ଉଠାଇବେ ଉଭୟ ବିରୋଧୀ ଓ ଶାସକ। ପୋଲାଭରମ, ଦରଦାମ ସହ ମହିଳାଙ୍କୁ ରାଜ୍ୟସରକାର ଅଣଦେଖା ପ୍ରସଙ୍ଗ ମଧ୍ୟ ଉଠିବ। ବିରୋଧୀ କଂଗ୍ରେସ ପକ୍ଷରୁ ମୁଲତବି ପ୍ରସ୍ତାବ ଦିଆଯିବ।
