ନୂଆଦିଲ୍ଲୀ ୦୬/୧୨: ସଂସଦରେ ତେଜିଲା ଆଦାନୀ ଝଡ । ଶୁକ୍ରବାର ଆଦାନୀ ପ୍ରସଙ୍ଗକୁ ନେଇ ସଂସଦରେ ହୋହଲା ହଟ୍ଟଗୋଳ ଦେଖିବାକୁ ମିଳିଥିଲା । ତେବେ କେବଳ ସଂସଦରେ ନୁହେଂ ବାହାରି ବି ଦେଖିବାକୁ ମିଳିଥିଲା ଆଦାନୀ ତାତି । ବିରୋଧୀ ଦଳ ନେତା ରାହୁଲ ଗାନ୍ଧି ଓ ୱାୟନାଡ ସାଂସଦ ପ୍ରିୟଙ୍କା ଗାନ୍ଧିଙ୍କ ସମେତ ବିଭିନ୍ନ ବିରୋଧୀ ଦଳର ସାଂସଦମାନେ ସଂସଦ ଭବନ ବାହାରେ ସମ୍ୱିଧାନ ଧରି ପ୍ରତିବାଦ କରିଛନ୍ତି । ଆଦାନୀ ପ୍ରସଙ୍ଗରେ ଆଲୋଚନା ଲାଗି ସରକାର ଚାହୁଁ ନଥିବା ବିରୋଧୀ ଅଭିଯୋଗ କରିଛନ୍ତି।
ସେପଟେ ବଏଲର୍ସ ଆକ୍ଟ ୧୯୨୩କୁ ହଟାଇ ଏକ ନୂଆ ଆଇନ ଲାଗି ଉଦ୍ଦିଷ୍ଟ ବିଲ୍ ରାଜ୍ୟସଭାରେ ଗୃହୀତ ହୋଇଛି। ଶହେ ବର୍ଷ ତଳର ବଏଲର୍ସ ଆକ୍ଟକୁ ହଟାଇବା ଲାଗି ଗୃହରେ ଉପସ୍ଥାପିତ ହୋଇଥିଲା ବଏଲର୍ସ ବିଲ୍- ୨୦୨୪ । ୭ଟି ଅପରାଧକୁ ଅପରାଧବିହୀନ ଭାବେ ପରିଗଣିତ କରିବା ତଥା ଇଜ୍ ଅଫ ଡୁଇଂ ବ୍ୟବସ୍ଥା ଏହି ବିଲରେ ରହିଛି। ଏକ ବଏଲର ଭିତରେ କାର୍ଯ୍ୟରତ ବ୍ୟକ୍ତିଙ୍କ ନିରାପତ୍ତାକୁ ଏହି ବିଲରେ ଗୁରୁତ୍ବ ଦିଆଯାଇଛି।
