ଆନନ୍ଦପୁର ୨୪।୩: କେନ୍ଦୁଝର ଜିଲ୍ଲା ଆନନ୍ଦପୁରରେ ଲାଗିରହିଛି ମଣ୍ଡି ସମସ୍ୟା । ମାର୍ଚ୍ଚ ୩୧ ତାରିଖ ଧାନ କିଣାର ଶେଷ ତାରିଖ ରହିଥିବା ବେଳେ ଏବେବି ସମସ୍ୟା ଲାଗିରହିଛି । ଆନନ୍ଦପୁର ଉପଖଣ୍ଡ ଅଧିନ ତନୋଟି ବ୍ଲକ୍ ଯଥା ଘଷିପୁରା, ଆନନ୍ଦପୁର ଓ ହାଟଡିହି ଅଞ୍ଚଳରେ ଥିବା ୪୦ ଗୋଟି ମଣ୍ଡିରେ ଧାନକିଣାକୁ ନେଇ ଲାଗିରହିଥିଲା ସମସ୍ୟା । କେଉଁ ଠାରେ ମିଲର ଗାଡି ପଠାଇବାରେ ବିଳମ୍ବ ଯୋଗୁଁ ଧାନ ଉଠିପାରୁନାହିଁ ତ ଅନ୍ୟ କେଉଁଠି ଟାର୍ଗେଟ୍ ସରିଯାଇ ଆଉ ଟାର୍ଗେଟ୍ ଆସି ନଥିବରୁ ଚାଷୀଙ୍କ ଧାନ ସବୁ କାଳବୈଶାଖୀ ବର୍ଷାରେ ଗଜା ହେଲାଣି ।
ସୂଚନାଯୋଗ୍ୟ ଯେ, ଆନନ୍ଦପୁର ଉପଖଣ୍ଡ ଅଞ୍ଚଳରେ ୧୨୫୫ ଜଣ ଚାଷୀ ଧାନ ବିକ୍ରି କରିବାକୁ ବାକି ରହିଛନ୍ତି । ଧାନର ପରିମାଣ ୪୪୮୫୦ କ୍ବିଣ୍ଟାଲ ରହିଛି । ଧାନକିଣାର ସମସ୍ୟା ନେଇ ହାଟଡିହି ବ୍ଲକ୍ ଡଅଁର ଓ ଆନନ୍ଦପୁର ବ୍ଲକ୍ କଣ୍ଚିପାଳ ସମବାୟ ସମିତି ଅଧିନରେ ଥିବା ଚାଷୀ ଧାନକିଣା ସମସ୍ୟା ସମ୍ପର୍କରେ ଉପଜିଲ୍ଲାପାଳଙ୍କୁ ଲିଖିତ ଅଭିଯୋଗ କରିଛନ୍ତି ।
ଅନ୍ୟପଟେ ଧାକିଣାରେ ଲାଗିରହିଥିବା ସମସ୍ୟାକୁ ନେଇ ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ଏକ ବୈଠକ ଅନୁଷ୍ଠିତ ହୋଇଛି । ବୈଠକରେ ବିଜେପି କୃଷକ ମୋର୍ଚ୍ଚା ସଭାପତି ମହେଶ୍ୱର ସାହୁଙ୍କ ସମେତ ଆନନ୍ଦପୁର ଏଆରସିଏସ୍, ଉପଖଣ୍ଡ ଯେଗାଣ ଅଧିକାରୀ ଓ ବିଭିନ୍ନ ସେବା ସମବାୟ ସମିତିର ସମ୍ପାଦକ ଓ କୃଷକ ମାନେ ଯୋଗ ଦେଇଥିଲେ । ଚାଷୀଙ୍କ ବାକି ରହିଥିବା ଧାନ ପାଇଁ ସରକାରଙ୍କୁ ଅଧିକ ଟାର୍ଗେଟ୍ ଦେବାକୁ ଅନୁରୋଧ କରିବାକୁ ଉପଜିଲ୍ଲାପାଳ କହିଛନ୍ତି ।
You Can Read:
ରାଜ୍ୟର ୭୬୪ ଗ୍ରାମପଞ୍ଚାୟତରେ ଇଣ୍ଟରନେଟ୍ ଓ ମୋବାଇଲ କମ୍ୟୁନିକେସନ୍ ସେବା ଉପଲବ୍ଧ ନାହିଁ
