ମୁମ୍ଵାଇ ୦୩।୧୨; ମୋଷ୍ଟ ଟାଲେଣ୍ଟେଡ୍‌ ଅଭିନେତା ବିକ୍ରାନ୍ତ ମେସି।  ବର୍ତ୍ତମାନ ସେ ଚର୍ଚ୍ଚାରେ ଅଛନ୍ତି। ସେ ଅବସର ଘୋଷଣା କରି ସମସ୍ତଙ୍କୁ ଆଶ୍ଚର୍ଯ୍ୟ କରିଛନ୍ତି। ୩୭ ବର୍ଷିୟ ବିକ୍ରାନ୍ତ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ଲେଖିଛନ୍ତି ଯେ ବର୍ତ୍ତମାନ ଘରକୁ ଫେରିବା ସମୟ ଆସିଛି। ସେ ଆହୁରି ମଧ୍ୟ ଲେଖିଛନ୍ତି ଯେ ୨୦୨୫ରେ ଆସୁଥିବା ଦୁଇଟି ଚଳଚ୍ଚିତ୍ର ତାଙ୍କର ଶେଷ ହେବ ।

ବିକ୍ରାନ୍ତ ମେସି  ହୁଏତ ଫିଲ୍ମ ଇଣ୍ଡଷ୍ଟ୍ରିକୁ ବିଦାୟ ଦେବାକୁ ନିଷ୍ପତ୍ତି ନେଇଛନ୍ତି, କିନ୍ତୁ ତାଙ୍କର ନୂଆ ଚଳଚ୍ଚିତ୍ର 'ସାବରମତି ରିପୋର୍ଟ' ବକ୍ସ ଅଫିସରେ ପ୍ରାଧାନ୍ୟ ବିସ୍ତାର କରୁଛି। ନଭେମ୍ବର ୧୫ରେ ପ୍ରେକ୍ଷାଳୟରେ ମୁକ୍ତିଲାଭ କରିଥିବା ଏହି ଚଳଚ୍ଚିତ୍ର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଗୃହମନ୍ତ୍ରୀ ଅମିତ ଶାହା ଏବଂ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଦ୍ୱାରା ପ୍ରଶଂସା ପାଇଛି। ନଭେମ୍ବର ୨୧ ରେ, ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଲକ୍ଷ୍ନୌର ଫିନିକ୍ସ ପାଲାସିଓ ମଲରେ ତାଙ୍କ କ୍ୟାବିନେଟ୍ ତଥା ପ୍ରଶାସନିକ ଅଧିକାରୀଙ୍କ ସହ ଫିଲ୍ମ 'ସାବରମତି ରିପୋର୍ଟ' ଦେଖିଥିଲେ।

Joined fellow NDA MPs at a screening of 'The Sabarmati Report.'

I commend the makers of the film for their effort. pic.twitter.com/uKGLpGFDMA

— Narendra Modi (@narendramodi) December 2, 2024

ବର୍ତ୍ତମାନ ପ୍ରଧାନମନ୍ତ୍ରୀ ମୋଦୀ ଏହା ଦେଖିଛନ୍ତି। ଡିସେମ୍ବର ୨ ସୋମବାର ସନ୍ଧ୍ୟାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଫିଲ୍ମ 'ସାବରମତି ରିପୋର୍ଟ' ଦେଖିଥିଲେ। ସଂସଦରେ ଅପରାହ୍ନ ୪ଟାରେ ଏହି ଚଳଚ୍ଚିତ୍ରର ଏକ ସ୍ୱତନ୍ତ୍ର ସ୍କ୍ରିନିଂ ଆୟୋଜନ କରାଯାଇଥିଲା । ପ୍ରଧାନମନ୍ତ୍ରୀଙ୍କ ସହ ଏନଡିଏ ସଦସ୍ୟମାନେ ସଂସଦ ଗୃହର ଲାଇବ୍ରେରୀ ବିଲଡିଂରେ ମଧ୍ୟ ଏହି ଚଳଚ୍ଚିତ୍ର ଦେଖିଥିଲେ। ଏହା ବ୍ୟତୀତ ନିର୍ମାତା ଏକତା କପୁର, ନିର୍ଦ୍ଦେଶକ ଧୀରଜ ସରନା, ଅଭିନେତା ବିକ୍ରାନ୍ତ ମେସି, ରିଦ୍ଧି ଡୋଗ୍ରା, ରାଶି ଖାନ୍ନା ମଧ୍ୟ ଉପସ୍ଥିତ ଥିଲେ। ଏକତାଙ୍କ ପିତା ତଥା ବରିଷ୍ଠ ଅଭିନେତା ଜିତେନ୍ଦ୍ର ମଧ୍ୟ ସ୍କ୍ରିନିଂ ପାଇଁ ଦିଲ୍ଲୀ ଆସିଥିଲେ।

Well said. It is good that this truth is coming out, and that too in a way common people can see it.

A fake narrative can persist only for a limited period of time. Eventually, the facts will always come out! https://t.co/8XXo5hQe2y

— Narendra Modi (@narendramodi) November 17, 2024

ମୋଦୀଙ୍କ ସହ ଫିଲ୍ମ ଦେଖି ବିକ୍ରାନ୍ତ ଖୁସି ହୋଇଥିଲେ

ସ୍କ୍ରିନିଂ ପରେ ଅଭିନେତା ବିକ୍ରାନ୍ତ ମେସି ମଧ୍ୟ ଗଣମାଧ୍ୟମ ସହିତ କଥାବାର୍ତ୍ତା କରିଥିଲେ। ସେ କହିଛନ୍ତି ଯେ ପ୍ରଧାନମନ୍ତ୍ରୀଙ୍କ ସହ ଫିଲ୍ମ ଦେଖିବାର ସୁଯୋଗ ପାଇବା ତାଙ୍କ ଜୀବନର ହାଇଏଷ୍ଟ ପଏଣ୍ଟ। ସେ କହିଥିଲେ ଯେ ସେ ନର୍ଭସ ଥିଲେ । ଏଥିପାଇଁ ସେ ନିଜ ଭାବନାକୁ ଖୋଲାଖୋଲି ଭାବରେ ପ୍ରକାଶ କରିବାରେ ସକ୍ଷମ ନୁହଁନ୍ତି। ପ୍ରଧାନମନ୍ତ୍ରୀ ଏବଂ କ୍ୟାବିନେଟ ସଦସ୍ୟଙ୍କ ସହ ଫିଲ୍ମ ଦେଖିବା ପରେ ବିକ୍ରାନ୍ତଙ୍କ ମୁହଁରେ ଏକ ଭିନ୍ନ ଖୁସି ଥିଲା। ପରେ ସେ ଫିଲ୍ମ ଇଣ୍ଡଷ୍ଟ୍ରିରୁ ଅବସର ନେଇଥିବା ପ୍ରଶ୍ନକୁ ଅଣଦେଖା କରିଥିଲେ।