ମୁମ୍ଵାଇ ୦୪।୧୨; ଦକ୍ଷିଣ କୋରିଆର ପ୍ରସିଦ୍ଧ ଅଭିନେତା ପାର୍କ ମିନ ଜେ। ବର୍ତ୍ତମାନ ତାଙ୍କର ମୃତ୍ୟୁ ହୋଇଛି। ସେ ଟିଭି ସିରିଜ୍ ଆଇଡଲ: ଦି କୋପ୍ ୨୦୨୧, Idol: The Coup (2021) ପାଇଁ ବେଶ୍ ପରିଚୟ ହାସଲ କରିଥିଲେ। ମୃତ୍ୟୁ ବେଳକୁ ତାଙ୍କୁ ୩୨ ବର୍ଷ ବୟସ ହୋଇଥିଲା। କୋରିଆ ମିଡିଆ ରିପୋର୍ଟ ଅନୁଯାୟୀ ନଭେମ୍ବର ୨୯ରେ ପାର୍କ ମିନଙ୍କର ହୃଦଘାତ୍‌ରେ ମୃତ୍ୟୁ ହୋଇଥିଲା। ଏହି ସମୟରେ ସେ ଚୀନରେ ଥିଲେ।

ବିଗ୍ ଟାଇଟଲ୍ ଏକ ପୋଷ୍ଟ ସେୟାର କରି କହିଛି ଯେ ପାର୍କ ମିନି ଜେ, ଜଣେ ଦକ୍ଷ ଅଭିନେତା ଥିଲେ, ଯିଏ ଅଭିନୟକୁ ଖୁବ୍ ଭଲ ପାଉଥିଲେ । ସେ ପାଇଥିବା ଭଲପାଇବା ଏବଂ ସମର୍ଥନକୁ ଆମେ ଗଭୀର ଭାବେ ପ୍ରଶଂସା କରୁଛୁ। ଆମେ ତାଙ୍କ ଅଭିନୟକୁ ଆଉ ଦେଖିପାରିବୁନି। ଭଗବାନ ତାଙ୍କ ଆତ୍ମାକୁ ଶାନ୍ତି ଦିଅନ୍ତୁ। 

ପାର୍କ ମିନ ଜେ ଙ୍କ ପ୍ରୋଜେକ୍ଟ

ପାର୍କ ମିନ ଜେ ଅନେକ କୋରିଆ ଡ୍ରାମା ଫିଲ୍ମ ଏବଂ ସିରିଜରେ କାମ କରିଛନ୍ତି। ସେ କୋରିଆର ଡ୍ରାମା ସିରିଜ 'ଆଇଡଲ୍: ଦ କପ୍'ରେ କାମ କରିବା ପାଇଁ ବେଶ୍ ଜଣାଶୁଣା ଥିଲେ।  ଏହା ବ୍ୟତୀତ ସେ 'ଲିଟିଲ୍ ୱେମେନ', 'ନମ୍ଵର୍ସ', 'କୋରିଆ-ଖିତାନ୍ ୱାର', 'କଲ୍ ଇଟ୍ ଲଭ୍' ଭଳି କୋରିଆ ଡ୍ରାମାରେ ମଧ୍ୟ କାମ କରିଛନ୍ତି। ସେ ନିକଟରେ କୋରିଆର ୱେବ୍ ଡ୍ରାମା 'ସ୍ନାପ୍ ଏବଂ ସ୍ପାର୍କ'ରେ କାମ କରିଥିଲେ ।