ନୂଆଦିଲ୍ଲୀ ୦୪।୧୨: ଖୁବ୍ ଚର୍ଚ୍ଚାରେ ନାଗା ଚୈତନ୍ୟ । ବିବାହ ସହ ଲଗଜୁରୀ ଲାଇଫ ଷ୍ଟାଇଲ୍ ପାଇଁ ପରିଚିତ ନାଗା । ମହଙ୍ଗା ଗାଡିର ଶୌକ୍ ସହ କୋଟି କୋଟି ସମ୍ପତ୍ତିର ମାଲିକ । ବୁଧବାର ନାଗା ଚୈତନ୍ୟଙ୍କ ବିବାହ । ସାତ ଜନ୍ମର ସାଥି ହେଉଛନ୍ତି ନାଗା ଚୈତନ୍ୟ ଓ ଶୋଭିତା ଧୁଲିପାଲା ।
୮ ଅଗଷ୍ଟରେ କରିଥିଲେ ନିର୍ବନ୍ଧ । ଯାହା ପରେ ତାଙ୍କ ରିଲେସନସିପ୍ ଅଫିସିଆଲ୍ ହୋଇଥିଲା । ବର୍ତ୍ତମାନ ନୂଆ ଚାପ୍ଟରର ହୋଇଛି ଆରମ୍ଭ ।
ବର୍ତ୍ତମାନ ନାଗା ଚୈତନ୍ୟ ଖୁବ୍ ଚର୍ଚ୍ଚାରେ । ସେ ନିଜ ଦ୍ବିତୀୟ ବିବାହ ସହ ନିଜର ଲଗଜୁରୀ ଲାଇଫ୍ ଷ୍ଟାଇଲ୍ ପାଇଁ ବେଶ୍ ପରିଚିତ । ଆସନ୍ତୁ ଜାଣିବା ତାଙ୍କର ମୋଟ ସମ୍ପତ୍ତି ବିଷୟରେ... ରିପୋର୍ଟ ଅନୁଯାୟୀ ନାଗା ଚୈତନ୍ୟଙ୍କ ମୋଟ ସମ୍ପତ୍ତି ପ୍ରାୟ ୧୬୦କୋଟିରୁ ଉର୍ଦ୍ଧ । ସେ ତାଙ୍କର ପ୍ରତ୍ୟେକ ପ୍ରୋଜେକ୍ଟ ପାଇଁ ଅତି କମରେ ୫ ରୁ ୧୦କୋଟି ଟଙ୍କା ଆଦାୟ କରନ୍ତି ।
ଅଭିନୟ ବ୍ୟତୀତ ସେ ବ୍ରାଣ୍ଡ ଏଣ୍ଡୋର୍ସମେଣ୍ଟରୁ ମଧ୍ୟ ମୋଟା ଅଙ୍କର ରୋଜଗାର କରନ୍ତି । ସେ କିଛି ବ୍ୟବସାୟରେ ଇନଭେଷ୍ଟମେଣ୍ଟ କରିଛନ୍ତି । ନାଗା ଚୈତନ୍ୟଙ୍କ ସମ୍ପତ୍ତି ବିଷୟରେ କହିବାକୁ ଗଲେ, ହାଇଦ୍ରାବାଦର ଜୁବଲି ହିଲ୍ସ ଅଞ୍ଚଳରେ ତାଙ୍କର ଏକ ବଙ୍ଗଳା ରହିଛି । ଏହି ଘରର ମୂଲ୍ୟ ପ୍ରାୟ ୧୫ କୋଟି ଟଙ୍କା ।
ଖୁବ୍ କମ୍ ଲୋକ ଜାଣନ୍ତି ଯେ ନାଗା ଚୈତନ୍ୟ ମଧ୍ୟ ଶୋୟୁ ନାମକ ଏକ କ୍ଲାଉଡ୍ କିଚେନ୍ର ଚେନ୍ ଆରମ୍ଭ କରିଛନ୍ତି । ଏଥିରେ ସେ ଏସୀୟନ ଡିସ୍ ପରଷିଥାନ୍ତି । ନାଗା ଚୈତନ୍ୟ କାର ସୌକିନ୍ ଅଟନ୍ତି । ତାଙ୍କ ପାଖରେ କାରର ବହୁତ ଭଲ କଲେକ୍ସନ ରହିଛି । ତାଙ୍କ ପାଖରେ ଫରାରୀ ଏଫ 430, ରେଞ୍ଜ ରୋଭର ଅଟୋବାୟୋଗ୍ରାଫି, ପୋର୍ସେ 911 ଜିଟି 3 ପରି କାର ରହିଛି । ଏହାବ୍ୟତୀତ ତାଙ୍କର ଦୁଇଟି ସୁପରବାଇକ୍ BMW R9T ଏବଂ ଏ ଟ୍ରିୟୁମ୍ଫ ଥ୍ରକ୍ସଟନ୍ ଆର ବାଇକ୍ ମଧ୍ୟ ରହିଛି ।
