ନୂଆଦିଲ୍ଲୀ ୧୭/୦୫: ଇଟାଲୀ ପ୍ରଧାନମନ୍ତ୍ରୀଙ୍କୁ ଅନୋଖା ଢଙ୍ଗରେ ସ୍ୱାଗତ । ବର୍ଷାରେ ଆଣ୍ଠୁମାଡ଼ି ବସିବା ସହ ପ୍ରପୋଜ ଷ୍ଟାଇଲ୍ରେ ତାଙ୍କୁ କରିଥିଲେ ଗ୍ରାଣ୍ଡ ଓ୍ୱେଲକମ୍ । ଏମିତି ଦେଖିବାକୁ ମିଳିଛି ୟୁରୋପୀୟ ଦେଶ ସମ୍ମିଳନୀରେ । ଯେଉଁଠି ଆଲବାନିଆ ପ୍ରଧାନମନ୍ତ୍ରୀ ଏ.ଡି ରାମା ନିଜସ୍ୱ ଶୈଳୀରେ ଆତିଥ୍ୟ ଦେଇଥିଲେ । ଏମିତିକି ତାଙ୍କର ଏପରି ଷ୍ଟାଇଲ୍କୁ ଅଟକାଇ ପାରିନଥିଲା ପ୍ରବଳ ବର୍ଷା ।
ତେବେ ଇଟାଲୀ ପ୍ରଧାନମନ୍ତ୍ରୀ ଜର୍ଜିଆ ମେଲୋନିଙ୍କୁ ଓ୍ୱେଲକମ୍ କରିବାର ଷ୍ଟାଇଲି ଥିଲା ପୂରା ହଟ୍କେ । ନିକଟରେ କ୍ରମାଗତ ଚତୁର୍ଥ ଥର ପାଇଁ ବିଜୟୀ ହୋଇଥିବା ରାମା ୨୦୩୦ ସୁଦ୍ଧା ଆଲବାନିଆକୁ ୟୁରୋପୀୟ ସଂଘରେ ଏକୀକୃତ କରିବାର ନିର୍ବାଚନ ପ୍ରତିଶ୍ରୁତି ସହିତ EPC ସମ୍ମିଳନୀରେ ଯୋଗ ଦେଇଥିବା ୪୦ ରୁ ଅଧିକ ଦେଶର ନେତାମାନଙ୍କୁ ଉତ୍ସାହର ସହ ସ୍ୱାଗତ କରିଥିଲେ।
ପ୍ରାୟ ଛଅ ଫୁଟ ସାତ ଇଞ୍ଚ ଉଚ୍ଚତା ଥିବା ରାମା ପ୍ରତି ଅତିଥିଙ୍କୁ ହସ ହସ ଓ ଭିନ୍ନ ଶୈଳୀରେ ସ୍ୱାଗତ କରିଥିଲେ । ଶିଖର ସମ୍ମିଳନୀର ପୂର୍ବ ସନ୍ଧ୍ୟାରେ, ସେ ଇନଷ୍ଟାଗ୍ରାମରେ ଲେଖିଛନ୍ତି: ତିରାନାରୁ, ଯେଉଁଠାରେ ଆଜି ସମଗ୍ର ୟୁରୋପ ଏକତ୍ରୀତ ହୋଇଛି । ଯାହାକୁ ସମଗ୍ର ବିଶ୍ୱ ଦେଖିବ, ମୁଁ ଆପଣମାନଙ୍କୁ ସମସ୍ତଙ୍କୁ ସ୍ୱାଗତ କରୁଛି। ଶିଖର ସମ୍ମିଳନୀ ଏକ ରେଡ୍ କାର୍ପେଟ ସହିତ ଆରମ୍ଭ ହୋଇଥିଲା । ଯେଉଁଥିରେ ରାମା, ଏକ ନୀଳ ଛତା ଧରି ଠିଆ ହୋଇ, EPC ଲୋଗୋ ସହିତ ଏକ ଟାଇ ଏବଂ ତାଙ୍କର ସିଗନେଚର ସ୍ନିକର୍ସ ପିନ୍ଧି ୟୁରୋପୀୟ ନେତାମାନଙ୍କୁ ସ୍ୱାଗତ କରିଥିଲେ।
ଯେତେବେଳେ ଇଟାଲୀୟ ପ୍ରଧାନମନ୍ତ୍ରୀ ମେଲୋନି ପହଞ୍ଚିଲେ । ରାମା ତାଙ୍କ ଆଗରେ ଆଣ୍ଠୁ ମାଡ଼ି ବସିଗଲେ । ଯେପରି ସେ ପ୍ରାୟତଃ ତାଙ୍କ 'ଇଟାଲୀୟ ଭଉଣୀ' ପାଇଁ କରନ୍ତି। ୟୁକ୍ରେନୀୟ ରାଷ୍ଟ୍ରପତି ଭୋଲୋଡିମିର ଜେଲେନ୍ସକିଙ୍କୁ ବିଶେଷ ସମ୍ମାନ ଦେବା ସହିତ, ସେ ନିଜେ ତାଙ୍କୁ ଓପେରା ଭବନକୁ ନେଇଗଲେ । ଯେଉଁଠାରେ ନେତାମାନେ ଆଲୋଚନା କରିବାର ଥିଲା। ଯେତେବେଳେ ମାକ୍ରନ୍ ପହଞ୍ଚିଲେ, ରାମା ମଜା କରି କହିଲେ, 'ସୂର୍ଯ୍ୟ ରାଜା ଆସିଗଲେ । ଉଭୟ ନେତା ପରସ୍ପରକୁ ଆଲିଙ୍ଗନ କଲେ ଏବଂ ତା’ପରେ ଭିତରକୁ ପ୍ରବେଶ କଲେ।
Giorgia Meloni truly commands the utmost respect of world leaders. This is quite the sight to see. pic.twitter.com/xBp3d0Qi7j
— Joey Mannarino 🇺🇸 (@JoeyMannarinoUS) May 16, 2025
୨୦୨୨ ମସିହାରେ ୟୁକ୍ରେନ ଉପରେ ରୁଷର ଆକ୍ରମଣ ପରେ ଫ୍ରାନ୍ସ ରାଷ୍ଟ୍ରପତି ମାକ୍ରନଙ୍କ ଦ୍ୱାରା ଆରମ୍ଭ ହୋଇଛି ଏହି EPC ବୈଠକ । ସମସ୍ତ EU ସଦସ୍ୟ ରାଷ୍ଟ୍ର ଓ ଅନ୍ୟ ୨୦ଟି ଦେଶକୁ ଗୋଟିଏ ମଞ୍ଚରେ ଏକାଠି କରିଛି। ଏହି ବୈଠକରେ ୟୁକ୍ରେନ ସବୁଠାରୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଥିଲା, ଇସ୍ତାନବୁଲରେ ଋଷ ଓ ୟୁକ୍ରେନ ମଧ୍ୟରେ ଚାଲିଥିବା ଆଲୋଚନା ଏବଂ ପ୍ରବାସ ପ୍ରସଙ୍ଗ ଉପରେ ମଧ୍ୟ ଆଲୋଚନା ହୋଇଥିଲା।
