ମୁମ୍ବାଇ: ସଲମାନ ଖାନଙ୍କ ଫିଲ୍ମ ସିକନ୍ଦରଙ୍କ ଘୋଷଣା ପରଠୁ ପ୍ରଶଂସକ ଉତ୍କଣ୍ଠା ବଢି ଯାଇଛି। ଆଜି ଦବଙ୍ଗ ଖାନଙ୍କ ଏହି ଫିଲ୍ମର ପ୍ରଥମ ଝଲକ ଟିଜର ଭାବେ ସାମ୍ନାକୁ ଆସିଛି। ପ୍ରାୟ ଦେଢ ମିନିଟ୍ର ଏହି ଟିଜରରେ ବନ୍ଧୁକ ଓ ମୁଖା ପିନ୍ଧିଥିବା ଶତ୍ରୁମାନଙ୍କୁ ଦେଖିବାକୁ ମିଳିଛି। ପ୍ରଚ୍ଛଦପଟ୍ଟରେ ଦମଦାର ମ୍ୟୁଜିକ ଶୁଣିବାକୁ ମିଳିଛି। ଦବଙ୍ଗ ଖାନଙ୍କ ଏହି ଅନ୍ଦାଜ ଦେଖି ଲାଗୁଛି ସିକନ୍ଦର ବକ୍ସ ଅଫିସ୍ରେ ଧମାକା କରିବାକୁ ଯାଉଛି। ଟିଜର ରିଲିଜ୍ ହେବା ମାତ୍ରେ ସାମାଜିକ ଗଣମାଧ୍ୟମରେ ସିକନ୍ଦର ଟ୍ରେଣ୍ଡ କରିବାରେ ଲାଗିଛି।
ସିକନ୍ଦର ଟିଜରରେ ସଲମାନ ଖାନଙ୍କ ଜବରଦସ୍ତ ସଂଳାପ ପ୍ରଶଂସକଙ୍କୁ ଉତ୍ସାହିତ କରିଛି। ଟିଜର ଦବଙ୍ଗ ଖାନଙ୍କ ପ୍ରଶଂସକଙ୍କ ପାଇଁ ବଡ଼ ଉପହାର ସ୍ଵରୂପ ହୋଇଛି। ଟିଜରଟି ସଲମାନ ଖାନଙ୍କ ସ୍ଵାଗରେ ଭରପୂର ରହିଛି। ପ୍ରଶଂସକଙ୍କ କହିବା କଥା ଫିଲ୍ମଟି ବକ୍ସ ଅଫିସରେ ସୁପର ଡୁପର ହିଟ୍ ହେବ। ଟିଜର ଆରମ୍ଭରୁ ସଲମାନଙ୍କ ଧମାକାଦାର ଆକ୍ସନ ଦେଖିବାକୁ ମିଳିଛି।
Also read: ‘ପୁଷ୍ପା ୨’ ଦଳାଚକଟା ମାମଲାରେ ତେଲଙ୍ଗାନା ସିଏମଙ୍କ ବଡ ନିଷ୍ପତ୍ତି, ଏଭଳି କରିବେ ସମସ୍ୟାର ସମାଧାନ
ସଲମାନ କହୁଛନ୍ତି, ଶୁଣିଛି ମୋ ପଛରେ ବହୁତ ଲୋକ ପଡ଼ିଛନ୍ତି। ବାସ୍ ମୁଁ ପଛକୁ ଚାହିଁ ଦେଖିବାର ଅଛି। ଏତିକି କହିବା ପରେ ସଲମାନ ଶତ୍ରୁ ଉପରେ ହମଲା କରୁଛନ୍ତି। ଅଭିନେତାଙ୍କ ଜୋରଦାର ଆକ୍ସନ ଓ ଦମଦାର ବ୍ୟାକଗ୍ରାଉଣ୍ଡ ମ୍ୟୁଜିକ ଟିଜରକୁ ଧମାକାଦାର କରିଛି। ଟିଜରରେ ସଲମାନଙ୍କ ବ୍ୟତୀତ ଅନ୍ୟ କୌଣସି ଅଭିନେତା କି ଅଭିନେତ୍ରୀଙ୍କୁ ଦେଖିବାକୁ ମିଳିନାହିଁ। ୧ ମିନିଟ୍ ୪୧ ସେକେଣ୍ଡର ଟିଜରରେ ସଲମାନ ଛାଇ ରହିଛନ୍ତି।
ନିର୍ଦ୍ଦେଶକ ଏ.ଆର. ମୁରୁଗଦାସଙ୍କ ନିର୍ଦ୍ଦେଶନାରେ ନିର୍ମିତ ସିକନ୍ଦର ୨୦୨୫ ଇଦରେ ବଡ଼ ପରଦାକୁ ଆସିବ। ସାଜିଦ ନାଦିଓ୍ଵାଦଓ୍ଵାଲା ବ୍ୟାନରରେ ଏହି ଫିଲ୍ମର ନିର୍ମାଣ ହୋଇଛି। ଫିଲ୍ମରେ ସଲମାନ ଖାନଙ୍କ ବ୍ୟତୀତ ରଶ୍ମିକା ମନ୍ଦାନା, କାଜଲ ଅଗ୍ରଓ୍ଵାଲ, ସତ୍ୟରାଜ ଓ ପ୍ରତୀକ ବବ୍ବର ଅଭିନୟ କରିଛନ୍ତି।
