କଟକ ୮।୧: ପ୍ରଥମେ ଅପହରଣ ପରେ ମୁଣ୍ଡ ଜାମିନ ରଖି ଟଙ୍କା ଦେବାକୁ ଧମକ ଦେବାଭଳି ସଙ୍ଗୀନ ଅପରାଧର ପର୍ଦ୍ଦାଫାସ କରିଛି ପୋଲିସ । କଟକରେ ଏଭଳି ଦୁଇଟି ଘଟଣାରେ ପୋଲିସ ମୋଟ୍ ୬ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । 

କଟକ ମଙ୍ଗଳାବାଗ ଥାନା ଅଞ୍ଚଳରୁ ପ୍ରଥମେ ଦୁଇ ଜଣ ଶ୍ରମିକଙ୍କୁ ଅପହରଣ କରାଯାଇଥିଲା । ସେମାନଙ୍କ  ମୁଣ୍ଡ ଜାମିନ ରଖି, ଘର ଲୋକଙ୍କୁ ମୋଟା ଅଙ୍କର ଟଙ୍କା ଦାବି କରିଥିଲେ ଅପରାଧୀ । ତେବେ ଅପହରଣକାରୀଙ୍କ ମୋବାଇଲ ନମ୍ୱରକୁ ଟ୍ରେସ୍ କରି ସେମାନଙ୍କୁ ଗିରଫ କରିଛି ପୋଲିସ । ସେମାନଙ୍କ କବଳରୁ ଅପହୃତ ବ୍ୟକ୍ତିଙ୍କୁ ଉଦ୍ଧାର କରାଯାଇଛି । ଗିରଫ ଅଭିଯୁକ୍ତଙ୍କ ମଧ୍ୟରୁ କିଛି ଅଭିଯୁକ୍ତଙ୍କ ନାଁରେ ପୂର୍ବରୁ ଏକାଧିକ ମାମଲା ରହିଛି । 

ସେହିଭଳି କଟକ ବୟାଳିଶମୌଜା ଅଞ୍ଚଳରେ ମଧ୍ୟ ଜଣେ ବ୍ୟକ୍ତିଙ୍କୁ ୪ ଜଣ ବ୍ୟକ୍ତି ଜୋରଜବରଦସ୍ତ କରି ଗାଡ଼ିରେ ନେବା ସହ ତାଙ୍କୁ ମାଡ ମାରି ତାଙ୍କ ପରିବାରକୁ ଟଙ୍କା ଦେବାକୁ ଧମକ ଦେଇଥିଲେ । ଏନେଇ ଅପହୃତଙ୍କ ପତ୍ନୀ ପୋଲିସକୁ ଜଣାଇବା ପରେ ପୋଲିସ ଅପହରଣକାରୀଙ୍କୁ ଟ୍ରାକ୍ କରି ଧରିବା ସହ ଅପହରଣରେ ବ୍ୟବହାର ହୋଇଥିବା ଗାଡ଼ିକୁ ମଧ୍ୟ ପୋଲିସ ଜବତ କରିଛି ।

You Can Read:

ବିଦ୍ୟାଳୟରେ ଶିକ୍ଷକ ଅଭାବ, ପ୍ରତିବାଦରେ ତାଲା ପକାଇ ଛାତ୍ରଛାତ୍ରୀ ଓ ଅଭିଭାବକ ଧାରଣାରେ