ଟାଙ୍ଗୀର ୧୪।୩: ସାତ ଜନ୍ମର ସାଥୀ ହୋଇ ଚାଲିବାକୁ କଥା ଦେଇଥିଲେ । ସାଥୀ ହୋଇ ଚାଲିଗଲେ ଆରପାରିକୁ । ଖୋର୍ଦ୍ଧାରେ ସଡ଼କ ଦୁର୍ଘଟଣାରେ ପ୍ରାଣ ହରାଇଛନ୍ତି ଗଞ୍ଜାମ ଦମ୍ପତି ।
ସୂଚନାଯୋଗ୍ୟ ଯେ, ଖୋର୍ଦ୍ଧା ଜାତୀୟ ରାଜପଥରେ ସଡ଼କ ଦୁର୍ଘଟଣା ଘଟିଛି । ଦୁର୍ଘଟଣାରେ ଦମ୍ପତିଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି । ଦମ୍ପତି ଏକ କାର୍ ଯୋଗେ ନିଜ ଘରକୁ ଫେରୁଥିବା ବେଳେ ରାସ୍ତା କଡ଼ରେ ଥିବା ଏକ ସିମେଣ୍ଟ ପିଲର ସହିତ ଧକ୍କା ହୋଇଥିଲା । ବାଲୁଗାଁ ଥାନା ଅଧିନସ୍ଥ ବଡ଼କୁଳ ଛକ ନିକଟରେ ଥିବା କନ୍ଧନୂଆଁଗଡ଼ ଓଭରବ୍ରିଜ୍ରେ ହୋଇଛି ଏଭଳି ମର୍ମନ୍ତୁଦ ଦୁର୍ଘଟଣା । ମୃତ ଦମ୍ପତି ହେଉଛନ୍ତି ଗଞ୍ଜାମ ଜିଲ୍ଲା ଆଲିପୁର ଗାଁର ଶିବରାମ ପାଢୀ ଓ ତାଙ୍କର ପତ୍ନୀ ।
ସ୍ୱାମୀ-ସ୍ତ୍ରୀ ଦୁହେଁ ଭୁବନେଶ୍ୱରରୁ ଗଞ୍ଜାମ ଜିଲ୍ଲା ଆଲିପୁର ଗାଁକୁ ଫେରିବା ବେଳେ ଏଭଳି ସଡ଼କ ଦୁର୍ଘଟଣା ଘଟିଥିଲା । ବାଣପୁର ମେଡିକାଲରେ ଦମ୍ପତିଙ୍କ ମୃତଦେହ ରହିଛି । ବାଲୁଗାଁ ପୋଲିସ ପକ୍ଷରୁ ତଦନ୍ତ ଜାରି ରହିଛି ।
You Can Read:
ଗୋଟିଏ ଗୋଟିଏ ଲୋକ ଯନ୍ତାରେ ପଡ଼ୁଛନ୍ତି, ଆଗକୁ ଆହୁରି ଅନେକ ଯନ୍ତାରେ ପଡ଼ିବାର ସମ୍ଭାବନା : ଆଇନ ମନ୍ତ୍ରୀ
