ମୁମ୍ଵାଇ ୨୮।୦୩; ଗତ କିଛି ଦିନ ହେବ ଦିଶା ସାଲିଆନଙ୍କ ମାମଲା ପୁଣିଥରେ ଚର୍ଚ୍ଚାର ବିଷୟ ପାଲଟିଛି। ତାଙ୍କ ମୃତ୍ୟୁର ପ୍ରକୃତ କାରଣ ମାଲବଣୀ ପୋଲିସର ପୂର୍ବ କ୍ଲୋଜର ରିପୋର୍ଟରେ ପ୍ରକାଶ ପାଇଛି। ଯେଉଁଥିରେ ଏହା ଆତ୍ମହତ୍ୟା ବୋଲି ଉଲ୍ଲେଖ କରାଯାଇଛି। ରିପୋର୍ଟରେ ଦର୍ଶାଯାଇଛି ଯେ ଦିଶା ସାଲିଆନ ଆର୍ଥିକ ସମସ୍ୟା ଦେଇ ଗତି କରୁଥିଲେ। ତାଙ୍କ ବାପାଙ୍କର ଆଫେୟାର୍ସ ହେତୁ ଦିଶା ତାଙ୍କୁ ସବୁବେଳେ ଟଙ୍କା ଦେଇ ଥକି ଯାଇଥିଲେ। ସେ ଏହା ବିଷୟରେ ନିଜ ସାଙ୍ଗମାନଙ୍କୁ ମଧ୍ୟ କହିଥିଲେ। ଏହି କାରଣରୁ ଦିଶା ଚାପରେ ଆତ୍ମହତ୍ୟା କରିଥିଲେ। ମାଲବଣୀ ପୋଲିସର ପୂର୍ବ କ୍ଲୋଜର ରିପୋର୍ଟରେ ଏହା ଉଲ୍ଲେଖ କରାଯାଇଛି।
କହିବାକୁ ଗଲେ ଗତ ସାଢେ ଚାରି ବର୍ଷ ଧରି ଦିଶା ସାଲିଆନ୍ ମାମଲାରେ ରାଜନୀତି ଦେଖାଯାଉଛି। ଦିଶାଙ୍କ ବାପାଙ୍କ ଯୋଗୁଁ ଏହି ମାମଲାଟି ବମ୍ବେ ହାଇକୋର୍ଟଙ୍କ ଦ୍ୱାରସ୍ଥ ହୋଇଛି। ବାସ୍ତବରେ ତାଙ୍କ ଉପରେ ଏବଂ ଓକିଲଙ୍କ ବିରୋଧରେ ଅନେକ ଅଭିଯୋଗ କରାଯାଉଛି। ଅନ୍ୟପକ୍ଷରେ, ମାଲବଣୀ ପୋଲିସର କ୍ଲୋଜର ରିପୋର୍ଟରେ କୁହାଯାଇଛି ଯେ ତାଙ୍କ ପିତା ସତୀଶ ସାଲିଆନଙ୍କର ଏକ୍ସଟ୍ରା ମ୍ୟାରିଟାଲ ସମ୍ପର୍କ ଥିବାରୁ ଦିଶା ଆତ୍ମହତ୍ୟା କରିଛନ୍ତି।
ଚାପ ଯୋଗୁଁ ଆତ୍ମହତ୍ୟା
ରିପୋର୍ଟରେ ଆହୁରି କୁହାଯାଇଛି ଯେ ଏକ୍ସଟ୍ରା ମ୍ୟାରିଟାଲ ସମ୍ପର୍କ ହେତୁ ଦିଶା ସାଲିଆନ୍ ପ୍ରତ୍ୟେକ ଥର ତାଙ୍କ ପିତାଙ୍କୁ ଟଙ୍କା ଦେଉଥିଲେ। ବାରମ୍ବାର ଟଙ୍କା ଦାବି ହେତୁ ଦିଶା ଆର୍ଥିକ ସଙ୍କଟର ସମ୍ମୁଖୀନ ହୋଇଥିଲେ। ଏହି କାରଣରୁ ସେ ଚାପରେ ଆତ୍ମହତ୍ୟା କରିଥିଲେ।
ଅନ୍ୟପକ୍ଷରେ ମହାରାଷ୍ଟ୍ର ବିଧାନସଭାର ବଜେଟ୍ ଅଧିବେଶନରେ ଦିଶା ସାଲିଆନଙ୍କ ମାମଲା ମଧ୍ୟ ଉଠାଯାଇଥିଲା। ଏହି ସମୟରେ ଆଦିତ୍ୟ ଠାକରେଙ୍କ ଇସ୍ତଫା ଦାବି ଉଠିଥିଲା। କେବଳ ଏତିକି ନୁହେଁ, ଏକନାଥ ସିନ୍ଦେଙ୍କ ବିଧାୟକମାନେ ଆଦିତ୍ୟଙ୍କ ନାର୍କୋ ଟେଷ୍ଟ ପାଇଁ ମଧ୍ୟ କହିଥିଲେ। ସାଂସଦ ନାରାୟଣ ରାଣେ ଏବଂ ତାଙ୍କ ମନ୍ତ୍ରୀ ପୁଅ ନୀତୀଶ ରାଣେ ଦିଶା ସାଲିଆନ ମାମଲାରେ ଆଦିତ୍ୟ ଠାକରେଙ୍କୁ ଅନେକ ଥର ଟାର୍ଗେଟ କରିଛନ୍ତି।
